五樓廚房之五樓蛋糕

接近收工時候, 突然收到alan的電郵附有以下相片:





原來是alan下午2點打去上環的五樓廚房問有沒有拿破崙蛋糕, 於是師傅即刻做, 5點鐘有得拎. 你睇下幾靚. 死仔仲特登影相引我...佢仲話超級好味, 可惜我冇份食.

過份!!

今年生日一定要食到

備註: $320一個(一磅) 坦白講價錢同文華有得揮(可能更貴), 但好味的話又點會介意貴少少.

背叛

背叛 - 以前我們會稱之為勾佬, 屬於死罪一種, 依家就叫偷食, 最近夜晚在家裡吃飯之時三色台正播出民初背景的<銀樓金粉>, 其中提過尚家四太太與二叔的舅仔有染, 尚家大老爺設計捉姦在床, 最後淪為浸豬籠.

現今男女關係中, 背叛當然不再是死罪, 但卻是令感情致死的原因. 在我們的社群中, 背叛主要有三類:
1. 與第三者有肉體關係, 但沒有感情, 純粹是過手/口癮.
2. 與第三者沒有肉體關係, 但卻鍾意了他.
3. 當然是又有關係, 又鍾意埋對方.

我跟alan六年間有沒有試過背叛? 如果是以(1)作為definition的話那當然有, 但我們不當這是背叛, 大概也只能說physically unfaithful, 其實我都不認同這個形容詞.

但以(2)/(3)的話, 六年間倒發生了一次. 2004年, 我們一起了兩年多, 初段的甜蜜期/包容期已經過去了, 接著就是真正要面對對方不足之處, 或者大家都開始揭露自己的真性情之時, 磨擦就由此而來. 這一年可算是關係的低潮期, 印象中嘈交機會屢見不鮮, 繼而開始想認識多一點人傾訴也好, 甚麼也好, 當時交友網站也沒有現在那麼多元化, 又有相, 又有video...接著認識了這位ABC.

他樣貌不錯, 小鬍子蠻性感誘人 (哈哈), 他知道有alan的存在, 但只是friendship所以亦沒有甚麼芥蒂. 於是某週末約了他到他家中閒談然後食飯. 這次約會後對他的印象不斷加分, 繼而晚晚msn玩web cam.

這個人還有殺手技倆 - 懂得煮得一手好西餐, 試過上他家裡吃飯, 跟他的姐姐打台牌, 還曾經在他家過夜. 這種奇奇怪怪, 曖曖昧昧的關係維持了一個月左右, 有一天自己忍不住發了一個email給他, 跟他說了一些感受 - 這個email就成了我們關係的轉捩點, 因為他知道這樣不好, 事情亦不應這樣, 自此我們開始疏離, 他亦覺得我們不應再見面. 後來不久找了一個機會跟他面對面解釋清楚, 但已經和好不如初, 亦都開始慢慢丟淡. 現在我們還有對方的msn, 但已經良久沒有談過話了.

這樣算背叛嗎? 我認為是...因為有一段時間我發覺我真的喜歡他, 不過亦多得這封email, 如果不是他的反應, 我想我跟alan已經在那時候已經完了. 亦自這一件事後, 我告訴自己不能再這樣了, 就算期後有遇到好人, 但我都能臨崖勒馬. 當然這幾年跟alan的感情穩定了很多, 自然不會有其他遐想.

始終感情遊戲不宜玩, 傷身又傷神...一個便足夠了.

碟評: Sarah McLachlan - Rarities, B-Sides Volume 2

97年才認識Sarah McLachlan, 第一首認識她的歌是Angel, 當時覺得呢隻歌好舒服, 覺得呢位女歌手聲線超好聽, 高音並不是mariah/celine的叫破喉嚨, 而是很柔很悅耳, 在我心中她才是Voice of Angel. 然後買了Surfacing聽, 商業之餘很有個性...10首歌(就算是純音樂Last Dance)都是上乘之作. 其後的Afterglow可聽性麻麻, 大碟銷量亦完全證明了這一點, 亦不喜歡她長頭髮look, 短髮比較硬朗比較適合佢.

在沒有新作推出之時, 唱片公司替佢出了 Rarities, B-Sides Volume 2, 聽聽有甚麼滄海遺珠.

1) Ordinary Miracle - 未聽過, 2006作品, 收錄自Charlotte's Web的soundtrack中, 一貫簡簡單單, 勝在夠悅耳.

2) Blackbird - 未聽過她的版本. 原自Beatles, 但小弟都是在今年AI Carly Smithson唱過才聽過, 當然Sarah比Carly好好多. 屬2001年作品, 收錄自I Am Sam的soundtrack中.

3) Time After Time - 未聽過這個合唱版本, 原自Cyndi Lauper, 此版本收錄在仙姐的05大碟The Body Acoustic, 故此乃acoustic版本, sarah只是客串而已, 都係仙姐原版好一點.

4) River - 未聽過, 收錄在她06年聖誕碟Wintersong, 此曲翻唱Joni Mitchell, 但都冇聽過, 所以當新歌聽. Intro同Outro都用了Jingle Bells, 整首都是以Piano做骨幹, 很sarah囉, 都幾好

5) When She Loved Me - 聽過, 收錄在99年Toy Story 2的soundtrack, 一樣是piano ballad, 當年看電影聽到呢隻歌起雞皮, 其後粵語版有容祖兒的像昨天她喜歡我, sarah高音的柔, joey高音的勉強, 高低立見.

6) Don't Let Go - 未聽過, 收錄在02年Spirit: Stallion of the Cimarron的soundtrack, 與同鄉Bryan Adams合唱, 普通ballad一首, 最動聽的是sarah唱Don't Let Go This Moment In Time呢句.

7) Just Like Me - 未聽過, 收錄在Rapper DMC06年的大碟Checks Thugs and Rock N Roll, sarah都是以客串的身份做了chorus...算是跟rap扯上關係了 (雖然她沒有rap)

8) Angel - 未聽過這個現場版本, 與Emmylou Harris合唱, 本人懷疑是她們在97-98的Lilith Fair合唱.

9) Pills - 未聽過, 與The Perishers合唱, 收錄在2005年The Perishers Live大碟中, 可以skip.

10) Homeless - 未聽過, 與南非A cappella組合Ladysmith Black Mambazo合唱, 收錄在他們2006年Long Walk To Freedom大碟, 坦白說唔夾.

11) The Rainbow Connection - 未聽過, 收錄在2002年雜錦碟For The Kids中, 原曲是卡通兒歌, 經sarah改造後變成pop song.

12) Prayer of St. Francis - 未聽過, 收錄在Surfacing的日本版, 兩分鐘超短, 不經不覺便到下隻...

13) Unchained Melody - 未聽過她的版本, 出產年份不詳, 她將這首經典中的經典完全大改, 勇氣可嘉, 但我...唔鍾意.

14) Silence - 未聽過, 收錄在Delerium 1997年大碟Karma, 最後一首, 最後一擊, 當大家聽了這麼多慢歌後, 來一首11分鐘的disco remix...一貫的飄逸

聽完這隻滄海遺珠後, 一定要聽番隻Surfacing先...非常期待快點有她的新作.

碟評: 陳慧琳 - Kellylicious

陳慧琳從來都不是我們社群的favourite, 敢問身邊的人, 對陳慧琳雖不討人厭, 但喜歡她的人簡直少之有少, 或許是她的印象太正氣太健康, 不合我們胃口.

有陣子其實幾鍾意佢既歌, <誰願放手>, <風花雪>, <嚴重>, <情人說>, 都是好歌. 直至雷頌聽為她打造為跳舞女王, 亦是她最紅的時候反而不喜歡她. 直至她開始踏入低潮後, 歌曲質素下降, 連聽她新歌的意欲都冇. 今年的廣東歌市場簡直嚇人, 一時想不出有甚麼hit歌, 才有動力讓我聽聽陳慧琳仲有咩戲法.

大碟Kellylicious, 一聽個名已經唔鍾意, 乜乜licious已經早幾年用過, 依家先用...out

1) 大: 好明顯是為演唱會度身訂做, 熱鬧有餘, 卻感染力不足, 完全冇跟著郁的意思, 好麻麻.

2) 有時寂寞: 幾鍾意呢首歌個mood, 至少不是一般典型悶蛋情歌, 雷頌德, good job!

3) 中毒太甚: 另一首勉強可叫R&B的作品, ok...

4) 主打愛: 歌詞中的為愛而戰, 跟她早兩隻碟的其中一隻主打歌不謀而合, 只是這隻比較upbeat...好mark lui咯...

5) 傻男: 聽到intro就知道是悶蛋情歌的開始...悶悶悶...所有的元素都悶到想死...skip

6) 太悶: old school跳舞歌, 就如歌名所言, 這未免是太悶的快歌了.

7) 抱歉柯德莉夏萍: 屬於smooth R&B情歌, 除了黃偉文的歌詞外, 其他都很forgettable.

8) 知我莫問: 改編自Natasha Bedingfield的, 變得死氣沉沉, 10萬個錯.

9) 我的脆弱與堅強: 走清新路線, 印象她除了<我會掛念你>外比較少唱這類曲風, 其實唔錯, 幾討好.

10) 最好給最好: 舊年美心月餅主題曲, 嘩悶到痺, 早兩年容祖兒的<華麗邂逅>好好多.

11) 隨夢而飛: 唔好意思, 冇聽亦都冇打算聽呢隻歌...陳慧琳+黎明這對瘀友組合又怎會有興趣聽?

這隻碟的問題是陳慧琳唱腔在每隻歌都是一樣 (其實她以前亦是一樣), 沒有進步, 只會退步...雖然歌曲編排已經不像以前的那麼行貨, 但沒有驚喜, 只有悶蛋.

對上一隻喜歡kelly的歌已經是2004年Stylist Index的<對不起, 不是你>, 我都想跟她說<對不起, 唔buy你>, 你的演唱會我亦沒有興趣看.

賑災盃

一以如往, 是晚約了水小姐+肥肥竹戰, 剛巧看到電視正在做賑災匯演, 於是忽發奇想, 提議將今晚嬴到的錢全部捐出. 大家都舉腳贊成...睇下邊位咁有心先.

打了32圈13小時後, 終於分出勝負:
肥肥: 嬴$400
alan: 嬴$150
我: 冇輸嬴
水小姐: 輸$550

因水小姐+肥肥的關係只是輸了$150, 所以數目少少, 心意猶在.

不過其實我們四位私底下都作出了捐款, 真心希望四川的災民堅強地生活下去.

花邊感想: 電視看到黎瑞恩退出多年+有埋小朋友, 為慈善再開金口, 水準依然, 相比校友鄭希怡的所謂唱歌, 真的恨恨的比下去, 鄭希怡, 不如你為香港人出一份力, 唔再公開唱live, 好唔好?

食評: 五樓廚房

上個星期的French Cottage還有點深深不忿, 一定要食過另一餐好野補數. 上年去過上環的五樓廚房, 那個黑豬及意大利飯一試難忘, 所以今晚決定要翻啅.

跟上次一樣我點了6個course的tasting menu, 跟waiter說了要求黑豬. 其他有咩食呢:

前菜一: 帶子+白露荀...好味, 兩樣都超嫩.

前菜二: 煎鵝肝, 剛好而且最重要的是不會很油.

湯: 雜菜清雞湯, 這個有點普通, 以為是用史雲生來做的.

主菜一: 黑豬, 味道依然好好, 但上次比較嫩.

主菜二: 蕃茄汁蟹肉pasta, pasta煮得剛好, 蟹肉亦很解,好味

甜品: 檸檬批配開心果雪糕: 檸檬批固然冇得彈, 我未鍾意食開心果但係雪糕卻很好食.

alan點4個course的set dinner:

前菜: 芒果配軟殼蟹, 香脆可口

湯: 龍蝦湯, 沒有驚喜但都ok

主菜: 煎和牛, medium rare, 怪不得要加$100, 但係真係好好味...perfect

甜品: 栗子pancake+芝麻雪糕, 好味

埋單$1200, 但比French Cottage好食N倍, 雖然俾蘇絲黃介紹後出了名, 但亦能保持水準.

食評: French Cottage

因為六週年紀念碰巧撞正母親節, 所以提早一晚吃飯慶祝. 早陣子看到有不少媒體介紹位於跑馬地的French Cottage, 再加上我30歲人都未試過去跑馬地晚膳, 所以就姑且一試.

一入去就撞到N年前舊同事與老公食飯, 她說已經是第二次幫襯, 所以心裡蠻有點信心, 是晚點了:

白露荀湯: 我喝了一口, 只是可以, $80來說不值.

凱撒沙律: 沒有特別.

生蠔兩隻: 我唔食生蠔, alan覺得幾好食.

螺四隻: 都幾鮮

本來想點海膽天使麵, 但居然說冇, 便叫了蟹蓋釀意大利飯: 沒有risotto的creamy, 蟹肉像食肉鬆. 感覺像肉鬆炒飯, $200搵笨.

主菜: waitress極力推介$688的牛, 但alan話唔好, 便叫了紅酒炆牛尾. 牛尾炆得唔夠耐, 肉還緊緊的黏著骨頭, 看到對面的男顧客要用手拿著來咬, 真不禁冒汗. $228實在太貴了.

甜品: 是日甜品是煎蘋果卷+雪糕. 姑且一試...難吃得很.

與alan得出的結論的是, 這間餐廳只適宜點海鮮, 特別是生的. 其他的, 無謂勉強吧.

埋單HK$1,000. 老襯了.

失眠

看到網友寫他自己最近失眠, 忽發奇想, 我不是想晒命, 但真的, 失眠跟自己扯不上甚麼關係.

印象中只有兩次失眠的經歷:

1. 86年夏天, 當時只有八歲. 那時候一家六口住在400呎的地方, 爸媽在一間房, 我跟婆婆及兩位姐姐睡在碌架床, 我跟婆婆是睡在下格. 當年外婆有了膽石要住醫院做手術, 第一晚外婆不在身邊很是不慣, 又擔心外婆不知會否就從此不回來, 所以整晚都沒有睡過及在被窩中啜泣, 這應是懂事以來第一次失眠.

2. 97年夏天, 高考放榜前夕: 會考放榜我不太緊張, 因為心中有數不會太差勁, 但高考真的沒有太大信心, 放榜前一晚在被窩中不是想如果考不好有甚麼打算, 而是想再把一呎厚的中史筆記再對多一年, 再狠狠的背誦, 想起都心寒, 怕得睡不著, 整晚不斷重覆聽Mariah的Daydream (所以直到現在仍不需看歌詞便能唱出碟內12首歌) 幸好放榜後回家後第一件事就是把所有筆記棄置垃圾桶!

往後就算有更大的經歷如家庭變化, 外婆離世, 只要一睡在床上, 不消五分鐘便可入眠, alan一平睡便會有巨大鼻鼾聲, 但都不能阻止我入睡, 就算在街外只要有一張舒適的梳化, 必定很快入睡. 有不少人都頗為羨慕我這個人之處, 但我可能身在福中不知福, 有時覺得自己睡覺的時間太多了, 像隻豬(身型已開始循這個方向進發, 該死!)

你們失眠的話會做甚麼? 有甚麼方法迫自己入睡?

六年

不經不覺六年了, 回想2002年5月11日晚, 我們就在登龍街某大廈的3樓遇到, 在黑暗中胡里胡塗一番, 期後離開時又再次撞番, 繼而食飯, 繼而約會, 繼而正式行埋, 繼而嘈交, 繼而鬧分手, 繼而冇事, 繼而維持了6年? 我諗當時大家都冇想過事情會進展去呢個程度. 我亦覺得事情是冥冥中有註定, 要不是離開時再遇, 相信往後大家的際遇亦大大不同.

今日跟alan同佢媽媽一齊飲茶, 在alan去洗手間之時, 伯母跟我說了她只怕她的兒子行差踏錯. 我跟她說了不用擔心, 因為有我睇住佢, 此時我看到老人家的釋懷. 知道auntie素來對我印象不錯才敢說這句話, 亦感謝auntie對我多年的信任.

雖然我難以保證往後大家還有幾多日子一齊, 不過我敢講我會讓他好好過.

買不到LV波鞋給他實在有點遺憾, 所以今年應該沒有禮物給他. 晚飯將會在跑馬地的French Cottage, 希望有驚喜吧.

回憶總是泰好玩(第四天)

已經到了第四日, 亦都是最後一天. 依然在落閘前食到早餐, alan因貪睡關係放棄早餐機會, 所以食完早餐後, 就是陪他出外食野. 最後一天去Siam Centre那邊行下, 先去siam centre的food court, 他又是食海南雞飯, 接著肥肥打算作最後衝刺揼多次骨, 我同alan就行街買衫 -- 最後肥肥失望而回, 因為揼骨要等, alan就買了兩件我覺得好麻麻的衫, anyway佢鍾意乜得囉.

兩點鐘又要食野, 肥肥提議去Siam Paragon, 去了四樓的大型高級連鎖餐廳. 見到意大利餐廳的甜品賣相超吸引.

奇怪這個food court只得小貓三兩隻...

環境幾好, 梳化舒服, 最好訓覺



我們每人點了一樣野食, 肥肥點了:

千層麵餐: 沙律ok, 個湯好差, 水冷冷...

千層麵唔夠熱+出水+味道唔得...好差.

我點了大蝦 + 唔知乜野: 兩隻大蝦只係大, 但overcook了, 很老. 中間的不知是甚麼, 好鞋口, 味道怪怪, 肥肥將之形容為雀粟...又係好差.

alan點最穩陣的三文魚意粉...但三文魚過熟, 意粉是白烚+白汁便算...差到相都廢事影. 仲要唔平, 三個人食左HK$400, 頭三日都冇失手, 係最尾呢餐臨尾香, 激氣, 環境幾好都係假, 最後連之前的意大利甜品都唔試...即走, 落去下面食榴槤雪糕好過.

接著就是返酒店拿行李去機場. 辦理好退稅之後, 見到機場居然有Mango Tree, 橫掂仲有時間剩, 用埋的銖食埋佢.

每一叫了一客湯麵, 我叫的是豬頸肉湯麵: 豬頸肉ok, 但個麵身好腍, 我最怕食爛麵..



炸蝦餅, 剛炸好的

芒果糯米飯.

最後用剩二三十銖零錢, 勁!

第四日完.

回憶總是泰好玩(第三天)

第三天趕得切於10:15食早餐, 環境不俗, 食物也勁多選擇, 不錯不錯.

食完趁天色不錯便去了四面佛, 肥肥是還神, 請了人跳舞唱歌謝佛. 我跟alan都是第一次正式拜四面佛, 拜完之後成身濕晒, 因為太熱太晒 (當時剛於中午時分). 喝完東西稍作休息後便是shopping的時間, 行ZEN, alan又買了camp精背心, 肥肥買了狗竇...

行完3點半是食野的時候了, 去了ZEN食日本菜:

地方寬敞, 梳化舒服, 至於食物呢....

點了3個set: 這是和牛壽司+三文魚卷...好得.

另一個set:天婦羅, 勁新鮮, 又係好野.

叫到成檯都係野食.

吉列豬排: 呢樣就差一點, 一來不夠嫩, 二來吃過北海道的吉列豬排後, 好難搵到更好食的...

3個set總共都只係HK$450, 雖不算超平, 但最緊要好食.

食完行了一陣big C, 5點左右又說要帶我同alan食沙爹串燒, 都未落格咁快又食野....


原來都係好出名架喎, 在本地天書推介, 但舖面勁舊勁殘. 另外留意alan個大腩...嘩

有選擇恐懼症的我, 一有menu看便會看好一陣子.


HK$10十串, 有豬/雞選擇, 雞比較腍身較為好食, 食完十串, 再encore!

椰漿多士 - 其實已經好飽, 但作為麵包精, 飽都想食!

幾滋味!

食到很飽, 他們還說要食前兩檔很出名的海南雞飯

密密斬, 密密切...

初頭還打算叫一客, 但最後都叫兩客, 並且掃清. 這個雞飯好味, 可媲美新加坡.

吃完終於停口, 返酒店抖抖先. 我同alan立心去揼邪骨, 在酒店附近, 的士唔駛跳錶. 入到去當時沒有其他客人揀客, 所以所有佳麗都望住我地兩個. 我揀的那個英文都可講幾句, 至少可以講一句完整句子. 談起來他原來只是做了5個月, 學了一個星期便要出來接客, 按摩手勢都不錯, 至少都幾夠力. 至於其他服務...well...

alan說他揀的那個只是做了兩個星期, 按摩完全冇力, 仲讀緊大學. 說來其實有點覺得被騙, 因為入去時說明按摩收500銖, 另外貼士最少500銖, 冇問題. 但最後卻要俾多500銖, 就是因為他出了火, 坦白講我都冇叫佢出...

返到酒店都9點幾, 肥肥提議去姐鵝, 去到已經是last order的時間, 我們第一件事就是問還有沒有蟹食...沒有的話必走.

環境都不錯.


黑胡椒炒蟹:超惹味, 蟹身比唐人街的更好食...一流! (HK$250)

飛天通菜: 根據天書介紹是他們逐條通菜撕開, 拿走菜葉只要莖, 超嫩!

超好味!

我們點了炒米粉, 誰知他們來了炒河, 不過都好食.

冬蔭功: 3個人剛剛好, 很濃但不會太辣

清蒸鱸魚: 素來對街外的蒸魚有點保留, 魚有泥味, 魚肉鞋口, 唔新鮮, 蒸過龍, 豉油唔好味常有發生. 但這條魚比六星級酒店飲宴的清蒸海斑好味N倍, 由魚身, 鮮味, 汁都是perfect...只是HK$90一整條, 超抵超好味.

食完飽到要行番酒店, 你話幾咁誇張...

第三日完.