American Idol (Top 11)

這個星期很關鍵, 因為只有一人去不到夏天的summer nationwide tour, 去不到的好唔抵. 每個星期的主題是country, 差不多每年都有呢個主題, 自問雖不算country fans, 但都聽不少country女歌手, 由老一派的Dolly Parton, 到十年前最紅的Shania Twain, Faith Hill, Martina McBride, 甚至鄉謠新貴Carrie Underwood及Taylor Swift都沒有錯過, 但偏偏這個主題我總不會期待...包括今個星期.

咁邊個表現出色呢? 有兩位參賽者唱了carrie, 但都是男生, 其中佢唱得好.
Matt Giraud將這首歌改了成為自己的歌, 不是perfect vocal, 特別是最尾的假音, 嚇人, 但overall已是最好.

另一唱carrie的是Danny Gokey, Jesus Takes The Wheels

前半段唔得, 後半段就補救到.

那位剛剛錯過tour的尾班車? 是她 - 唱了Dolly Parton的Jolene, 節奏慢了不緊要, 但走音就很緊要, 雖然她不算最差, 但被淘汰一點都不意外.

去年Brooke White在Dolly Parton Week都唱了Jolene.

潮拜購物狂

上星期在開新季一文中被某人留言稱我為"買衫狂", 其實我覺得自己一點都不是買衫狂, 就算我買都真是會著, 不像某人勁買T但又唔著, 再者自己不會買過千元的裇衫, 高級名店全部No No No (開倉除外).

OK, 為自己平反完畢.

就在上星期入貨後看了潮拜購物狂, 去看都是因為呢套戲可以不用帶腦看, 預計了的笑料, 無聊, 白痴, 靚衫統統都有. 故事卻是意料之外的爛, 主角cast全部都不認識, 女主角樣老, 勁似Enchanted的Amy Adams, 男主角亦不夠帥, 那個髮型我討厭死了, 不過女主角總算拿捏了喜劇的節奏. 但整套戲靚衫場面卻不多, 跟穿Prada的惡魔是兩碼子的事, 製作更是荷里活C級片類.

如果大家搭飛機無聊之時見到有得看這套片的話不妨一看, 否則不看也沒有蝕底.

P.S. 主題曲是Lady GaGa的新作Fashion, 果然人紅就咩都有佢份.

怪人二十面相傳

不是alan說想看此戲的話, 我應該在此片落畫後還不知道它曾在這裡上映.

先講片名已經完全提不起我的興趣, 到了買票的一刻才知道是金城武及松隆子做主角. 整個香港島竟然只有康怡MCL上映, 難得alan亦不介意移步去康怡. 由於看前完全不知道這是甚麼類型的戲, 於是先問alan估我會唔會喜歡看這套戲, 他估我不會喜歡.

過了兩個多小時後, 結果呢? 知我者莫若alan.

當劇情一路發展之時, 我覺得我正在看由日本演員主演的蝙蝠俠/蜘蛛俠 - 金城武就是那個主角(英雄), 松隆子就是主角身邊的花瓶(雖然是前半段), 另外就是總有一個奸角要利用科技去控制世界. 新意沒有, 特技麻麻, 節奏拖長. 看完才三天, 很多情節開始變得依稀模糊, 甚至奸角的下場我已經記不起了.

不知道香港會不會拍一套這類型的片呢? 就算會的話我都應該不會去看....

開新季

開新季又是時候入貨買新衫, 一眾名店繼續保持我一貫作風 - 只看不買, 我只喜歡留連...

H&M不但是我最大的客戶之一, 私底下亦頗喜歡它, 只喜歡去它們的中環店, 因為夠大, 款式多而齊, H&M的質料雖只屬普通, 但經濟實惠的價錢, 加上款式不俗, 輕易成為買衫必到的地方. 剛過去的weekend便與alan買了千多元衫, 收穫不俗.

來自西班牙的Zara, 為上班一族提供合適的服式, 西褲往往是best buy, 雖較H&M貴, 但質料好一點, weekend跟alan各自買了一條返工西褲, 又消費差不多近千元.

以往在club monaco都只是看多, 真正買的機會很少, 剛剛weekend有所謂的private sale, 新貨八折, alan便買了一條格仔(睡)褲, (今季卻興睡衣look), 我就買了看中很久的橙色格仔裇衫, 夏天嘛, 當然要鮮色一點, 這樣又使了千多元.

就這個weekend便買了三千蚊衫...錢果然去得快.

American Idol 8 (Top 13)

終於到了主題週, 真的等了很久. 第一個主題週是唱Michael Jackson, 正如上個星期說過, 無人可以copycat MJ, 要學只會死快兩步. MJ當然不會做mentor, 在無mentor的情況下邊個突圍而出呢?

Adam Lambert - Black Or White
我只可以話adam在台上表現輕鬆自如, 只係呢樣野已經夠了.

Danny Gokey - PYT
一向對聲線比較沙啞的人印象麻麻, 但danny靠skills彌補不足.


今個星期兩個人出局, 包括:
Jasmine Murray - I'll be There
唔copy MJ, 但試圖扮Mariah Carey, 雖然唔係唱得特別差, 但死得更快.

Jorge Nunez - Never Can Say Goodbye
我的心水top 5第一個星期就出局, 有點始料不及, 雖然不是唱得好, 但總比anoop 做copycat唱Beat It好.

比賽了一個星期我依然未有favourite, 今季真的好點不濟...

手信

較早前去了曼谷數天, 手信都只是買給自己及alan, 朋友同事咩都冇...做了自私鬼. 從來都不是揮霍型, 就算身在異地一樣, 都是應買則買, 不合心水的多平都不會買, 所以今次都只是買了少許東西.

買給alan的: 臨行前alan叮囑要買螢光系列的東西, 於是見到呢樣野, 即買.


這種顏色自問自己著不到, alan carry得到有突, 我相信當alan著住在x灣行一個round時, 必會惹來所有人的眼光 (雖則可能超過一半是不太友善的目光, 呵呵)
我自己都買了一條speedo, 但只是黑色加一條橙色粗線, 比較subtle一點, 對, 儘管給alan steal my shine吧~

買給alan的: alan的Marc Jacobs白色人字拖穿了兩年終於斷了, 雖則靠AA超能膠得以續命, 但應該都是命不久矣, 於是見到有得賣Havaianas的白色人字拖, 即買.

我的啡色MJ還好端端的, 所以沒有買.

好不容易才找到螢光黃及螢光粉紅的淨色T-shirt, 加上只是大概$20一件, 超抵, 但只是街邊貨式, 所以冇相.

最後的是Soltan tan-prolonger lotion

在泰國曬了兩天太陽便燒焦了, 所以友人msn大力推介這支在boots買得到的lotion, 說有助防止甩皮. 但很抱歉, 回來了兩個星期, 仍在甩皮中. 另外的功效是黑得較持久, 現在自己還是頗黑, 泳褲印還相當清晰, 但可以keep多久呢? well...

還有這個 - Halls的檸檬糖, 就好像看醫生給檸檬喉糖一樣, 好味.

就只是買了這些東西回來, 慳到爆.

Rod Stewart Live in HK

已是花甲老翁的洛史釗域終於選擇在香港開show, 適逢經濟環境差到透, 賣飛情況據聞認真一般, 業sir於是拿到兩張靚飛請埋我睇, 坐第3行正正中間, 幾乎真的好像在我們面前唱一樣.

舞台設計簡簡單單.

洛伯保持一貫作風扭身扭勢企唔定, 精力猶在 (7個小朋友, 從他細仔只有3歲大便可知一二), 但不知是否音樂太大聲還是他沒有痴埋個咪唱, 總覺得他被音樂掩蓋, 但一首一首經典作品: Maggie May, Reason To Believe, Tonight's The Night, Hot Legs, The First Cut Is The Deepest, I Don't Want To Talk About It, Do Ya Think I'm Sexy, You're In My Heart, 多次千人大合唱, 真的一生只有一個機會看他演唱會.

我不算是他的fans, 有一半歌未聽過, 但氣氛不俗, 最尾一如其他西人演唱會, 很多人走到台前一齊唱一齊跳一齊叫, 這亦是本地歌手演唱會看不到的情景, 最後以sailing結束, no complaints.

最有趣的是散場完show乘機鐵離開, 隔鄰車廂一大班鬼佬一齊唱You're in my heart, you're in my soul...真的只有鬼佬才敢這樣做, 我們中國人呢, 只是八八卦卦邊望邊偷笑囉.

這是其中一首我最喜歡的歌.

American Idol 8 (Wk 3b)

落選的27人, 由4位評判選了8位進入復活戰以爭最後3個位置.

入選的有:

Matt Giraud, 熱門之一, 唱了The Miracles的 Who's Loving You

水準回勇, 入圍有理. 第5季Lisa Tucker(仲有冇人記得佢? 哈哈)都唱過.


Anoop Desai, 第一round只是輸了馬鼻, 入圍似乎理所當然, 唱了Bobby Brown的名作My Prerogative.


Jasmine Murray, 正如Kara所說, 很有commercial appeal, 復活戰挑戰十級難度唱Christina Aguerila的Reflection

唱xtina的歌有如偏向虎山行, 這首歌好難唱, 對於Jasmine來說, too big for her了.
其實第6季冠軍Jordin Sparks一樣唱過, 佢咁勁都唱得唔好.


有surprise了, 評判竟然揀多了一個入圍, total 13個, 唉, 幾時變了香港的頒獎典禮由10大變11大? 冇眼睇...

最後一位入圍是Megan Joy, 唱的是KT Kunstall的Black Horse & The Cherry Tree.

好難聽...完全唔明點解評判們會喜歡她, 她是有點personality, 但sorry, 現在選的是idol, 而唔係next top model.
其實這首歌是當年第5季Katherine McPhee唱紅的, 一比就知龍與鳳.


好的, 13人終於選了出來, 下週就開始埋身肉搏, 第一週主題是唱Michael Jackson, 很好的主題, 因為參賽者根本做不到copycat, 所以很考真功夫. 雖然對這班人印象只是麻麻, 但今個星期應該會幾好睇.

先來個Top5預測:
Danny Gokey
Adam Lambert
Jorge Nuñez
Scott MacIntyre
Lil Rounds
睇下到時估中幾多個.

American Idol 8 (Wk 3a)

最後12人爭奪12強, 今個星期的參賽者相對比早兩個星期的好一點, 但當然依然有嚇壞人的一刻.

那最終有那3人能入圍呢?

Scott Maclntyre, 歷來第一位有視力障礙的人, 唱了Mandolin Rain, 呢首歌之前未聽過.

他唱得好嗎? 可以吧, 坦白說他的背景一定可以為他帶來很多票數.

Lil Rounds, 驟眼看有幾分似Fantasia, 但沒有她的氣燄, 唱了Mary J Blige中我最喜歡的Be Without You.

她算是今屆最得我心的女參賽者, 雖然只是幾好囉, 可比較第5屆當時還是16歲的Paris Bennett的表現.


最後一位是來自波多黎各的Jorge Nunez, 唱了Elton John的Don't Let The Sun Go Down On Me, 唱得很好, 唯一一位令我有少許感動, 再加上可愛熱情的personality, 另一Top 5心水.

這首歌過去幾屆有不少人唱過, 如第2季的Clay Aiken, 第4季的Bo Bice以及上一季的David Archuleta.

其餘27位落選者還有機會! 因今年再有wildcard復活戰, 4位評判會從中選8位再唱一次以爭最後的3個位置.
下回再報導.

倦了, 累了, 攰了

公事上有點不順的確令人有點納悶, 負責的範疇太多, 但時間一日一日的過, 廣告市道差, 你知我知老細知管理層知, 但永遠都是講一套做一套, 可惜就算給你喪"捽", 沒有就是沒有.

感到沮喪是難免的, 今晚離開公司時心情確實差勁, 朋友說我今晚狀態不好, 真的, 剛剛病癒, 做完11小時, 公司的煩/鑊氣一定影響心情, 幸好今晚的飯局幫我一掃悶氣, 讓我笑讓我喝讓我吃.

多謝今晚一同飯局的"新"朋友, 相信往後應該會encore.

緊接著星期六先來個10km長跑, 後有Rod Stewart演唱會. 星期日再來台牌一場, 一想起便心情大好.

煩惱事都是星期一回到公司再面對吧.

American Idol (WK 2)

已經遲了一週update了, 快來看看week 2有那3個人入圍12強.

綜觀本週的人水準依然麻麻.

入圍女將有Allison Iraheta, 唱的是Heart的首本名曲Alone.

以16歲來講是頗ok的, 但overall來說是hit到high note, 但有點不穩, 可比較幾年前carrie underwood的超班表演.


另一入圍是Kris Allen, 唱了MJ的Man In The Mirror.

他將一首MJ歌改到完全不似MJ歌, 是好的, 不過依然唔係有impressed到我, well過去7年冇人唱呢隻歌, 所以冇得head-to-head比較.

最後一位是大熱門Adam Lambert, 唱了rolling stones的Satisfaction

一如所料好搶, 亦都好dramatic, 加上member外型(雖則極討厭他的黑指甲),是我的Top 5心水.
Season 4的Bo Bice都唱過, 但感覺很不同.


暫時感覺今年唔係咁多talent...特別是女仔.

近況

已有整整十天沒有上來, 不單自己沒有update, 連別人的blog也沒有收看, 那我呢幾日做了甚麼呢?

由於"家有囍事", 所有去了BKK數天, 除了辦正經事外, 其餘的日子都是食,買,按,晒, 所有煩惱都拋諸腦後, 超爽.

但正所謂"有咁耐風流就有咁耐折墮", 回程時冷氣太勁, 加上還是著泰國的超薄上衣, 所以病倒了, 燒到101度, 睡覺時還感到"沾寒沾凍", 醒來又覺得頭重重, 焗了一身冷汗, 吃完藥會好一點, 但藥力一過又再唔妥.

早兩日還跟朋友說自己好少病, 真的"好0既唔靈醜0既靈"