回憶總是老北京 (第五天)

昨日他們修理好電源的問題, 只提醒我們不要亂插電掣便應該無事, 所以昨晚倒睡得很好. 今天的早餐也是room service, 但不是中餐了:

炒(老)蛋+冷冰冰的火腿+生命麵包+一籮牛油/果占

今早要去昨天沒有去的地方 - 頤和園, 又再搭個多小時巴士, 焗得要命!

二十蚊的地圖 - 搶錢

凍到笑唔出


長廊 - 幅幅圖案都不一樣的, 厲害


請留意下面的是冰不是水.

是時候食午飯了, 就在園內的餐廳:

累得要死

疑似落了蘇丹紅的鴨件, 家母看到一定唔俾我食.

炒油墨菜

台式竹筒飯

水晶粉

埋單要成一百蚊, 原來壺茶係碧螺春, 要RMB45, 擺明呃遊客...怒爆

很凍, 簡直係寒風刺骨.

唔知係咪凍親, 走時佢開始話唔舒服, 唔知係咪食錯東西, 本來已去到朝陽繼續下一個景點, 但他似乎頂唔住...要回酒店休息, 臨上的士之前還要拗柴..poor he. 回到四合院他便訓覺, 我就自己出外附近走了一會, 掃街食野...正!!

他訓醒的時候都已經九點多, 狀態還可, 便到附近食飯, 經過的餃子店已經打烊, 到最後入了一間小店, 點了以下:

其實呢個係蘿白牛腩, 但係唔知點解咁多水, 同埋蘿蔔唔腍, 好爽好怪. 牛腩就ok.

湯粉 -- 亦是驚喜之作, 蕃茄湯底, 有豆腐肉碎....但太大碗了, 食唔晒.

第五天完~

回憶總是老北京 (第四天)

說第四天之前, 要講一講昨晚發生的事 - 話說房間其實真的頗凍, 雖有暖氣機但所放的位置不算好, 故特意放在我們兩張床中間, 在我那邊插掣, 誰知應該是電壓的問題, 半夜忽然跳掣, 以致部份插頭沒有電力供應, 廁所更是完全無電, 熱水也沒有了, 害得alan要沖無熱水的涼. 服務台也幫不到我們, 因為都要待明天才可叫人來修理...第一夜在四合院總算捱過, 好彩亦不算太冷.

早餐是有人送到我們房間, 有粥+鹹豆腐花+餃子. 餃子還可, 其他唔得.

門外照一張, alan幾乎坐爛了這個瓷器的東西~

今天第一站是去天壇, 冇錯, 我都是第三次去的.

例牌照一張

好很凍呀

完事後想去食天書介紹的天下第一籠, 即是小籠包, 坐了兩趟才去到目的地. 誰知, 執左? 攪x錯. 唯有求其找一間菜館醫肚, 點了:

回鍋肉, 好多油, 賣相奇差但味道比想像好.

連碗飯的presentation都勁肉酸.

醫肚後下一程是圓明園, 如果唔係俾洋鬼子破壞晒+搶走晒, 理應世界最靚的地方.




凍到唔帶帽都頂唔順.

行完已經四點多, 趕唔切再去頤和園, 唯有再度時間. 走到對面的coffee shop飲杯熱飲.

輕托香腮...嘔

晚上想去朝陽一帶逛逛, 聽coffee shop老板娘教乘巴士+地鐵, 輾轉都要幾多小時才到, 一出外, 有野食!!!!

牛肉餅 -- 超好食!

循例都在聖誕樹後影番張相.

這裡附近的商場人流不多, 可能賣的東西比較高檔, 晚餐決定唔食中餐, 食日本料理.

地方都幾靚, 幾jap

煙三文魚沙律 - ok啦

壽司拼盤, 貼近香港價錢, 亦都好新鮮.

第四日完~

08竹戰第二回

自上次業sir無厘頭冇現身後, 今次終於成功找到他出現...今次分了上下半場:

上半場: 業sir, 肥肥, alan,我
歷時: 9小時
戰績: alan大勝$600

大家都厭倦了為了打牌而要捱飯盒, 便到了附近的尚興食飯, 到了上層, 嘩, 一看之下, 有兩圍member, 尚興幾時變了member飯堂?

業sir食完飯後說約了人(?!)要走, 還好有水小姐的加入才不致爛尾.

下半場: 水小姐, 肥肥, alan, 我
歷時: 12小時
戰績: 水小姐的bel's theory竟然為佢帶來大勝, 我猶幸打和, alan輸了$400, 肥肥又輸~

打完牌還有精神進行了一個"小掃除", 我清潔了廚房 -- 頑固污漬, no! 下午五點才上床, 變態!!

Song of the Day: 無所謂 - 衛蘭

回憶總是老北京 (第三天)

一早起來看升旗儀式, 下了車便有人遞了國旗一支, 再問問要十塊才有交易, 搶錢! 已經是第三次看所以沒有震撼沒有感覺, 只是覺得很餓! 找了良久才找到食店:

驢打滾 - 類似豬肚, 好味!

玉米粥 - 無味, 但因為熱所以硬著頭皮食.

吃飽有了energy, 行國家大劇院, 加上倒影效果, 好靚!

接著便是故宮, 但沒有入場看, 影了相便是交差.

人民英雄紀念碑 -- 另一"到此一遊"之作.

中午跟Reuters的北京同事打邊爐, 之後急急腳回酒店, 因要搬酒店! 由五星級搬至唔知有沒有星的四合院酒店 -- 春秋園賓館:

沒有五星級的裝修, 卻有細心服務. 沒有中央暖氣, 卻有暖氣機.

新派洗手間有仿古洗手盆

check-in過後出外走走, 去了舊胡同....當然亦是離不開....食!

紅豆奶酪 -- 超超超超超好味

夜晚去了孔乙己吃飯, 點了:

油甘筍 - 呢個得

醉花腰 - 內地很普遍, 但香港好像很少食到.

東坡肉 - 肥得可怕, 但蘇生說很好味

蟹粉獅子頭 - 名過於實

又一食相...

第三天完!

Song of the Day: Feedback - Janet Jackson

27宜嫁

情節熟口熟面, 由冤家到發展感情不知看過多少次, 接著再發生誤會, 到最後大團員結局, 所有都是計算好但不算聰明, 枉廣告說是穿Prada的惡魔之另一傑作, 失望!

不過有一情節倒令我想了良久 - 女主角的妹妹結識了女主角暗戀N年的上司, 為了討好不惜一切遷就, 以表示有幾夾. 想起自己當年應該也試過這樣...哈! 幸好我沒有像她那樣不幸.

Song of the Day: Feedback - Janet Jackson

Janet 新碟消息

另一邊廂Janet Jackson比Mariah早一步於二月尾出碟. 新碟封面...唔係好得.

最後Tracklist仍未出, 只有以下那些:

Feedback (Produced by Darkchild)
Roller Coaster (Produced by Darkchild)
Discipline (Produced by Ne-Yo)
Can't Be Good (Produced by Ne-Yo)
Letchu Go (Produced by Jermaine Dupri)
Tonight (possible second single)
Love, Love, Love
Rock With You

Greatest Ex Ever

Mariah Carey新碟消息

Mariah Carey的樂迷一早已經知道她會在今年出新碟. 終於有新碟的資料及封面了.

根據Billboard提供以下tracklist:
"Lovin' You Long Time"
"Touch My Body"
"That Chick"
"Thanx for Nothin'"
"For the Record"
"Migrate" featuring T-Pain
"Cruise Control" featuring Damian Marley
"Love Story"
"OOC"
"Bye Bye"
"For Real"
"Heat"

愚人節面世, 首隻細碟還未公佈, 勁等待!

Song of the Day: I've Been Thinking About You - Mariah Carey

每日懷念妳

去年今日你離開了我們, 經過一年的時間, 大家已將哀痛變成一種懷念. 從來都沒有夢見妳, 希望你在另一個世界生活安好.

今天與母親及大姐飲茶, 一年前的今天你們都哭得死去活來, 很安慰一年後大家的心態都調整過來. 希望婆婆你在上天保佑我們全家幸福快樂.

婆婆, 懷念你.

Song of the Day: Missing You - Diana Ross

很忙很忙

最近數晚都超級忙碌.

自從alan買了i-Pod Touch這個小玩意給我之後, 最初我只當他是一部普通16GB的mp3, 就算蘇生跟我提及的無線上網功能, 我都沒有太大興趣. 反而去了BBS看看用家說的功能, 看到可以放相片在歌裡面, 即時決定要將我在入面暫時三千多首的外語歌曲加上album/single cover, 所以最近超忙上網找album+single封面, 雖然好像有點無聊, 但聽歌時看到歌手的封面, 感覺正好多好多!!! 但3,xxx多首真的不知要多久才可完成.....

Song of the Day: 只得一次 -- 關淑怡

藍莓之夜

沒有王導演的一貫奄奄悶悶, 不知道是不是為了遷就影壇生手Norah Jones, 一切都變得商業化, 簡簡單單, 不再無厘頭, 不再唔知做緊乜, 不再唔知佢想點.

Norah Jones角色相對容易演, 複雜內心戲都在Rachel Weiz + Natalie Portman身上.

Alan就不太喜歡, 我反而幾buy - 簡單易明!

Song of the Day: 酷愛 - 張敬軒

回憶總是老北京 (第二天)

說過今早要看升旗儀式, 但給睡魔及被窩緊緊的纏著, 起來的時候已經九點多, 唯有臨時改行程. 去了首都博物館新館, well, 都是看那些古董文物之類的, 對我來說...超悶!

國家博物館新館內

國家博物館新館外

參觀完後當然是食 -- 天書介紹的"老北京炸醬麪", 點了:

小牛肉 - 其實是牛腩, 好味喎

招牌炸醬麪: 不太喜歡麪豉醬味; 煎餃子幾juicy, 上湯芥蘭比較油

接著便想去看看鳥巢, 但的士司機說只可經過, 於是只可拍了這張:

趁還未天黑, 便叫的士司機去798藝術區, 司機找了很久都找不到, 要我們下車再問人, 行了五分鐘便到, 但是超凍...好大風呀~其實真的唔算易找, 因為它隱藏在舊工業區裡.

凍到縮埋

好靚的塗鴉, 果然夠artistic

行到六點左右差不多大部份的店舖都關門大吉, 所以決定離開吃晚飯 - 是日安排: 全聚德! 坐(塞)了一個小時左右的士, 睡了很多會, 終於到了王府井店.

今次我們點了:

鴨肉春卷: 唔係好脆, 亦都唔太覺得有鴨肉的存在.

龍鬚糖:上面的碎糖很騎呢, 但味道比想像好.

四式餃: 好睇唔好食

表情超駭人, 要再扮都好難.

主角出場: 一個字 - 正!

鴨肉八寶飯 - 又甜又鹹, 但比想像好味...只是很油 (你們看到面頭的油嗎)

食飽行了一會, 不經不覺就行到去新華門夜市, N年前都來過這裡掃街, 現在感覺差不多, 只是東西貴了很多, 從前才兩元一串羊肉現在都一律五元了.

蘇生對冰糖葫蘆沒有興趣, 所以沒有買.

炸鮮奶 - 炸之前是白色一片片, 炸好還加煉奶+砂糖, 我夠甜了.

十點鐘, 他們的燈被關掉, 即代表要收檔, 最尾叫了爆肚, 好味!

吃完準備離開返酒店, 經過王府井小食街又去望望, 見到瓶裝的酸乳, 必飲! 超滿足.

Song of the Day: Breathless - Shayne Ward