懷念掛念紀念

早兩天alan收到臨時通知要去北京公幹三天, 還要在週日抵埗後便要立刻開會, 清晨6點已經拿著行李離開...

是日舉家要去拜祭去年去世的婆婆, 我們 - 特別是家母 - 都已經沒有太大傷感, 亦沒有再聽到她說自己一個人時會因想起婆婆而落淚, 時間可以沖淡傷感, 而化之成為懷念.

回到alan屋企都已經5點左右, 決定去健身室跑跑步, 看看最近膝蓋會不會因為長跑後而有反應, 再回到家裡已經10點, 沒有出外吃飯的心情, 煮了即食麵便當晚餐, 此時才收到alan的電話說剛開完會.

沒有alan的週末其實都不是甚麼,反正都差不多六年了, 不知道是不是感情丟淡? 不過也有少少掛念....哈哈, 反而有點可惜的就是因為他公幹的關係, 哥哥的紀念演唱會便去不成了,自己一個去也沒有意思, 所以叫他將辛辛苦苦撲到的兩張飛轉讓給波友.

08竹戰第十三回

肥肥爛玩性格+alan鍾意打牌實在極度匹配, alan星期日要到北京公幹, 說一定要去之前打一場牌, 於是又開檯...

是晚依然是肥肥+水小姐+alan+我

賽果如下:
alan: 贏$800
水小姐: 贏$200
我: 輸$100
肥肥: 輸$900

alan大發雄(雌)威, 食糊食到開巷...勁!

可憐肥肥又輸錢, 咁我祝佢同其他人玩大麻雀贏番層樓啦.

水小姐今年逢賭必贏, 厲害厲害...

08竹戰第十二回

復活假期最後一日, 又是打牌的日子.

業sir要交人的關係, 所以唯有搵水小姐, 加埋肥肥+alan+我

經過3個東的激戰, 一早我已經跑離其他3個, 但同時alan亦逐漸沉入水底, 我在後期亦回吐了不少, 眼見今天我倆最後要輸錢之時, 我再加把勁拉肥肥+水小姐...才可有以下賽果:

我: 贏$1,100
水小姐: 贏$300
肥肥: 輸$300
alan:輸$1100

所以最後我們是打和唔使輸, 但alan當然唔順氣, 發老脾+話要丟呢副牌..哈哈.

可唔可以有一次我同alan都嬴錢呢? 定係註定其中一個會剋另一個?

我的最愛

本來沒有太大意欲睇, 但估不到alan想看, 所以無所謂吧, 反正有兩張贈券還未用.

整套戲很多角色, 很濕碎, 太多支線, 不過所言的現代愛情現象卻幾有信服力.

方力申做光棍佬沒有信服力, 亦做不到亦正亦邪的效果, 說到最尾要收手及將錢捐給慈善機構更是奇奇怪怪...

最後還搬金牌瘀友蘇永康出來做蛋散, 夠喇, Paco.

台灣妹都ok, 但最初以為是落選港姐何傲兒.

亦對方力申+鄧麗欣這對組合厭了, 這亦是最初我沒有興趣睇的原因.

08竹戰第十一回

一連四日復活節假期, 唔打牌仲有咩做?

頭一個東由肥肥+水小姐+業sir+alan

戰果如下:
水小姐: 贏$220
alan: 贏$30
業sir: 贏$4
肥肥: 輸$260

水小姐又贏...究竟佢幾時會做番水魚...水小姐呢個名唔得喇.

下四個東由肥肥+業sir+alan+我

戰果如下:
肥肥: 贏$480
alan: 輸$120
業sir: 輸$170
我: 輸$190

一娘教三子...肥肥大勝....

08竹戰第十回

常覺得如果alan不是member的話, 他應該與肥肥是一對, 因為大家都咁爛玩, 都咁為食, 都咁鍾意打台牌, 由澳門回到香港已經六點, 他倆忽然心癮起想打牌, 於是即call業sir, 佢又得閒喎...於是又打牌了.

只是打了一個東, 結果:
1) 我: 贏$600
2) 肥肥: 輸$100
3) alan: 輸$100
4) 業sir: 輸$400

業sir自從有蜜運後, 財運一路麻麻...所謂情場得意, 賭場失意...

Song of the Day: LUV - Janet Jackson

澳門之旅(二)

回到酒店已經是清晨5點多, 上床已經是6點幾, 訓到12點多才checkout, 水小姐因工作關係臨時要返香港, 貪玩的肥肥當然唔番, 所以我們3個繼續旅程.

肥肥與我

肥肥與alan

我與alan難得的合照...冇錯, 外套是情侶裝. 其實我不大喜歡跟他合照, 因為常被人以為我五尺差一吋, 其實我都有五尺八, 只是alan兩米的高度將我比下去...

以為去左歐洲...

今天的主要節目是午餐, alan一早book了舊葡京的法國餐廳, 去到大部份人都dress up, 只有我們三個牛記笠記.

午餐3個course$325, 4個course$425, 我同肥肥都是點3個course, 大食的alan當然是4個course.

先來麵包, presentation一流, 味道都一流, 如果熱一點更佳.

前菜一: 麵包上的是肉碎, 很香口.

前菜二: 蟹肉沙律, 賣相一流, 味道亦一流.

白露荀湯

waiter係用茶壺將熱湯倒在盛器,內裡有生的三文魚, 經過熱湯的浸淫後變了半生熟, 單單這個湯便要拍十下手....厲害!!!

味道更是無得彈!

主菜: 肥肥點了魚, 肉身超嫩, 薯蓉更是好味得不得了.

主菜: 我跟alan都點了豬, 豬皮甘香無比, 加上香草汁可令到無咁"漏"

食完主菜當然還有甜品, 每人可點兩款...可惜不是任食.

其中一樣蛋白做的甜品, 看看這個盛器, 超特別!

還有朱古力bar....這個就是任食的.

呢餐好得...咁既價錢食到超高水準的食物, 好抵!!!

食到四點先走, 幾乎趕唔到班船.

澳門之旅(一)

去年去澳門已有五六次之多, 但都是工作需要, 中午已經坐船, 到達後就開始與時間競賽, 見客->搵的士->見客->搵的士->見客->搵的士->坐船返香港, 根本沒有機會寓工作於娛樂. 多得celine dion才有機會來澳門真正玩一番.

今次是兩日一夜之旅, 下午3點已抵達澳門, 因為今次住MGM, 所以有專車接送, 不用排長龍等的士.

跟Las Vegas一樣的signature statue

內裡比Las Vegas靚很多.

例牌影張相...

間房...好好好好得!!! 超大超靚, 特別係廁所, 大過屋企間房好多, 呢個浴缸玩泡泡浴一流.

仲有plasma一大個...不過整個旅程冇開過.

扮型相一張.

抖左一陣梗係去食野啦...議事亭前地.

特色教堂, 都係到此一遊相.

之前上裝查過除了大利豬排飽外, 很多推介叮噹堡, 即叫即做.

個賣相都唔錯...

我同alan都覺得只是ok, 不算好好食.

之後再食街邊豬皮魚蛋...

又一到此一遊...

食完已經好飽但alan意猶未盡, 竟然再去詠藜園食擔擔麵

我只是食了一啖, 依然好味.

紅油抄手就普通啦.

5點多就坐公車去威尼斯人:

內裡跟Las Vegas大致一樣.

值得一提內裡的老麥比街外貴很多, 我們叫了兩個雪糕新地+一杯中雀檸, 盛惠$50, 過份!

我看完演唱會, 肥肥+水小姐都已經趕到澳門, 去了佛笑樓食消夜.

肥肥...

咖哩蟹....好大隻箝呀!

食完野梗係去賭場賭兩手啦...去星際玩了幾粒鐘, 最後驚險地贏了$200....

Celine Dion 演唱會

日期: 2008年3月15日
時間: 20:45
地點: 澳門威尼斯人綜合館
人物: Celine Dion + 我 (還有5,000人)

七時已經到達威尼斯人, 大堂已有這些海報. 要與Celine合照實在是奢望的方法, 所以唯有與海報合照.

接著便要去辦事處拿票, 這樣便$1200了....昂貴消費


8時20分入場, 但同一時間太多人, 也沒有甚麼所謂排隊入場, 很混亂.

正式8時50分開始, 先唱:
1) I Drove All Night
2) The Power Of Love
3) Taking Chances
4) It's All Coming Back To Me Now
5) Because You Loved Me
6) To Love You More

7) Eyes On Me
8) All By Myself
9) I'm Alive
10) I Got You (I Feel Good)
11) Shadow Of Love
12) I'm Your Angel

13) Alone
14) Pour que tu m'aimes encore
14) We Will Rock You
15) The Show Must Go On

16) It's A Man's Man's Man's World

17) That's Just The Woman In Me

18)Love Can Move Mountains

19) River Deep, Mountain High

19) My Heart Will Go On

晚上10時15分完.

可以說跟她10年前在啟德的演唱會, 唱功一點沒有走樣, 唱 The Power Of Love 同 All By Myself 依然中氣十足, 太厲害了.

遺憾是她沒有唱 I Surrender及 L'Amour Existe Encore

我與celine還會再有十年的約會嗎?

Song of the Day: Taking Chances - Celine Dion

演唱會

接著個多月會好幾個演唱會要睇...好少咁勁.

Mar 14 港樂鄭中基+梁漢文: 小弟一向呢兩位人兄麻麻, alan問我有冇興趣睇, 我本能地很決絕地答"冇". 只不過今次是他的客有免費飛, 而佢又怕唔去會得失個客, 所以可能硬著頭皮去. 其實佢地既歌我都識, 不過只係冇性趣囉.

Mar 15: Celine Dion Taking Chances World Tour: 十年前還是學生仔已花了$700去啟德睇佢唱My Heart Will Go On, 十年後我花了$1200去看她在澳門威尼斯人的演唱會, 真的超期待.

Apr 20: 劉美君大開色界演唱會: 業sir已經幫我們訂了飛, 位置應該都唔錯, 但據聞反應麻麻, 經過通利都係見到尾場$100剩單丁位, 其他全部未爆, 有點擔心到時入座率. 各位member多多支持啦!!

Apr 25: Unexpected關淑怡演唱會: 多得肥佬幫手排隊買飛, 買到第2行呀, 比上一次更前, 唔知今次又會唔會影到我同alan呢?

健身奇緣(二)

地點依然是比較清靜的灣仔分店.

昨日alan說頭痛, 吃過午飯說要繼續訓, 連我計劃好的看戲節目都唯有cancel, 與其悶在家不如在gym跑番十公里. 做完運動一如以往沖涼享受桑拿+蒸氣浴. 當我獨自一個靜靜地蒸緊之時, 有位40左右的菲籍人士入來, 不久更看到他在私處有所動作 - 我就微笑地說了一句"Sorry I'm not into that", 他也微笑回了一句"Sorry for that", 然後繼續我的蒸氣浴. 此時有另一位少男進來, 這位菲藉人士又再有所動作, 但這位少男只是看, 沒有回應他的動作. 幾分鐘後少男離開蒸氣房.

我: Why don't you get him? I'm pretty sure he's kinda interested.
菲: I don't know, he just watched but didn't respond at all.
我: You should've done more and been more explicit...haha
菲: Maybe he's shy...maybe he's not into me at all.
我: You should try again if you wanna get something.

沒多久我都離開了.

今天差不多回到家時經過某酒樓, 竟然撞到個賓佬:

我: Oh what a coincidence! Why are you here?
菲: I work here.
我: You work in this restaurant?
菲: Yeah I sing here everynite.
我: So did you work out something with the guy last nite?
菲: I just gave my no to him, but he didn't call..

估唔到呢個賓佬原來係酒廊歌手, 非常有趣.

Wish you have great fun!

這是我最後一句跟他說的話.

板前壽司

上一次幫襯板前已經是兩年前的事了, 在加連威老道, 當時還未要等兩粒鐘都有位. 今晚跟alan會合我提議食壽司, 心裡都想去板前一試, alan便說了去板前吧, 以往在老銅見到板前前面的人堆都已經怕怕, 但今日唔知點解好想食, 況且我早到便先去拿飛仔, 是晚已經是21:30才到, 但看到飛仔不禁心寒, 要等120個號碼. 當然很多人都是先拿飛然後發老爛唔再等的人多的是. alan於21:45到, 亦已經pass左30個號碼, 不過等下等下都要22:30才有位.

位置是比較逼但都可以理解...左撇子的我用筷子撩到旁邊的女士都有兩三次.

是晚叫了14碟壽司+蟹子沙津+牛乳蝦湯, highlights如下:

牛乳蝦湯: 其實首選是螺肉清湯, 但已經賣晒. 這個牛乳蝦湯很香, 很濃牛乳味, 有點像魚湯...驚喜之作!

火灸鰻魚壽司: 其實沒有叫鰻魚的意欲, 但剛巧我們坐的位置對著師傅烤鰻魚, 很厚, 賣相好得. 叫了一客, 鰻魚真的很厚, 而且很肥美. $18兩件簡直超值, 比起元氣的超薄一小片, 有點像魚乾一樣, 倒胃.

火灸三文魚: 不是三文魚腩, 但都很肥美.

舌拿魚腩: 即是拖羅, 還要選的是"超肥多筋", 因為$35一件的關係, 所以只點了一件alan食, 佢的評價是好味到不得了.

芝士飛魚子/鮑魚仔: 最緊要的是紫菜是脆的.

海膽碗仔飯: 小弟對海膽只是普通, 所以將quota留給alan, 評價依然是好味到不得了, 我沒有食都感覺到很新鮮.

帶子: 點了便宜的一款, ok, 但元氣鮮甜一些.

還有好幾款我分辨不到的魚但都幾好.

賣單$380

待下一次有心機再等的時候會再幫襯, 遺憾今次吃不到馬肉壽司, 希望下次食到.

08竹戰第九回

不知是不是真的因為今年犯太歲的關係, 身體好像差了一些. 新年才病過, 正月未過又感冒了, 聲音也變了, 是晚本想在家好好休息, 但肥肥向alan提議竹戰, 於是唯有參戰. 叫了業sir所以我跟alan打一家, 至少萬一真的不舒服都有alan頂上.

我想我病的時候真的不宜打牌, 可能是精神狀態的問題, 頭腦亦沒有那麼清醒, 雖沒有輸大牌, 但很多鋪都很有機會食得出, 但都因選擇叫邊隻的情況吃不到.

是晚戰果如下:
肥肥: 贏$400
水小姐: 嬴$80
我地: 贏:$20
業sir: 輸$500

業sir一家輸三家都可算罕見, 而水小姐繼續嬴錢(!!), alan終於有錢贏, 雖然$20不足食飯, 但起碼一洗頹風.

Song of the Day: LUV - Janet Jackson

攝太歲

新年期間經常聽到玲玲師傅說今年屬馬的犯太歲, 會有很多變動. 想起上一次犯太歲應該是24歲之時, 當年轉工仲識到alan, 不知這是不是太歲爺的玩弄 ? 家母一直都叮囑我今年最好去攝太歲求心安, 反正我未試過+唔介意做一次八婆, 所以就去了上環的文武廟.

去到發現原來屬羊都適宜攝太歲, 所以alan順便做埋. 入去先要俾$38買一份衣紙, 寫張自己的名字+出生年份, 然後拜拜觀音, 拜拜太歲, 攝寫上自己資料的衣紙交給職員幫你攝, 然後出去門外將衣紙交給另一同事燒, 咁做事成. 看似簡單, 但花了很多時間, 因為原來一邊拿著衣紙, 一邊點香係好麻煩架, 再加上都唔少人, 同埋有些人神心的有點心急撞人...

最後我想無論呢間廟係牟利/或牟利都好, 收入應該非常不俗.

誘心唔怕遲

在選擇看有點過氣的留給最愛的情書或是剛上映的誘心唔怕遲, alan選了後者 - 米雪菲花都是我喜愛的女演員...Up Close & Personal仍是我最愛之一.

看到中間已經很後悔看這套戲, 因為真的很爛很爛. 好笑嗎? 笑位少得數得出. 男主角? 騎呢, 見到他的髮型已想倒胃. 故事? 玩姊弟戀亦不是甚麼新鮮事, 只是當他倆初相識時談到年紀時, 女的報細數, 男的報大數...有點funny. 剛巧alan今年40, 我就29...咁0岩既?

未看的朋友可以省回$75, 除非你很鍾意米雪菲花!

散場時見到有poster預告Mamma Mia電影版, 仲要有Meryl Streep, 你唱唔唱得架?

Sunday Brunch

數月前肥肥向我同alan極力推介JW Marriot的Sunday Brunch, 主打是香檳任飲, 鵝肝任食, 魚子醬任食, 士多啤梨任食, 於是便托她幫我們訂位, 一排就要排到今日先有位, 係咪真係咁抵食呢?

供應時間係11:00-14:30, 我們11:20左右到達, 位置都頗近食物位置, 一坐低已經聞到煎鵝肝的味道, 要排隊都在所不計! 總結我同alan食了以下東西:

煎鵝肝: 5小件, 實在真係麻麻, 因為太多太多油了, 靚的鵝肝邊有咁多油...
鵝肝醬: 少量, ok囉
麵包: 2件, 唔熱, 只是為了附鵝肝醬食.
凍鴨/鵝肉醬: 其實唔係醬, 但唔識俾名佢, 好似午餐肉可以切開一塊塊, 凍食, 呢樣唔錯.
龍蝦湯: 2碗, 真係唔錯, alan說比cafe landmark好, 但不及ingredients濃郁
煙三文魚: 10數件, 有綠茶味的煙三文魚你食過未?
熟三文魚: 2塊, alan食.
龍蝦仔: 6個半邊, 即係3隻, 幾好幾好, 幾多膏.
凍蝦: 10隻左右, 都幾甜既.
生蠔仔: 3隻, 我冇食, 但alan話好鮮
魚子醬+細pancake: 4塊, 魚子醬唔係我既favourite, 不過都ok囉.
巴拿馬火腿: 6塊, 其實麻麻, intercontinental那次好食好多
蜜瓜: 數塊, 夾火腿一齊食.
燒羊脾: 一塊, 又幾嫩喎
煎班塊: 3舊, 呢款好味, 班塊好嫩, 應該係貴價魚
炆牛ribs: 2舊, 都幾軟身, 好勁牛味.
架喱雞: 1舊, 行貨.
竹笙: 幾舊, 都係alan食.
切粒菇一小碟: 冇乜特色.
黑松露菌炒蛋: 2 pat, 都幾特別.
魚翅餃: 1件, alan食
美國芝士蛋糕: 1件, 好食
巴夫: 好幾件, 好creamy
鮮果汁: 4枝, 真係新鮮架
熱咖啡: 1杯, alan話唔得
香檳: 3杯, 飲落好似白酒, 都唔甜既
士多啤梨: 1粒, 配給, 不是任食.

數下數下原來食左咁鬼多野, 唔怪得感覺自己好像(又)肥了.

因為用肥肥既membership卡, 兩位就送一位. 每位原價HK$588, 計埋加一就$720.

以食物質素而言, HK$588一位Sunday Brunch就似乎太貴了, 反而Intercontinental既semi-lunch buffet更加叫人驚喜, 估計再幫襯的機會唔大.

Janet: Discipline

隨著上兩張大碟 "Damita Jo"及 "20 Y.O."的失利後, Janet跟Virgin十多年的關係亦正式畫上句號, 轉投未來老公JD的Island Records亦理所當然. Janet一直是我非常喜愛的女歌手, 比Madonna多N倍. 多年前已有心願可以看Mariah, Celine, Whitney, Janet的concert. Celine已經在97年實現了, Whitney亦都在04年看了, Mariah去年臨尾甩底 (現在仍耿耿於懷), 唯獨Janet很少在亞洲開tour, 聽說她今年會開演唱會, 希望她會考慮香港/澳門.

過去數張碟她的歌都令人聯想到性, 這張都不例外, 不過已經比以往的內歛很多.

1) Feedback: 所謂的comeback single, formula跟足All For You, 好funky, 亦是她繼All For You後最好的單曲, 可惜成績麻麻, 莫非電台已經嫌棄了她?


2) LUV: 亦是Darkchild的作品, 預計的第三單曲, 很catchy, 很mainstream, 值得成為hit song.


3) Rollcoaster: 開始時很不慣, 現在比較接受了, 不過亦是可聽可不聽的歌曲. Darkchild有點失手了.

4) Rock With U: 第二單曲, 很喜歡編曲, 但歌詞很短亦只是不斷重覆Rock With You及ohohoh, 顯得歌曲沒有甚麼深度, 個人認為會hit的機會不大.


5) 2nite: 聽得出有意做一首80's的跳舞歌曲, 無可厚非係非常catchy, 但我卻認為太老土了, 如果真的要做single的話, 麻煩先做一個remix先, 否則不會有airplay可言.

6) Can't B Good: 跳舞歌完結, 一如以往的大碟開始中慢版的歌曲. 整首歌曲很chill out, 但這類beat已經聽過很多次了, 有點像Damita Jo的Spending Time With You但好一點.

7) Never Letchu Go: 聽歌名已經有點心寒, 很老土, 而整首歌曲亦真的很土, 很80年代, 呢隻可以skip.

8) Greatest X: 應該是Damita Jo裡的Thinkin' Bout My Ex的延續篇, 可惜亦是毫無驚喜之作, 看到有些評論說呢首是single之首選, 我真的感受不到.

9) So Much Betta: 歌曲說自己不再做第二, 說自己好很多, 除了個beat幾funky之外, 我看不到有甚麼betta的地方.

10) The 1: 由Missy操刀, 結果亦是很Missy, 不是說不好 (其實可以做single), 不過卻沒有janet的原素在內, 即是由Beyonce, Monica, Amerie, Ciara唱的話, 效果亦大概一樣.

11) What's Ur Name: 呢首雖不算突出, 但感覺不錯, 可能只是兩多分鐘不會有很重覆的感覺, 亦很smooth.

12) Discipline: 點題歌曲, 是全碟最慢的歌曲, 亦是意識最大膽, 尾段的呻吟已經見慣不怪. 很多人都不喜歡, 我卻很喜歡chorus的 "I need some discipline tonite, I've been very bad"

13) Curtains: filler歌一首, 亦不喜歡在discipline轉回mid-tempo的歌, 唔consistent.

聽得出janet/LA Reid想做一張comeback album, 要好mainstream, 無可否認找來很多top producer/composer拔刀相助, 離棄合作廿年的James同Terry, 歌曲的melody是易聽了, 但卻缺乏了整張大碟的完整性, 這才是要害之處.

08竹戰第八回

亦是無心插柳的牌局.

是日下午告知肥肥我夜晚去亞洲博覽館睇演唱會, 因為她跟水小姐住在東涌, 肥肥便說了如果我看完演唱會到她們家打番兩個家都好, 小弟唯有將肥肥的意思同alan講. 結果當然是一拍即合. 看完演唱會後去到機場搭巴士去肥肥屋企樓下, 在等她下來接我的時候, alan都已經趕到.

是晚手風都頗順, 沒有輸過本, 但alan則非常不順, 牌等著他出沖, 更試了一回三響 (不過我並沒有開牌, 所以沒有人知道他是輸三響), 打到早上八時只打了12圈, alan因要上班的關係就結算了, 賽果如下:

我: 贏$540
水小姐: 贏$290
肥肥: 輸$120
alan: 輸$710

雖然我贏最多, 但補貼alan後, 我們實輸$170, 所以今次的贏家又是水小姐...果然旺喎.

Backstreet Boys' Concert

先表明自己不是BSB的歌迷.

話說星期四晚收到業sir電話問我有冇興趣睇BSB - 小弟對BSB並不熱衷, 知道他們最近出了新碟, 但美國完全不賣得, 自己亦沒有多大興趣聽, 不過我也有大概10首他們的舊歌, Quit Playing Games With My Heart + I Want It That Way都是我當年頗喜歡的歌. 既然有免費飛亦不介意去看. 問了alan, 正如我所料他一點興趣都沒有, 所以便做了電燈膽跟業sir及他的anton一齊睇.

因為在青衣站兜兜轉轉的關係, 去到的時候已經8:45pm開場了, 不過亦無所謂, 但最大的問題是當業sir拿了飛才發現原來所有都是企位, 弊!! 不難以想像大部份都是女歌迷, 看到前面一對男女不斷跳舞, 但我有點感覺他們似乎是"姊妹"多一些. 四位成員各自有solo的表演亦是最沉悶的環節. 大概10時左右, 業sir問了主辦單位的人知道setlist並沒有首本名曲 Get Down, 離譜!! 業sir即刻話走, 我亦都冇異議...

其實不看也沒有損失亦不覺得可惜.