2008大事回顧

其實2008年對於自己來說比較平穩, 不過自己週邊的人卻發生不少事情:

工作: 08年轉了新工作, 雖然都是sales, 但所負責的範疇及客戶都非常不同. 雖在大公司工作, 幸好所有人都好好, 出奇地沒有辦公室政治, 跟上司也蠻合得來. 對於2009年的工作我是充滿希望及感覺正面.

金錢: 從來不擅投資, 所以金融海嘯對我影響不大, 加上新工作有人工調整, 可算平穩, 還吃得起fine dining.

健康: 相當平穩, 總算健健康康, 只是膝蓋傷情有點反覆, 但最近情況略有改善, 終於下了決心報09年渣打馬拉松的challenge組別, 未來一個月要加練了. 體重增了4kg, 不過在跑步下已經有點成績. alan今年健康受到考驗, 開了刀, 小病永無復元之日, 再加上膽固醇過高. 果然不可小看中年危機. 二姐鼻水倒流情況嚴重了, 家母更最近驗了有高血壓, 要小心了.

朋友: 最大突破是今年寫blog認識了新朋友, 雖然大都依然素未謀面, 不過感覺很好. 其他朋友當然有更熟落亦有疏遠了, 當然這是無可避免的情況, 至少我尚算友善, 不會跟人交惡, 這幾年亦做得不錯.

感情: 過去一年沒有甚麼起伏, 畢竟這麼多年, 有甚麼矛盾都一早拗過了, 現在的考驗意見都是小事而已. 加上覺得自己給予對方的自由度再擴大了, 令大家這種半同居的生活取得更好的平衡.

閒情: 今年去了3次旅遊算頗多了, 終於去了極想去的希臘. 麻將是打少了, 時間也短了, 對我來說是好事, 至少weekend不再是麻將+訓覺.

謹祝所有人新一年身體健康, 順利如意.

2008十大心水華語歌曲

先寫華語歌曲, 因為今年覺得好聽的中文歌真的差不多兩隻手可以數晒, 所以比較容易寫:

第十位: 最後的三分十六 - 周柏豪
去年出道對此人毫無感覺, 今年覺得他形象討好, 唱歌雖然唔夠氣, 這隻歌亦不是大hit, 但總算我會一聽再聽.


第九位: 冷靜 - 鄧麗欣
鄧走音經過一年後, 唱功依然零進步, 監製卻偏偏繼續要她唱高音, chorus依然岌岌可危, 但歌曲質素不俗.


第八位: 浪漫世紀 - 胡杏兒
繼演技一而再, 再而三被人批評得體無完膚後, 胡杏兒向歌壇發展, 坦白講她錄音效果及唱LIVE都比鍾嘉欣好好多, 只要再下多一點苦功, 其實都好機. 呢首歌流暢唔悶, 高音都OK, 但個MV低成本到爆.


第七位: 還 - 鄭融
監製極想炮製另一首紅綠燈/東京百貨的K歌, 我覺得這首歌的水準是兩者之間.


第六位: 如果碰到你的臉 - 泳兒
典型泳兒歌曲, 一聽opening就會鍾意, (超)高音依然有點硬來, 但overall依然舒服好聽.


第五位: You Are My Best Friend - Hotcha
靚妹心事k歌, 無甚麼深度, 但簡簡單單, 聽完一次一定識得哼chorus.


第四位: 眼睛不能沒眼淚 - 古巨基
他終於回來了, 很久沒有聽他的好歌, 舒舒服服總好過死嗌假音.


第三位: 無心害你 - 關菊英
今年好歌怎可少了這首, 雖然講不出聲比較好, 但以歌詞來講, 這首寫得好好.


第二位: 囍帖街 - 謝安琪
今年大熱歌曲之一, 確實有機會問鼎金曲金獎.


第一位: 一事無成 - 鄭融+周柏豪
其實這首歌出了不久, 已覺得很有機會成為我今年最喜歡的中文歌, 果然. 個beat超hot, 周柏豪ok, 鄭融超班.


容祖兒,千嬅, 何韻詩, eason, 張敬軒, 克勤全部落選, 下次整番一兩首好聽歌吧, 否則本地樂壇真的只會越來越死.

Annual Dinner 扮相

似乎大家齋睇個妝都未必估得到我扮邊個...好, 依家開估:

著埋西裝估到未? 呢位同事扮Mr. Bean, 但好明顯行貨到爆.

呢張估到喇卦?
成晚都俾人用英文問我可唔可以同佢地影相囉...雖然冇獎, 但係大家都覺得幾似架, 不過有人話我似保鏢多d囉...

祝大家聖誕快樂, 玩得開心d...依家身在台北, 食野就成為左節日的慶祝節目..yeah!

Annual Dinner

昨晚是公司annual dinner, 鬼佬公司最鍾意攪攪震, 今年出席者都要扮野.

alan搵左個專業化妝師朋友上我office幫我化妝,睇睇相.

好認真架.

化左半粒鐘, 完成!

招牌笑容


齋睇個妝, 估唔估到我扮邊個呢?

吸血新世紀

首先我想講這套戲的中文譯名很差勁, 如果不是之前alan推介過, 我齋聽戲名應該唔會去睇.

其實未睇之前完全唔知套戲講乜野, 還在想拍得咁陰沉會唔會超悶. 答案係錯晒. 兩小時我完全沒有看錶, 故事流暢, 反駁位有但不算好過份, 全套戲最感動的是scripts寫得好好, 特別是:

男主角: You're my personal brand of heroin.

女主角: Death is peaceful, easy; life is harder

好有可能會是我2008最喜歡的電影, 正期待續集.

張惠妹star tour演唱會

終於等到喇! 是晚以極興奮心情去睇show, 沿途都發現在不少自己友捧場.

8:40pm正式開始, 以我不喜歡的"永遠的快樂"做opening, 但其實一早已經料到此安排. 一氣呵成唱了"發燒", "A級娛樂", "Yes Or No"快歌, 但小弟對她的快歌只是普通.

接著就是第一part慢歌, 一來便唱"記得", 不單是她唱到流淚, 我跟友人都極愛這首毒歌, 她唱第一句我已經鼻子一酸. 接著還有"真實", "你是愛我的"及"我要快樂", 又是另一個催淚彈, 我跟友人說阿妹真的很過份, 一來便殺我們一個措手不及.

第三part又是快歌, 只記得有bad boy, 有了新編曲, 但還是喜歡studio version.

然後便是慢歌medley, "剪愛", 意外她唱了"藍天"及"我無所謂", 接著又是另一催淚彈"我恨我愛你+別在傷口灑鹽", 如果不是medley的話就perfect了, 還有全首"如果你也聽說".

接著是rock歌環節, "不顧一切", 拿著結他唱"愛什麼稀罕", 特別為香港觀眾用廣東話唱半首"壞女孩", "頭髮亂了"唱到一半歌神接捧, 全場哄動(除了我), 然後唱"每天愛你多一些", 大家都好興奮, 唯獨我覺得這是廁所時間, 傾電話! 哈哈.

接著是萬人大合唱的"聽海", "人質", "原來你什麼都不要". 感謝她唱了人質.

唱完3首經典慢歌又到disco時間, 唱了"薇多利亞的秘密", "火"(她說是送給所有的同志), "夏天的浪花", "站在高崗上".

最後一part先以結他輕輕唱"我可以抱你嗎", "解脫", "給我感覺", "一想到你呀", "牽手", "姊妹", 到最後以"我要飛"及"三天三夜"完結, 唱足三小時, 超值!

有人在youtube上載大陸/台灣電視台報告是晚演唱會的情況.

中年危機

這陣子風流才子說自己有中年危機, 今日收到alan電話, 原來他都有中年危機 - 膽固醇偏高而要食藥控制.

坦白說我不太驚訝, 試想想:
1) 喜歡吃雞皮, 牛腩
2) 一次過可吃掉一整筒酥餅(應該有20塊左右)
3) 沒有住家菜
4) 這陣子沒有運動
5) 食煙
6) 喜歡吃濃味東西
7) 少吃生果

星期一至四我管不了, 是時候weekend吃得清淡健康一點, 當然他做我不做只會令他放棄, 所以唯有一齊改, 以後星期日飲茶可免則免, 麥記亦是, 要戒即食麵+餐肉腸仔...

但下星期就是台北喪食之旅, 看來計劃都要09年才可以開始實施.

還有兩天就是阿妹concert, 今晚打孖上:

我要快樂


Bad Boy

地球停轉日

著實有一點點後悔看了這套片, 或者可以這樣說, 被trailer騙了. 特技只屬ok, 相比下"明日之後"更加精彩. 故事簡單, 情節卻欠缺說服力, 在此不多說了. 奇洛李維斯十分配合角色 - 木木獨獨, 但他真的老了很多.

上年周杰倫作了這首"如果你也聽說"給阿妹, 第一次聽只是覺得普通, 聽多幾次味道才出來...好聽.

裁員日

上星期已經收到風今日是裁員日, 但對我自己而言卻不是太上心, 因為一來自己來自營業部, 被炒的機會相對較低, 二來就算真的被炒掉, 有一句好cheesy的說法 - Life Goes On.

因為公司有四層, 我們與HR不同層數, 他們做了甚麼我都不知道, 所以整個早上都相當平靜, 沒有發生特別事情一樣, 直至下午阿姐開會宣佈了多一點詳情. 總之我們部門安然無事, 但依然要我們提高警覺, 繼續做好本份..blah blah blah.

晚上跟同事談起分析了為何特別選擇今日為裁員日 - 因為今晚有大型marketing campaign, 正好分散傳媒對裁員的報導.

果然別有用心, 聰明.

是晚選擇阿妹其中一隻經典, 多數唱k都會唱呢首 - 哭不出來, 可惜的是她應該不會在演唱會唱這首歌, 相信她已經唱不到了.

Last Smile, First Tear

昨晚去看阿祖的Last Smile, First Tear. 其實當初沒有想過去看, 因為有薛凱琪, 我雖不至於討厭她, 但確實沒有甚麼好感 (基本上歌手唱得不好的話, 要我喜歡真的很難) alan最初也以為是輕鬆drama, 誰知是正正經經的劇情drama.

入場前見到鈴木仁 - 坦白講他英文都未講得好, 看廣東話drama幹麼?又沒有英/日語字幕, 莫以為他上鏡看似頗俊朗, 其實都只是ok..當然有靚妹見到佢立即打電話給朋友晒命, 說他超靚仔云云...

上半部很悶, 鮮有精警對白, 不斷看錶. 下半好一點, 感覺上流暢一點. Fiona演得ok, 唱live亦比我想像中好少少. 我不懂觀賞電影/舞台劇, 只懂說好看不好看, alan曾是舞台劇主角, 他很懂去反思整套劇, 只可惜未必有機會可親身看他踏台板.

故事經常說了just believe這兩個字, 就是說當你相信就會發生, 相信這句口頭禪會用好一陣子.

是晚再來阿妹的video: 人質 - 收錄在06年我要快樂專輯中.

可以聽埋楊宗緯參加星光大道的版本.

格林美提名解讀

第51屆格林美音樂大獎提名名單剛剛出爐, 得到最多8項提名的是rapper Lil' Wayne, rap素來不是小弟聽歌的類別, 所以沒有comment, 另外coldplay有7項提名 (意料之內), 較爆冷的是Ne-yo有6項.

先講大獎Record of the Year:
Chasing Pavements - Adele (聽過一次, 不是小弟那杯茶)
Viva La Vida - Coldplay (可以大膽講句, 贏硬)
Bleeding Love - Leona Lewis (被提名不意外, 不過贏面甚微)
Paper Planes - M.I.A (sorry我覺得好難聽, 唔識欣賞)
Please Read The Letter - Robert Plant & Alison Krauss (未聽過)

Album of the Year:
Viva La Vida Or Death And All His Friends - Coldplay (大熱門)
Tha Carter III - Lil Wayne (未聽過)
Year Of The Gentleman - Ne-Yo (提名已經當贏左)
Raising Sand - Robert Plant & Alison Krauss (未聽過)
In Rainbows - Radiohead (對上一次聽radiohead已經係97年的OK Computer

Best New Artist:
Adele - (bluegrass/jazz從來都是評判的favourite, 有機會贏)
Duffy - (有個人風格, 我buy)
Jonas Brothers - (只能說是靚妹的飛佛)
Lady Antebellum - (唔識)
Jazmine Sullivan - (黑馬, 贏面不大)

Best Female Pop Vocal Performance
Chasing Pavements - Adele (都係那句, 唔鍾意)
Love Song - Sara Bareilles (有提名當贏)
Mercy - Duffy (我幾睇好)
Bleeding Love - Leona Lewis (3項提名贏面最大係呢個, 不過應該都係輸)
I Kissed A Girl - Katy Perry (有提名當贏)
So What - Pink (應該唔夠duffy鬥)

Best Pop Vocal Album
Detours - Sheryl Crow (冇聽過, 但佢不嬲都係評審飛佛, 所以機會都大)
Rockferry - Duffy (有點冷門)
Long Road Out Of Eden - Eagles (都有機會)
Spirit - Leona Lewis (輸梗)
Covers - James Taylor (雖然未聽過, 不過總覺得機會不大)

Best Female R&B Vocal Performance
Me, Myself And I - Beyoncé (5年前的歌都可以入圍, 咩道理???)
Heaven Sent - Keyshia Cole (喜歡Keyshia, 但贏面低)
Spotlight - Jennifer Hudson (其實歌/唱都很普通)
Superwoman - Alicia Keys (如果隻歌hit我就會貼佢)
Need U Bad - Jazmine Sullivan (都係普普通通)

意外落選名單:
Mariah Carey一個提名都冇! 連Best Female R&B Vocal Performance都冇!
Rihanna的take a bow零提名
Alicia Keys沒有大碟提名

今晚回家途中繼續聽阿妹, 聽到ogake剛提過的"記得", 一唱chorus已經毛管棟.

新碟

這陣子中外樂壇不少歌手都推出了新專輯, 外國先有:

Britney Spears: 新碟回歸bubble pop, 本身聲線麻麻既佢依家更差, 至於歌曲方面, 除了womanizer有點氣勢, 其他十萬個普通...失望.

Beyonce: 這次慢歌比快歌好聽好多.

David Archuleta: Jordin Sparks的男版, 首首都差不多, 所以聽一首已夠矣, David仔還是AI時比較討好.

David Cook: 又是大部份都差不多, 首支單曲light on是我favourite, 但alan嫌棄話超老套.

Enya: 依然一貫new age路線, 當然我從來沒有奢望她改變, 但這張歌曲水準有點不濟.

Taylor Swift: 還是喜歡Carrie Underwood多一點.

Dido: 太平淡了, 銷量不好一點都不驚訝.

本地則有stephy - 未得閒聽, 但中華冷麵大大降低我聽全隻碟的意欲.

衛蘭: 由07尾的無所謂到如水到雜技到陰天假期, 一整年都有歌, 都全部都是過耳則忘, 新碟聽到第五隻已放棄, 終於接受不了強擠的高音...

除了beyonce較為可聽之外, 其他全部都不成. 最後都是決定聽阿妹的舊歌, 當是看她演唱會前做點熱身.
希望她當晚會完完整整唱 - 我恨我愛你

認了吧

都是衣服惹的禍.

上星期四去看kylie, concert內容倒不說了, 加上位置只是$680, 影的相一定不及其他買$1280 or above的朋友仔, 況且很多blogmate都有記載這件盛事, 所以不多說了。

但這件盛事就有一個follow up story. 話說早兩日忽發奇想既然去呢個party, 著誇少少都沒大相干, 所以當日除了返工的裇衫西褲外, 還加了件shocking pink sweater, 就是因為呢件螢光粉紅令女同事J君在離開搭地鐵時認了我拍了我膊頭一下, say hi後我跟alan繼續行.

到第二天, J君在messenger有以下對答:
J: 你琴晚好搶眼喎
我: 係呀, 都好似誇左少少..
J: 你都幾開放喎, 平時公司你都好正經架喎, 睇唔出呀...
我: 係呀, 我今日咪著番boring brown囉.
J: 你好鍾意kylie架?
我: ok啦, 咁一生人都應該睇一次既
J: 我鍾意madonna多D.
我: 我就ok囉
J: 咁林憶蓮呢? 我識到好多仔仔都好鍾意佢架
我: 我都係ok囉 (擺明試探我)
J: 咁關淑怡呢? (頂.....)
我: 都ok架
J: 你個friend好高呀
我: 係呀, 都成六呎五左右
J: 都同你好襯呀
我: .................
J: 我都同我gf去 (拋磚引玉)

就這樣我們就由messenger轉為出街食lunch繼續傾. 既然佢都大膽先公開佢身份, 我都同佢講左我同alan的事, 之後佢又講起佢同班仔仔去星加坡睇sandy演唱會, 一齊去volume...

之前真的沒有想過會跟一位les的同事公開私人事, 希望我不會後悔.

超低能勁攪笑

我竟然上了報紙, 做了代言人都唔知...

似俾狗仔隊影

我個MV...貓都睇到定晒神.

碧咸嫂都拎住我張相.

連大銀幕都見到我, 不過咁少人睇...

做埋服裝代言人, 但係...張相冇著衫喎...

billboard都有, 無處不在.

alan都做到vogue的cover boy.

多謝alan提供超無聊但勁好笑的照片.

回憶總是豪杜拜

其實之前從來都沒有去杜拜旅遊的想法, 因為一來對阿拉伯國家印象麻麻, 二來杜拜只是旅遊新興的國家, 除了帆船酒店外, 其餘的印象是零, 總覺得杜拜是給那些去到無其他地方可去的人來玩. 今次旅程本來是想安排9月14日離開希臘, 15日晚上抵港, 不過14日離開希臘的班機已經爆滿, 所以只可選13日離開希臘, 於是便有兩晚一日的空檔.

去到杜拜機場已經是晚上11時, 乘的士10分鐘便到所下塌的酒店, 由於酒店附近甚麼都沒有, 加上杜拜亦沒有甚麼夜生活, 所以check-in後就在房hea.

第二天一早出發, 先在酒店外影張相.

今早先到附近的Wafi shopping mall, 外牆是以埃及為主題. 入面先有阿拉丁神燈.

雖然已經10時多, 但是商場內絕大部份的店舖還是關門大吉, alan見到呢張梳化幾靚就影低.

商場頂的設計一絲不苟, 有錢國家果然與別不同.

在這個商場想找一家地方食早/午餐竟然十分困難, 因為居然起碼12時才開門做生意, 等到12點實餓死, 所以便乘的士去帆船酒店附近的另一個商場.

商場戶外的地方可看到帆船酒店.


蠻有特色的帳篷.

熱得要命, 應該都有35度.

商場內的頂, 一樣頗有特色.

選了一間中菜館, 點到整檯都是食物:

燒鴨雲吞麵: 燒鴨過老, 雲吞no good, 麵底唔掂.

黑椒牛肉: 味道都ok

蠔油西蘭花: 如果呢樣都難食, 可以執笠.

食相.

呢餐飯都要港幣$250, 幾貴.食完本來想去帆船酒店外拍張近距離照, 不過最後因為太熱所以都取消此念頭, 臨離開前又見到帆船酒店, 再影多張相.

我們託酒店報了下午的沙漠之旅, 所以回酒店集合. 的士回程時經過這幢"曾經將會"是全世界最高的大廈, 但是未完成已經有另一個杜拜財團說會起200層的大廈. 200層? 痴線....

酒店同事叫我們下午3時回酒店等車, 不過等了好一陣子還未到, 同事叫我們上房等. 點知等...等...等...等...等到下午4:40車先到, 離晒譜. 這架就是沙漠車, 上到車見到仲有幾個由印度來的遊客.

經過半小時左右的車程先停車要幫車胎漏氣, 然後才正式進入沙漠地帶, 一開始便不斷上下左右顛簸+急轉彎, 轉左一陣我已經勁想嘔, 開始冒冷汗, alan見到我面青青都嚇一跳, 幸好最後都頂得住沒有在眾人面前失禮. 坐在我前面的其中一位印度嬸嬸, 她比我更糟, 看到她呆了一陣.

然後司機讓我們下車欣賞風景+影相.

當地時間17:30.

17:39, 天色已經變了.

17:48, 變黃了.


一望無際的沙漠, 之前真的從來沒有想過會去沙漠, 如果不幸在這裡被撇甩, 我想不知要找多久才成功離開.

逗留10分鐘後, 司機叫我們返上車繼續頭暈之旅. 幾分鐘後他停在我們晚膳的地方.

這個沙漠之旅包括騎駱駝, 兩隻騎駝綁在一前一後的位置. 不要以為駱駝是友善的動物, 就算這兩隻估計是久經訓練, 但脾氣頗臭檔, 看這位嬸嬸想上駝時咆哮了一陣子, 嚇得她半死.

到我們上駝時反而牠沒有甚麼, 只是靜靜地兜了兩個小圈便屈膝完成任務. 現在想起牠要背負著兩個共350磅重量的人的確有點難為了牠.

這個空地就是我們晚膳的地方, 果然很有中東色彩, 吃的是BBQ - 燒牛燒雞燒羊, 味道還不錯.

就是這樣席地而坐.

除了食飯的攤檔外, 當然也有手信工藝品, 亦有就henna的檔子, 其實就是假紋身, alan先做.

你們猜這位姐姐幫alan畫甚麼?

alan是天蠍座, 所以他選了天蠍, 但個身那有這麼肥大?

完事, 姿勢似賣手錶/介指廣告.

然後到我, 本來想畫獅子, 不過這位姐姐說只有蠍子, 蛇及龍, alan個名有個龍字, 所以就畫龍.

其實都不知她用的畫料是甚麼東西, 但畫的時候有點點熱力.

完成.

姐姐說要至少等兩個小時後才可洗, 乾了後就好像硬了的泥, alan清洗後的情況就是這樣子.

我的皮膚卻不太上色, 洗完後顏色頗為淡, 兩三日後已經由龍變"矇龍", alan的卻維持了個多星期才開始甩手甩腳.

臨走前還有吸水煙, 其實的是吸有味道的氣, 我們吸的是雲呢拿味. 其實這個水煙設施頗為不衛生, 沒有甚麼濾咀, 我吸完就到你吸, 你吸完便給第三者吸...well...

我吸的時候個樣超衰. 我知道香港有吸水煙的地方, 但我真的想不通有甚麼特別? 是給那些不吸香煙的人過過口癮.


是晚正是中秋節, 很多人說外國的月亮特別圓, 你認為呢?

這個月圓正代表我們整個旅程的終結, 亦是這個遊記的最後一篇, 終於圓滿完成, 沒有爛尾!