回憶總是泰好玩(第二天)

第二天是星期日, 早一晚已定了要早點起身去翟度翟買買買, 但因為大家都實在太累了, 累得連早餐時間都過了, 其後大家才發現原來大家都不一定要去翟求翟, 反正之前大家都去過幾次, 所以決定改變行程, 先醫肚. 肥肥提議去文華食泰式自助餐, good idea!

文華, hilton, 半島都在海邊, 每間酒店都有接駁船到達, 我都真係第一次去曼谷坐船.

五分鐘船程, 吹吹海風都幾舒服.

自助午餐盛惠HK$225一位, 跟香港不會差太遠.

擺設, 影到好似好靚.

有咩食呢? 好多野都冇影到 -- 因為掛住食. 總之有唔同種類既沙律, waiter會向你逐一介紹食物, 他還推介了冷飯撈茉莉花水, 食落去超怪...其他的有不同類別的咖哩, 冬蔭公, 海南雞飯...要數最特別的是這個:

相片看似是魚蛋之類的東西, 其實是煎米糕, 用米漿+椰漿以特製的機器弄出來, 外脆內軟, 熱辣辣時最好味.

吃完兩點多, 我跟alan計劃去朝性, 不去babylon又怎算去了曼谷? 可惜當天佳麗質素實在普通, 玩的地方少了...失望!

5點鐘返回酒店, 因早一天已book了做spa, 在買一送一的優惠下都要盛惠HK$700兩小時, 不過仍然比香港平. 質素亦比bodytune的好得多, 至少舒服得睡著了.

八點左右又是出動的時間, 因今天miss了翟度翟的關係, 所以肥肥提議去離酒店不遠的Suan Lum Night Market逛逛順便食飯. 下車時發覺開始落雨已經暗叫不妙, 不過未算很大雨, 這個night market有不少餐廳, 有泰菜, 鋸牛排, 我們最後選去食意大利菜. 因為餐廳裝修簡陋, 所以亦未有對其食物存太大寄望, 但往住就會有驚喜:


可見裝修真的超簡單.

先來一個海鮮沙律 - 其實我們是想食菜, 但味道不俗, HK$60左右.

蜆肉意粉 -- 賣相有心思, 意粉有驚喜: 不是白烚便算, 而是有用牛油炒香, 好好味 (HK$65)

千層麵 - 另一驚喜之作: 味道剛好, 不會太多牛肉碎, 焗得微脆, 香港很少食到咁出色的千層麵 (HK$70)

香煎鱸魚 -- 普通, 略嫌太乾身, 但伴碟的菠菜卻超好味. (HK$70)

因不夠飽的關係, 最尾還叫了一客薄餅, OK. (HK$80)

埋單後再出外食雪糕, 簡直"係咁食, 亂咁食". 在night market行街之時忽然下大雨, 咪以為在室內冇事, 原來這些頂只是用紗蓋上, 大雨時不斷滴水, 唯有找地方避雨, 誰知這個夜市的去水完全唔掂, 渠位開始湧水出來...決定即閃衝上的士. 當然結果是被司機開天殺價 - 應該大概HK$20已經可以回到酒店, 一上車便說要HK$40, 算! 行雷閃電超大雨, 有咩緊要得過安全返酒店? 每人夾多幾蚊都抵番啦.

第二日完.

回憶總是泰好玩(第一天)

看完關淑怡演唱會+浴室跌倒事件後, 睡不夠一小時便要4:00起身搭4:50分的N車到機場. 到了機場剛好六點正, 肥肥亦剛好到達, 一上飛機便好像死了一樣, 直至飛機餐時間才醒.

今次我們住的是在asok附近的Grand Millennium Hotel, 才開業三個月, 所以很新淨, 睇睇:

擺設很elegant

等check-in, 個人還未醒晒, 好想訓番陣.

大堂真係幾靚

間房都幾ok, 床就比較細, 要同alan孖鋪, 好迫.

浴室都好乾淨.

休息了一會, 決定先吃東西, 去了Central的food loft, 高檔food court:

豬脾飯, 肉身很腍, 汁好味.

急不及待食海南雞飯, 但只屬普通, 與何文田的勝利小廚差很遠.

炒金邊粉, ok

燒鴨, 純粹因為見到師傅起骨而引起買慾, 味道尚可, 但冇骨是一大亮點.

超濃冬蔭公海鮮湯米, 好味, 反而肥肥接受唔到呢種味道.

甜品當然不可缺 -- 蘋果批, 我素來對這款甜品沒有好感, 但吃了一口卻不錯.

雪糕: 藍莓乳酪+椰子. 椰子真的有一條條椰子肉, 超好味.

吃飽東西便是行街, 因外面正下大雨所以留在central行商場, 肥肥便自己買"爸爸".

影后: 請留意他的背心, 設計camp精得可怕.

冇眼睇....其實真的很累了, 隨時都可以訓著.

買完東西便去sala daeng的Bodytune揼骨, 上到去說要等一小時才有師傅, 所以便到落下的餐廳飲野, 點知end up又食左野:

冬蔭功雞批, 熱辣辣, 香噴噴, 超好味, 都只係60銖.

芒果蛋糕, 很厚, 味道都ok, 唔太甜.

因為N年前見識過泰式按摩的功力, 小弟頂唔住, 所以選擇做推油, 推油期間不斷聽到隔離房有香港人講野, 果然是香港人熱門摩點之一, 臨走時還見到自己友. 揼完骨10點多, 立即飛的去唐人街南星食飯:

翅只是普通, 海外天好食好多.

咖哩蟹, 好得...汁撈飯更是絕配.

螄蛤: 很很很鮮味, 加上香港食唔到, 食多幾隻.

粉絲蝦煲: 巨蝦超甜, 粉絲略嫌太重八角味.

埋單只是1800銖(HK$450), 超平, 食完仲要去食街邊燕窩.

老板娘識肥肥架!

燕窩加蛋, 很多燕窩碎, 只是略甜 (HK$25), 香港邊度搵?

食飯前已經買定金枕頭, 好香, 但食完飯太飽, 我地竟冒被blacklist的險拿回酒店食.

素來對榴槤極為反感的alan, 終於被肥肥氹掂獻出第一次, 佢話都可以接受喎, 好野!以後可以無牽掛地食!!!

第一天完.

曼谷之旅之當年回顧

回想起來, 今次已經是第四次去曼谷, 不期然總會想起過去三次的經歷.

第一次: 2001年初 -- 已不記得確實日子, 只記得是跟舊同事兩條友一齊報團, 去曼谷+巴堤雅, 詳情已經完全忘記了大部份, 只記得經常食中菜...及怕了泰式按摩.行程中跟這位朋友有點曖昧, 但正正就是因這種曖昧損害了彼此的關係, 其後反而刻意避開他, 去年聖誕有朋友告知他剛結婚, oh...

第二次: 2002年3月 -- 這次是跟豬朋狗友一行五人去玩, 亦終於知道點解呢度咁受我地歡迎, 簡直係大開眼界/大開色界. 去DJ, 去睇go-go boys(睇左好多場), 陪人揼邪骨 -- 自己反而冇揼, 看到候選"佳麗"在等客官挑選時的拋媚弄眼實在忍俊不禁...

第三次: 2005年12月 -- 這次是跟alan去的, 集喪玩+喪蒲+喪食, 在電腦還找到一些照片.

位於Inter-Continental樓下的法國餐廳, 以十道菜為名, 印象係幾好食, 但未致於拍案叫絕.

情調都唔錯, 當晚都有唔少香港人, 但相信現在應少了, 因已進軍青衣城, 但未試過.


MBK很MK, 低檔購物中心

Siam Paragon - 當年才剛剛開業

翟道翟 - 好像是必到行程, 但好易熱瓜

三年前的我, 幾young

奉送alan肉照一張, 當年都比現在瘦...

右腿, 該死!

在出發前往曼谷前一晚發生了家居意外. 說起來仍有點難為情, 心想這些事情只會發生在獨居老人身上 -- 在浴室跌倒.

事情是這樣的: alan家是用傳統浴缸, 即是要用腳檻過才可沖涼/落地. 我沖完涼後便以向來有膝患的右腿檻過浴缸落地, 就在將全身的力量聚在右腳的一刻, 右腿就有了反應, 或者是這樣說, 右腿就失去反應便狠狠地失足跌倒, 頭撼了旁邊的座廁, 跌倒後左腳還掛在浴缸邊.

alan在廳"恰"著都聽到響聲, 見到此情景當然嚇了他一跳. 然後我就像一個全身癱瘓的人由alan將我抬起出廳, 當時只能以痛得要命來形容, 腦裡在想是不是咁快要坐輪椅過下半世. 右膝已經一如以往腫了, 按上更感受到有積水走來走去, 要alan幫我捽按摩膏. 幸好頭撼一撼未致腦震盪. 屁股亦因得天獨"厚"沒有甚麼. 待了良久膝蓋才有好轉.

恐怕今年生日可以叫alan買定輪椅做禮物. 我還跟他講笑如果老了大家都要淪落到要以輪椅度日不知可以點樣照顧對方, 或許一齊住安老院吧.

關淑怡演唱會 - 意想不到?

已經是第四次看關淑怡演唱會, 由最差勁的拉闊到最顛峰的關於我, 這次其實沒有甚麼寄望, 是晚坐在紅閘(panel對面)第五行, 位置尚算不俗.

意想不到:
1) 唱了鴿子的歌, 雖然不明白歌詞意思, 但見到春光乍洩的片段勾起不少回憶, 但片段不時hang住, 莫非是播緊老翻VCD?

2) 比第一天早了開場, 在alan還正咬著熱狗之時已經熄燈!

3) 沒有嘉賓 -- 以為會有琴姐.

4) 沒有跳舞 -- 恃住自己著6吋高跟鞋就唔跳舞, 連自己排舞都慳番.

5) 終於俾恆仔現身.

6) 演唱水準比兩年前還好一點.

曼谷之旅之零預備

現在已經是星期四晚十點鐘, 星期六早上八點便起飛去曼谷, 直到現在甚麼都未預備. 是次旅程是兩王一(肥)后, 我+alan+肥肥三個. 雖然已經是第四次遊曼谷, 但今次行程絲毫沒有頭緒. 早一個月已換購了曼谷Super Bible, 亦只是flip過一兩次而已.

以往跟alan的旅程總是會安排得妥妥當當, 做咩食咩玩咩皆有預算, 莫非今趟玩即興?

仲會唔會去DJ? 好似冇野玩, 人迫到爆炸...
仲會唔會睇go-go-boy? 好似又是來來去去這些所謂show, 又係一大班泰仔在台上un下un下...我地又唔會包仔玩喎
仲會唔會去babylon? 都唔知點...
仲會唔會揼邪骨? 應該都會, 但肥肥點算?

都係上飛機先諗啦.

Madonna: Hard Candy

跟隨Mariah Carey, (疑似)死敵Madonna亦推出最新大碟 Hard Candy. 推出之前已經聽過不少關於這張碟的消息, 繼Confessions On A Dance Floor這張跳舞大碟後, Madonna於新碟與Hip-hop才子 Pharrell Williams及Justin Timberlake合作, 究竟佢會唔會由Dancing Queen踩埋過界做Hip-hop Queen?

大碟定於4月29日才正式面世, 但現在已經有得下載了.

1) Candy Shop

Intro一開始已經要讓人知道她真的要做一張hip-hop大碟. 整首歌都很爽, 很想郁, 非常catchy, 有別於一貫Madonna的歌, 但效果出奇的配合, 可以考慮做3rd single.

2) 4 Minutes

大碟首隻single, 已經聽過很多次. Timbaland作品, Intro亦很Timbaland, 亦是第一首與Justin合作的歌曲, 做lead single亦很順理成章, 至少有talking point, 歌曲本身尚可, 而video就一貫好睇.

3) Give It 2 Me

第二首single, funky跳舞作品, 但編曲摒棄了一般跳舞作品, 有點80年代的感覺, 亦很catchy, 但有點質疑電台會不會熱播.

4) Heartbeat

Intro很有dance track的鋪排, 還以為是時候回老本行了, 不過一開始唱的時候即變回hip-hop beat. 個人認為做dance track會更理想, 現在令人想un最後都un唔出.

5) Miles Away

另一首與Justin的作品, 個beat亦開始放慢少少, 簡簡單單的acoustic guitar更加討好, 當然其後的編排亦添加了hip-hop原素, 但感覺還好.

6) She's Not Me

一首六分鐘的歌, 真的很久沒有聽過6分鐘的歌, 看到歌名已可估到歌詞的意思, 都是說新歡怎樣學她都不是她....歌曲編排回到70年代dance number, 很像Donna Summer的Bad Girls. Pharrell也有rap了一段但一向不喜歡他的假音, 再加上最後兩分鐘其實可以cut走.

7) Incredible

另一首六分鐘的歌, 整首歌可以分為很多不同segment, 亦很不配合, 結果超怪超唔好聽...聽到一半已經諗緊幾時先完.

8) Beat Goes On

去年年尾已經聽過demo version, 感覺好清新好得. 其後他們再做另一版本, 加重hip-hop元素, 亦改了大部份的歌詞, 還拉了Kanye West唱了一段rap, 坦白說demo版本比較討好.

9) Dance 2night

另一首與Justin的作品, Justin亦有幫口, funky編曲, 但不算突出...普普通通.

10) Spanish Lesson

很stupid的一首歌, 真的好點受不了Madonna唱了一些Spanish然後唱出英文意思. 聽聽下段verse仲覺得有點似Spice Girls的Spice Up Your Life, 難頂.

11) Devil Wouldn't Recognize You

到大碟的尾段自然再slow down到中板作品, 亦有Justin參與, 沒有驚喜, 亦不是難聽, 但就是沒有意欲repeat...

12) Voices

亦有Justin參與, 做結尾曲絕對perfect, 歌詞亦寫得很好..."Are You Walking The Dog....Are You Out of Control, Is That Dog Walking You", ending很dramatic....很喜歡呢首.

我覺得Madonna今次最聰明的地方是知道自己不是唱hip-hop sound的表表者, 但揀了跟Justin合作, 令大家對她的新作加強了接受程度, 亦顯得冇咁odd. 坦白說第一次聽真的覺得很麻麻, 但聽多幾次後有點改觀, 且看娜姐今次可唔可以吸納新的fans群.

推介: Candy Shop, Voices

如有朋友想先聽為快, 可能留言我會send mp3俾你, 但當然大家都要支持娜姐, 畢竟幾年先出一隻碟, 咪咁孤寒啦, ok? =)

劉美君Part 2?

剛剛從朋友chris告知, 主辦單位想劉美君開Part 2, 而佢亦話機會很大...

之前仲話滯銷, 仲敢開Part 2? 其實我覺得見好就收吧, 除非Part 2有革命性改動.

她還說會拍一部電影, 我跟chris說笑她可以演阿媽, 但chris更抵死說是演鳳姐, 我想最後她的結局是被顧客扼死, 金雞的悲劇版...

或者可以做怨婦, 上演一幕"獨自愛撫月球".

我看劉美君演唱會

欣賞了昨晚的演唱會, 整體上都尚算滿意. 不打算列rundown, 只想將一些感受寫下來.

1. 未入場館已發覺妖氣沖天, 真的很多很多很多自己人.

2. 多得alan先俾blog mate看到我, 遙遠地揮手示好, 此行另一收穫, 也倒算有點緣吧.

3. 是晚坐在blue閘第15行 - 由於業sir的朋友拿了星期六的門票(第5行), 千辛萬苦才換回來, 坦白說位置只算普通, 看得最清楚的是那四位和音人.

4. 很邪, 坐在alan隔鄰正是他舊公司同事, 撞都冇咁正, 仲要望到他舊公司老板.

5. 之前看過她說會準時開show, 結果都要8:30, 但都比一般歌手較早.

6. 舞台簡單得不得了, 美其名是以歌會友, 實情是製作費有限.

7. 初頭聽到亞熱帶少年的intro有點心寒 -- 唔係諗住用返廿年前的studio版本做音樂襯底? live band都慳? 幸好不是.

8. 真的唱了清晨, 雖然有點走走地, 但正如早兩篇說過, 無憾了!

9. 蓮母自上一個演唱會自彈自唱後上了癮, 雖然fun已經透露了演唱歌曲, 亦非常驚喜! 當然蓮母的表現依然是零瑕疵, 但正如alan事後說過, 劉美君唱別人的歌唱到咁既水平, 已超額完成.

10. 蓮母悄悄離開不邀功, 顯得非常classy, 相對蘇永康的口水多過茶+攪爛gag, 這就是 C-H-E-A-P. 蘇先生已經係金牌(樂壇)瘀友, 還說想在紅館裝修前開個唱, 經過今晚的反應, 除非Paco想蝕錢, 否則應有理智決定.

11. 偷窺素來是我最喜歡的合唱歌之一, 蘇先生的洗劫令呢隻歌添上污點.

12. 四位和音人表現很麻麻, 嚴格來說是不濟, 可能亦是製作費的問題, 冇錢請雷氏兄弟.

13. 音樂班底也有問題, 例如起歌超慢, 協調度麻麻, 亦缺乏創意心思, 相比倫永亮auntie是低了數個檔次.

14. 覺得快歌時的舞蹈很簡單求其, 直至她唱鹹濕歌用紅色椅子做道具之時, 我才發覺有點心思, 呢part chair dance算係highlight.

15. 因本人坐藍閘, 即是panel的右邊, 所以當唱夜已變得騷了的時候, sofa頂剛完全遮擋所有動作, 唯有靠大電視 -- 點解唔轉呢? 起碼所有人都有機會睇得到.

16. 在之前的文章列了10首歌, 只有請求及異鄉邂逅沒唱, 算係咁, 心知好難100%中晒, 不過沒唱這麼那麼怎麼及天長地久則有點surprised.

17. 發覺她整晚多次唱錯歌詞, 唱錯verse的情況屢見不鮮, 唔慣睇歌詞screen?

18. 很期待她唱午夜情, 請聽完之後卻若有所失, 因感覺她唱得有點求其, 或許是握手影響表現, 最尾的I fall in Love的Love亦只能用假聲完成, 失望.

19. 我素來認為她是敢言擅於辭令的人, 但她選擇少說話多唱歌. 唔係唔好, 但令氣氛有點沉悶.

20. 兩年前關淑怡的演唱會的再度安歌環節, 亦是唱到冇歌, 於是再唱難得有情人, 關淑怡亦在那個時刻喊到唱唔到, 於是最後萬人大合唱, 昨晚最後的最後一夜好像是倒模, 不同的是我今次沒有受感動.

雖然好像給了很多批評, 但其實已很滿意了. 可能就是其他blog mate所說的情懷, 多謝劉美君.

老了不中用

之前已經說過自己老了, 身體機能開始走下坡, 有以下例子:

1. 以前幾夜訓都冇問題, 依家未到12點已經睡魔急call.

2. 抵抗力越來越差, 易病易頭痛. 呢兩日仲要肚痾.

3. 想多一點跑步, 奈何膝蓋不中用, 跑一小時但痛足一星期, 現在上落樓梯屈膝依然隱隱作痛.

4. 腰圍有增無減, 但食量沒有太大改變

5. 以前一覺訓到朝早,很少半夜醒, 現在久不久都半夜醒來, 證明睡眠品質下降了.

這陣子狀態真的不成, 月尾會去曼谷休息四天, 希望回來後狀態回勇!

Last Day

今日是小弟在Reuters的最後一日 -- 不要誤會, 雖然小弟這陣子工作不順亦的確曾有辭職念頭, 不過我係唔會咁易放棄, 儘管上司怎樣無理, 大老板怎樣橫蠻, 我都要同佢地拚過!

其實Reuters自上年證實被Thomson收購後, 其Reuters達150多年的歷史正式成為句號. 由明天開始, 公司將改名為Thomson-Reuters, 咁我地俾人買, 名稱放在後亦理所當然. 幸而小弟負責的media部門thomson並沒有, 所以以香港branch來說沒有重疊, 至於其他backend部門的命運都只有天知了.

聽日下晝仲要在sheraton有慶祝派對....悶, 我寧願見客好過.

仲有聽朝第一件事就係要轉voice mail既greeting...oh

大開色界演唱會

還有四天就是劉美君出道廿多年第一個(仍相信是唯一一個)紅館演唱會, 我將會看的是尾場, 雖然還不知坐甚麼位置, 但相信業sir會拿到靚位 (先感謝業sir的安排).

今天忽發奇想她當晚會唱甚麼歌 - 當然最後一夜, 午夜情, 愛是無涯, 我估不到, 點解, 一見鍾情, 亞熱帶少年是不會走雞, 我卻更想她唱以下歌曲:

1) 清晨 (小弟的all-time favourite, 如果她真的唱的話, 無憾!)

2) 請求 (另一首非常鍾意的慢歌)

3) 霓虹鳥 disco version (比原裝好聽N倍, 不用特意唱低音, 加上快beat, 正)

4) 偷窺 (型住佢同蘇永康係唱呢隻, 當然林保怡更好)

5) 異鄉邂逅 (超鍾意最尾的I Miss You Mike!)

6) 忘情 (其實我覺得佢唔會唱呢隻歌, 感覺格格不入, 但純粹個人喜好)

7) 嬉戲號客機 (當年很憎她不斷hehehihi, 但依然覺得隻歌很爽)

8) 依依 (一向覺得佢唱慢歌很有味道, 呢隻都不例外)

9) Give Me All Your Love Boy (或者呢隻會做opening?)

10) 一對舊皮鞋 (都係同呢個演唱會完全唔夾既歌, 但細個好鍾意)

完全唔期待林狗做嘉賓, 因為隻歌...好難頂!

感覺她跟蓮母唱英文歌 - What a Wonderful World?

希望到時見到你地!! 支持支持!

舞出真我2

有少少是因為看過第一集幾次(戲院+飛機)覺得唔錯, 所以睇第二集. 之前已經知道主角已經換晒人, 再加上是續集的關係, 把寄望降低.

上集的Tyler有份客串而交代佢同上集女主角因為上左位要巡迴演出, 亦跳了一part彈床舞. 但Tyler呢隻肥了一個碼, 亦冇以前咁靚仔了. 至於今集的男主角....很普通, 所以本集是以女主角做主導. Hip-hop舞不是小弟的favourite, 所以只覺得ok, 唯一要反駁是既然之前練得咁差失禮晒, 然後又將舞團解散後, 在沒有練習的情況下, 忽然收到短訊話當晚街頭比賽又跳得咁好, 點解??? 同第一集犯同一毛病...

Mariah Carey: E=MC2

大碟已鐵定於4月15日面世, 但多得internet, 已於上星期開始流傳. 作為(超級)歌迷, 很高興看到她因We Belong Together從谷底反彈. 無可置疑The Emancipation of Mimi是一張佳作, 3年後面世的E=MC2可唔可以維持甚至超越上一張?

1. Migrate

早3個星期已經在網上看過她現場唱呢隻歌, 當時感覺很麻麻, 可能是因為她唱現場真的頗差勁, 所以已對呢首歌判了死罪. 但當聽完studio版本, 感覺即時100%改觀, 好點像It's Like That, 但係型很多, 很hip, 歌詞亦很hip, hip到都唔係好明, T-Pain 除了rap之外亦唱了一段chorus, 好正! 希望佢會選擇呢隻歌做3rd plug.

2. Touch My Body

已經聽過了好多次, chorus很易上口, 但始終未真正喜歡過. 看過video更覺得好點倒胃 - 37歲人了, 不要再扮16歲妹妹著超短迷你裙玩飛碟, 雖然知道video是想做到有一點幽默, 但真的夠了.

3. Cruise Control

Mariah這一隻碟跟JD生了四個BB, 這隻是其中一隻亦是我最喜歡. 感覺有點像Shake It Off, 但加了一點牙買加味道, 中間verse還用牙買加式的英文唱, 很過癮, 可以考慮做第四/五plug.

4. I Stay In Love

終於是時候出現Mariah的典型情歌. 編曲極似Janet新碟的Never Letchu Go, melody很易上口, 聽一兩次已經識唱chorus, 但聽了數次便有點生厭, 可能是編曲的關係吧, 最終變成一首口水情歌.

5. Side Effects

這首歌是她說自己的經歷, 離開Tommy後依然有心理上的後遺症. 很喜歡chrous裡的 I kept my tears inside cause I knew if I Started I'd keep cryin' for the rest of my Life. 不過坦白說如果不是歌詞有話題性, 這隻歌可以out.

6. I'm That Chick

早幾個星期Mariah也現場表演過, 當時覺得比Migrate好, 但聽到studio版本後反而冇咁鍾意, 很bubble-gum, 很美國人很喜歡說的cheesy, 無可否認是fun, relaxed, 但我不認為37歲的女人適合唱I'm That Chick You Like...chorus說的taste me like ice-cream, 我覺得味道是豆腐味 -- 淡而無味.

7. Love Story

開始出現中慢版的R&B ballad, 另一首跟JD合作的歌曲 -- 4分鐘過後沒有留下任何印象, 不是難聽, 但亦不算悅耳, 呢首可以skip, 沒有潛質做single

8. I'll Be Lovin' You Long Time

很簡單的old school R&B, melody簡單, 歌詞簡單, 很一般的sweet情歌. Nice but not impressive.

9. Last Kiss

另一首JD作品, 第一次聽後亦是空白一片, 但這是一首聽多幾次才會開始鍾意, 有點像usher的ballad, 呢首ok, 但都不是做single的材料.

10. Thanx 4 Nothin'

未聽已經很鍾意歌名. 但一聽到節奏就覺得很悶, 但背後的音樂跟Always Be My Baby一樣. verse很平淡, 到chorus才變得精彩, 可惜...如果verse再作過就有機會做single, 依家去唔到呢個位. 今次JD同mariah合作有點失手, 可能是JD技窮了.

11. O.O.C.

好點像Fantasy的beat, 但感覺很不同, 印象中mariah亦沒有唱過這類歌, 很tropical, 很喜歡很特別, 不過感覺上不是single的首選, 純粹上覺得唔算太radio-friendly.

12. For The Record

再一算典型中慢版R&B Ballad, 我只喜歡chorus頭兩句, 其他...普通到不得了.

13. Bye Bye

第二plug, 亦是我最最最喜歡的歌曲, 甚至比We Belong Together更甚, 雖然melody上不及WBT搶耳, 但歌詞寫得好好, 很感動, 令我眼淚直流, 如果你有親人離開, 這一首歌一定令你想起很多與親人的往事, 特別是"I thought you were so strong you'd make it through whatever, It's so hard to accept the fact you're gone forever", 這種難捨難離的感覺很到肉.

14. I Wish You Well

Mariah近年每一隻碟都會有一首spiritual/personal歌曲, 你可以說是另一首My Saving Grace/Fly Like A Bird, 但個人認為比較似Vanishing, 只有鋼琴, 簡簡單單, 唱得實實在在, 證明給所有人佢把聲仍然可以響亮, 唔係只係識whisper, 亦都係good ending.

呢隻碟可以說是沿用上隻碟的concept, 可以說是保持水準, mariah迷應該不會失望, 但抱歉亦不會有任何特別大驚喜. 預計依然好賣, 但未必去到Emancipation的成績.

Song of the Day: Bye Bye - Mariah Carey