名苑酒家

上週五是麻雀腳肥肥生日, 於是星期六便替她慶生, 食飯+打牌是例牌活動. 打牌已於上文說過了, 今次要寫的是生日飯.

壽星婆選了灣仔的名苑酒家.

位置於皇后大道東, PP3期斜對面, 雖稱為"酒家", 但裝修頗為簡陋, 有點像權發, 生記之類.

是製作宗旨嘛? 硬是覺得唔多通順.

壽星婆.

一行七人, 等食前先來一張大合照.

是日叫了4人餐再加一樣餸, 7個人夠唔夠食呢? 叫了未夠5分鐘先來雞半隻, standard貨色.

元蹄: 味道ok, 當然寧波會好食好多.

炆花膠: 軟度剛剛好, 亦都入味, 好食.

花膠雞湯翅: 最好味是這個, 湯濃, 翅還勉強呈現一排排, 4人餐都分到7碗, 勁!

另加的花膠鵝掌

黑椒牛柳粒: 都是standard菜式.

上湯浸油麥菜, ok.

老虎斑: 都是ok, 不過蒸魚都是屋企好吃一點.

4碗蛋白杏仁露, 小弟對杏仁露極度抗拒, 所以唔知得唔得.

又花膠又翅又老虎斑, 7人都只是$900, 又食得飽人, 所以都算幾抵.

吃完飯回家繼續竹戰, 差不多12點食蛋糕. Cova蛋糕已今非昔比, Mandarin蛋糕沒有新意, 5樓又食了好幾次, 是時候試新蛋糕. 自從半年前試了老銅Zoe的蛋糕後, 我同alan都一直記著它, 加上飯店都正正在我公司樓下, 要訂極之方便. Zoe的signature蛋糕因要3日之預訂, 所以今次訂了另一款蛋糕.

肥肥吹前都要撚雀, 唉...

又來一個合照.

吹啦...

個蛋糕超好味, 榛子餡, 又不會太甜, $320是貴, 但真的好味. 喜歡食蛋糕的話一定要試試.

我除了請食蛋糕外, 還跟alan在住好d買了這個袋, 呢種style襯到肥肥一絕. 波板糖則是alan在On Pedder買的, 都是貪玩~

肥肥在生日成為大輸家, 亦是唯一的輸家, 都只是輸了$1600而已.

恭喜你, 多謝晒.

The Magic Tea

Magic Tea, 廣東話可解作"神茶" - 早幾日才寫過去了拜見龍母娘娘, 拿了兩包茶葉, 那究竟呢兩包茶葉對是日竹戰有沒有作用呢?

alan要做婆仔就要去到盡, 因為佢決定要用呢包神茶...抹麻雀!

alan用了細半包茶葉開水.

排好麻雀.

佢真係用茶抹麻雀架! 龍婆上身....

另外的大半包就在打牌時沖來飲.

食粥食飯靠晒佢喇.

咁最後食粥定食飯呢?

初4圈穩穩陣陣冇乜輸嬴, 接著的4圈都到了Magic moment, 勁嬴$700, 接著到尾都一路平平穩穩, 經過16小時的激戰後, 我們食大茶飯....嬴了$962.

珍姐明明說我打牌必輸, 點解今次會做大嬴家呢? 莫非真的是神茶顯靈?

當然一次又怎能作準呢? 你問我相信神茶的力量嗎?

Well...

American Idol 8 (Top 7 II)

上週Matt極度符碌被judges救番, 今個星期依舊7人表演, 但有2人會被out, 主題是disco. Disco令我們想起70年代, 當中Donna Summer同Bee Gees可算是表表者, 果然有3人唱Donna, 2人改Bee Gees週末狂熱系列, 那唱成點呢?

先聽bee gees系列, adam唱了If I Can't Have You, 但改了慢版! 是original但唔係我expect的東西吧.

Matt則唱了Stayin' Alive, 歌名有意思, 但一唱到假音, 依然嚇人, 假音未到家就別再獻醜了.


Donna Summer系列: 先來Kris, 唱She Works Hard For The Money, 照donna唱法必死無疑, 所以完全改頭換面, my favourite of the night!

Allison唱Hot Stuff, 改為rock版配合自己, 我依然唔鍾意佢.

Anoop則唱Donna最悶的Disco歌 - Dim All The Lights, 效果依然很悶.

另外兩位唱的歌都沒有新鮮感, Danny唱EarthWindFire的September, 依然穩穩陣陣, 小心被kris趕過頭!

可比較第4季Anwar robinson, 但Anwar就是這個星期被out.

最後要講的當然是Lil, 唱N個人唱過的I'm Every Woman, 我只可用painful來形容.

可比較高水準的版本 - 第4季的Vonzell Solomon, 超勁.

還有第5季巨肺巨人 - Mandisa, 果然人比人,比死人.


所以終於終於終於lil出局, 多謝America, 受夠了. 另外悶蛋Anoop都順利出局, 對,我們悶夠了.

下個星期應該到matt吧, 入到top 5你已經賺了.

轉新

由alan開blog第一日起, 我已經想他幫我執執個blog layout, 雖則小弟以實力(!!)+文采(!!)吸引其他blog友支持, 不過實力之餘都需要包裝一下, 但礙於我的art sense實在嚇人, 所以唯有靠alan操刀, 我只是選了這張相極有意義的相成為cover photo. 其實alan做了幾個layout, 但他選的相都攞我命3000, 實在難以出街, 所以最終維持原判用這張相.

最後當然要感謝alan替我安排這個新look, 好滿意.

神婆

話說早一陣子alan說事事不太順利, 包括工作, 健康及財運, 他又從某波友口中聽到荃灣龍母廟有位叫做珍姐的師傅好勁, 助他的朋友打牌必嬴, 如此厲害, alan說一定要見識, 於是週日在天陰陰雨濛濛的天氣下遠赴呢間龍母廟.

本人對廟宇認知不深, 文武廟就聽得多, 龍母廟都是第一次聽, 初時還以為是龍"武"廟, 還想是不是跟文武廟有關係, (雖然現在還不知, 不過應該無關.)

去了荃灣坐的士, 司機還大我們說很塞車, 說很多人去拜山, 司機大佬, 清明都過了兩個星期, 再加上已經下午4點, 還會很多人? 果然, 去到都不超過10個人.

這個其實不是在龍母廟, 應該是圓玄學院吧.

神婆...錯, 應該是龍婆才對.

走了兩三分鐘便看到龍母廟的門口, 正確是叫作龍母佛堂.


去到先給$20買一份元寶蠟燭香, 有位阿姐教我們怎拜, 拜完她便跟我們指了指一個阿嬸 - 她就是alan朋友口中的珍姐. 要找珍姐解纖解憂解困吧, 得, 但要排隊, 我們還奉獻了第一次 - 求簽. 足足等了一個鐘, 才得珍姐接見.

我求了兩支簽, 一是自身, 二是財運. 大致珍姐說註定我的工作是辛苦, 但應該搵到點錢, 正財OK, 但偏財不好, 我便問珍姐那打牌是否不順, 她說一定唔掂, OH MY GOD!!!! 打牌不順? 莫非今年真的逢賭必輸? 到了自身, 珍姐卻問了感情事, 最後她說的是...你跟你的另一半應該是有緣無份. 我不知alan當時聽到心裡反應怎樣, 我就覺得...好好笑!

alan都是求了兩支簽, 說的都是辛苦命, 還說了廿年都唔使旨意可以休息, 50多歲的head of design? 汗顏...他求了一支簽跟觀音有關, 於是要他再去拜觀音, 及要他年尾前回來還神, 我就甚麼都沒有.

在一開始說過alan從某波友口中聽到呢位珍姐好勁, 助他的朋友見完之後打牌必嬴, 那珍姐究竟有甚麼法寶呢? 答案是茶葉 - 他的朋友在打牌前用這個廟提供的茶葉浸手, 跟住就狂食糊了. 聽起來簡直好像是世紀大笑話, 但我們都各自拿了一包走.

這就是傳說中的食糊茶葉了.

星期六已約了牌局, 我跟alan是不是都要打牌前用呢包茶葉浸手呢?

請看下週分解.

uno más

uno más, 西班牙文, 解作one more. 一向小弟鍾意食西餐多過中菜, 上週忽然想食西餐, 但不想又是5樓/fat angelo/outback, 於是上網找到了呢間食西班牙Tapas的餐廳. 中午打去訂位, 原來之分了6點或9點兩個section, 9點的只有bar檯供應, 但確實6點怎能吃得下晚餐, 所以依舊選了9點.

上到去, 原來bar位都ok, 都不是平排食飯, 安排的位置剛好隔離有alan的favourite - 香水白合, 未食先加分.


每日5-8是happy hour時間, 酒鬼如黑柴可考慮去呢度飲野.

跟logo一樣, setting都是黑白為主, 所謂的簡約, 幾舒服.

等食...

先來第一個Tapas - 蕃茄醬香草多士, 作為麵包精我一定覺得好食.

第二個Tapas, Standard吞拿魚沙律, 一邊吃的時候便想起上年遊希臘時吃的沙律, 當然希臘的新鮮很多. 不是說這裡的不新鮮, 但總覺得這裡的生菜不夠希臘的爽脆, 蕃茄不及希臘的juicy.

第三個Tapas, mussels, alan的favourite, 貽貝超新鮮, 汁超甜.

還有包皮, 將mussel汁索在包皮裡, 超好味.

叫了一客主菜 - 西班牙海鮮飯. 點之前餐牌價錢寫了$288的確令我有點猶豫, 不過alan說"叫啦", 來到時便覺得$288都值...很大盆, 我還諗緊會唔會食得晒.

另一角度, 海鮮有蝦, 大蜆, 帶子及魷魚. 好味, alan覺得如果個飯再濕一點更好, 現在的飯是有點乾身, 我地兩個大食積轉眼間食晒.

超飽, 埋單5百幾, 應該會encore.

地址﹕灣仔駱克道54至62號博匯大廈1樓

American Idol 8 (Top 7)

本週的主題是電影歌, 印象中對上一次同一個主題已經是第3季, 當年Fantasia唱Summertime, 驚為天人, 為冠軍鋪上重要的一條路, 先來回憶一下當年Fantasia的表現.

好, 返回今週, 有冇人有突破性表現呢?

可惜, 再一次失望, 沒有!

其中唱得最好的又是Adam, 唱Born to be wild, 繼續發揮拉高音, 繼續都係咁.

又是Danny, 唱Endless Love, 又是穩穩陣陣, 唱得好但冇驚喜, 正如alan所講, danny實力已經見底, 但觀乎今屆的質素, 理應穩陣入top 3.

唱得差的...有matt的Have you ever really loved a woman? 強行扭音, 夾硬唱假音, 扭音扭到走晒返唔到轉頭, 特別是bridge那段, 嚇死人.

比較下第5季chris daughtry演繹同一首歌, 忠於原著, 好聽千倍.

差的又有Lil份, 好像連續幾個星期都有佢份, 唱的是Bette Midler的The Rose.

呢隻咁柔既歌一點都不適合她唱, 還駁Simon咀自己加了R&B的元素, 變的好就驚為天人, 變的差就嚇Q死人, lil就是後者...超級難聽.

他倆成為bottom 2實屬正常, 最後Matt得了最低票數, 但不用out. 點解? 今屆有judges' save, 如果judges認為他還值得留低, 就可免他一死, 但下一週便會out兩個人, 同埋下星期如果matt又是bottom的話即out.

下個星期的主題是disco, 正! 但睇睇呢7位參賽者, 我只對adam唱disco有信心, 其他人呢, disco似乎不是他們的強項.

週期

我講的當然不是period, 而是戀愛週期 (sorry我真係覺得個名稱好cheesy).

最近身邊有不同朋友正處於這個週期的不同階段:

1. 曖昧期: 有如王菲所唱"徘徊在似苦又甜之間", 做了情侶會做的事, 但又未算正式成為情人, 曖曖昧昧, 拖拖拉拉, 似是而非, 那究竟想點?

2. 激情期: 剛開始行埋, 有如Deanie唱"天天都相見", 總知無論如何都要找機會見, 那怕只見得1小時.

3. 平淡期: 如歌神唱"平淡亦好, 平凡亦可", 激情過後有幾多對可以捱得過火花後的平靜?

4. 後會無期: 都未過試用期被要終止, 有如胎兒不穩以致小產一樣. 但朋友看得開, 所以就是"無痛失戀".

你們又在那一個週期呢? (雖則我都知呢個咁personal的問題唔會有人答...哈哈)

體重

體重在過去數年一向是我自己其中一樣會注意的東西. 其實近年的體重一直維持14x lbs, 時加時減, 直至去年的希臘之旅後, 體重曾超越150 lbs的警戒線, 及後因為報名參加了10km馬拉松, 所以在勤力練跑之下又返去14X的水平.

馬拉松二月跑完, 剛巧工作開始進入白熱化, 差不多九時才回到家, 平日夜晚跑步的機會銳減, 再加上有新麻雀腳而他們是打星期六, 所以以往星期六晚做gym的習慣亦因此改變. 這個情況一直維持至3月, 開始發覺腰部比以前更粗, 剛過去的4日假鐵定一定要去gym重踏跑步機.

第一日去了銅鑼灣加記, 跑去便到更衣室上磅, 一磅之下, 呆了一陣子, 心想莫非唔準? 第二日會其他活動所以沒有去; 第三日去了中環加記,跑完卻趕時間忘了上磅. 第四日又去中環加記上磅, 磅數竟跟老銅的一樣:

1....3....8!!

怎會瘦了這麼多? 至少我自己認為身上沒有任何地方少了半忽肉, 以往最先瘦的面都不覺...如果138是屬實的話我反而覺得已到了底線了. 現在仍對這個數字充滿懷疑, 所以決定今個星期再去其他gym驗明正"重", 以免被騙.

舞吧! 昴

是alan想看這套戲, 因為一來是漫畫改篇, 二來是他最近勁愛看明珠台播放的舞一叮, 三來是想看日本的舞蹈片跟荷里活的舞蹈片如Step Up的分別.

正如上一篇提過, 很怕日本片的緩慢節奏. 這套片就有這個問題. 女主角小時一向想學芭蕾舞, 在家母及孖生弟弟去世後便變了剛強的小女孩, 然後繼續講她怎樣遇到她的啟蒙老師(脫衣舞廳的老闆娘), 所謂的朋友, 怎樣排除萬難去參加比賽, 坦白說情節是有點老土, 不過舞蹈都算賞心悅目, 免過我不停看錶等套戲完結.

女主角黑木美紗樣靚, 但不懂做戲, 不過導演都曉得避重就輕, 沒有太多感情戲要她演. 跳舞部份我都expect再多一點點. 來自韓國的高雅羅一樣靚女, 有點似大S, 演得最好的是脫衣舞廳的老闆娘, 都是這句 - 疆越老越辣.

最後想問中文好的朋友 - "昴"一字怎讀? 謝過.

禮儀師の奏鳴曲

知道這套戲拿了奧斯卡最佳外語片之時對它的認知度是零, 其後才知道有廣末涼子, 再其後才知道男主角是本木雅弘, 他的戲, 印象中好像沒有看過, 只記得N年前的露毛寫真. 都是多得一班blog友寫了感受才令我有看的衝動.

平時看戲很少"上心", 大部份的戲都是看完便算, 看完由離開戲院開始已對套戲的印象不斷模糊. 唯獨看禮儀師後, 一邊走著情緒還有點激動, 說話時還有點口震震. 這套戲的精彩之處是首先節奏出奇的明快, 很多日本片的問題都是太慢, 有些情節還很騎呢, 都不知導演想怎樣, 但禮儀師所有情節都有理由. 每一個故事都帶了一點訊息, 家人之間的思念, 體諒, 了解及包容, 蓋棺前最後一刻的悲從中來, 很感動, 有好幾個情節都差點流出眼淚來.

直至本木雅弘在片末也流下眼淚時, 我也跟他流了一行眼淚來, 可算是看戲這麼多年來第一次有兩行眼淚流出來, 以往極其量都只是在眼內打滾, alan so, 以後別再說我冷血了!

兩年前婆婆的離開, 至今在不同的生活瑣碎情節都會想起她, 家母由於不想目睹火葬的那一幕, 完成儀式後便匆匆離開, 若我是她, 我一定會親手按掣, 將她送去另一個境界.

希望婆婆在天之靈不要怪我們的"無情".

American Idol 8 (Top 8)

本週八強的主題是選一首參賽者出生年份的歌曲 - 又是很broad的一個主題, 在這個沒有很大限制的情況下他們的表現會唔會更突出呢?

答案是: 不會

表現比較ok的有Adam, 唱的是Tears For Fears的Mad World, Simon都給Adam standing ovation, 我就覺得有點over-rated了.

Danny唱Stand By Me, 我真的覺得Danny就是這樣了, 驚喜欠奉, 開始擔心他會不會入到finale.

唱得不好的首選Lil, 唱Tina Turner又是找死, 還要唱得很差...實在有點受罪.

不過之前已經說過, 唱得最差不一定會被out, 今個星期被out的終於是scott了, 始終同情票不能捱到尾, 事實上scott能力有限, 去到top 8可算賺了.

但本週最恐怖的是result show的group song, 竟然唱kylie的can't get you outta my head

Group song, out!

收錯愛情風

又是另一套chick-flick. 由九男女之間的愛情故事做骨幹, 每一主角都代表了某一類人:

Gigi: 極度渴望愛情的奄悶女人, 這類女人極度趕客, 嚇死都有男人.
Alex: 扮瀟洒扮愛情專家的男人, 但最後都敵不過奄悶女子, 所謂痴男怨女就係呢pair.
Janine: 出奇固執的女子, 可以為了木板兇兇的鬧一場, 為了一個謊言而離婚, 這種女人何其可怕.
Ben: 被迫婚的男人, 其實他都頗可憐, 一直都不快樂, 外遇後卻陷入矛盾, 我想大部份有外遇的男/女人都有這種經歷.
Anna: 狐狸精 - 敢愛敢恨的女人, 話之你有老婆都好, 要搶就去到盡, 但最後就是見到ben跟老婆上床又忍受不了.
Beth: 極度追求名份的女人, 可以為了一個不想結婚的絕世好男人而分手, 一張婚書大過天.
Neil: 絕世好男人但不願結婚, 不過最終都妥協, 但講真...如果故事再發展下去, Neil會不會成為另一個Ben呢?
Conor: 愛得有點傻, 都不是情人便想買樓一齊住? Anna一開始好明顯不是想跟Conor成為男女朋友, 但Conor偏偏"中"個頭埋去.
Mary: 戲中對此角色著墨不多, 大部份的經歷都是齋talk, 真正約會的不多, 有點像Gigi但沒有她的奄悶.

這九類人可能大家身邊總有一兩個認識的人像他們, 所以就是這個原因令我看得頗舒服, 雖沒有感動位, 沒有超爆笑位, 但總算節奏明快. 這類chick-flick有像一定要有一些"姊妹"坐陣, 看Mary的幾位男同事, 特別是那個亞裔人, 拜託! 真的沒有必要做一些bitchy members出來.

看呢套戲時有side story, 話說只有十分鐘左右便完場, 開始播Keane的somewhere only we know之時, 忽然影院亮了燈, 有聲冇畫面, 接著就聽到火警鐘及廣播要我們離開影院, 職員說是警鐘誤鳴, 當行出外時就見到消防員入內, 忽然金鐘amc外聚集了百幾二百人, 工作人員說keep飛尾可以免費再睇或改看另一套戲.

錯過了結局十分鐘, 但可以免費看多一齣戲, 究竟是good luck定bad luck呢?

Craig David Greatest Hits Tour

2000年出道一炮即紅的Craig David, 相隔6年再度來港開show, 不同的是, 現在的craig正處於事業低潮, 07年的Trust Me大碟已賣得不好, 去年尾的精選大碟銷量奇差, 在這樣的情況下要在expo開show沒有把握, 所以唯有選擇九展star hall, 一場都只是3,000個位左右, 但有朋友早兩天打去通利查詢票務情況, $380的平價飛還未full, 但不要忘記已經開賣了兩個月, 可想而知craig在香港的叫座力真的不理想.
剛巧公司老細有免費飛, 所以才會去看.

ticket寫明是8:00開show, 所以我估應該8:30左右正式開始. 8:30入場, 還未開show, 見到觀眾只是靜靜去坐著等, 還以為是去了戲院等看戲. 先講個場館, 感覺很空洞, 後面的行數沒有rise, 坐著時都會被前面的人頭阻擋視線, 所以未開show先扣印象分.

直至8:45分才開show, 先來快歌Hot Stuff, What's Your Flava, 然而氣氛都不夠high, 人是站著, 但真正跳舞的人不多, 坐在尾3行的我, 更是冇癮, 只是離遠看到一pat白色的東西在台上左右移動, 就是craig, 九展沒有大電視, 敗筆! 直至臨encore前唱insomnia才是演唱會的高潮, 只是10點就encore了, 唱完Fill Me In, 10:10pm完show, 90分鐘都未夠便收工. 坦白講反應只是麻麻我都冇心機唱吧.

hit的快歌大部份都有唱, 只是拿手mellow慢歌就很少...只有呢首:

亦是演唱會中反應比較好的一首歌.

呢首冇唱..失望.


如果要自己買票的話, 我想我會呻笨.

American Idol (Top 9)

今個星期主題是iTunes popular songs, 還以為是唱一些current的歌, 但原來呢個theme真係可有可無, 倒不如乾脆說無主題好過啦.

一如以往先講唱得好的先:
Kris Allen: Ain't No Sunshine - 第一次真係覺得Kris可以威脅到Adam同Danny, 彈過結他, 彈埋keyboard, 識揀歌, 樣子討好, 經過本週後可算是三強鼎立.

另外一強Adam唱Play The Funky Music - 先講隻歌, I HATE IT!! Cheesy到爆, 不過在Adam fine tune之下變了另一隻歌, 但adam, 請不要過份賣弄你的高音...開始厭了.

呢隻歌...最運滯的第5季冠軍Taylor Hicks都唱過, 酒廊歌手表演.

要數差的怎會少到Megan的份兒呢? 唱Bob Marley的Turn Your Lights Down Low, 繼續嚇死人, Bob泉下有知都會感到不安.

不過America今次終於get it right...但佢都join到tour,即是觀眾依然要受罪...oh well.

下個星期到邊位out呢? 我買Anoop.

American Idol 8 (Top 10)

Top 10唱Motown, 即是大唱懷舊歌, 最大的挑戰是將一首30年歷史的歌modern化. 一齊看看誰唱得好.
Adam Lambert - Tracks of My Tears, 唱得好, 但裝束似肥版貓王, 正正經經咪好囉, 塗指甲油趕客...

Matt Giraud - 苦情男唱Marvin Gaye的Let's Get It On, 雖不是一流, 但合格有餘, 但end up做了bottom 2, why? 莫非真係個樣唔得觀眾緣?

嚇死人的有:
Lil Rounds唱Heatwave, 隻歌太快佢唱唔掂, 衣裝及假髮驚嚇度達十級.

呢隻歌早幾屆已有人唱過, 包括第2季的Kimberley Locke

第4季的Vonzell Solomon

兩位最後都是第3名, 莫非Lil都會第3名?

另外有Megan Joy, 唱Stevie Wonder的For Once In My Life, 救命...

不過往往唱得最難聽都不會被out住, 今個星期被淘汰的是Michael Sarver

一直不太喜歡他, 亦是時候走了.
希望下個星期是Megan吧...pleassssssssssssse.