08竹戰第七回

當撇甩呢位鬼佬後, 坐車入元朗, 因為約了譚生作一季一次的聚會 -- 打牌. 我們以前只會去PP+works+Rainbow+Lab跳舞飲酒, 依家當我們大部份都已經settle down後已經唔再出去泡 (去旅行時除外), 友情就靠麻將檯維繫, 他們對台灣牌無多大熱衷, 所以依然是打廣東.

第一鋪就輸十三么俾Thomas, oh my god! 然後就跟自己說要好好發奮, 果然其後運氣不俗, 收復失地兼贏突, 直至四圈完結之前的最後一鋪, 竟然又輸十三么, 真係咁大個仔未試過一晚輸兩鋪十三么, 不過最後都有錢贏. 不過我們打的是超衛生麻將, 所以贏的只夠搭車加茶餐廳晚餐.

另一邊廂, alan見我有牌局, 他也約了肥肥+水小姐+老鼠到銅鑼灣開局, 不過他...運氣奇差, 只是打了16圈便輸了差不多兩千元...真係好耐都冇試過輸得咁金. 至於大贏家是水小姐...世界變了!

健身奇緣

小弟去cali做gym從來都是自己一個, 亦都我有我跑步+聽歌, 完全沉醉在自己的世界裡, 做完gym亦會先來一個桑拿+蒸氣才去沖涼, 在蒸氣房見到member釣魚實屬正常, 見到一名4x歲的老外, 我亦沒有再留意他...然後不久我去了沖涼換衫離開, 我看到他在望著我, 我亦沒有理會繼續離開.

離開時正下雨所以開了傘子, 就在街上走了不夠五步, 我便意會到有人跟我說話:

老外: xxxxxxxxxxxxxxxxxxxxxxxxxxx umbrella.
我: what?
老外: You're so sensible that you've brought an umbrella.
我: oh yeah it's been raining all day long.
老外: Do you know which other California fitness centres have sauna?
我: TST
老外: oh are they bigger and better (??)?
我: oh pretty much the same
老外: Do they have massage service?
我: no, not at all
老外: I thought I can receive a massage from a nice guy like you...
我: .............
老外: Do you know any special saunas in HK?
我: Sorry I don't know.

剛巧走到7仔, 要入去買野飲
我: I've gotta get a drink
老外: oh where do you wanna have? can I buy you?
我: just here, and no thanks.

點知老外照跟入黎, 我只拿了利賓納便走到cashier俾錢, 便沒有回頭亦沒有講再見就走了, 當時心諗老外你咪再跟埋黎...可能佢受到我既冷淡對待就冇繼續.

聽朋友說在gym被人撩的次數多的是, 發生在自己身上倒是第一次. 可惜不是帥哥....

週年晚宴

是晚是公司的週年晚宴, 上屆因家有喪事所以沒有參加, 今次是第一次了 (亦不知是否唯一的一次). 路透社算是大公司, 所以週年晚宴一點都不馬虎, 每年都有一個主題, 今年的主題卻是叫人沉悶的Oscar Night. 懂打扮的女同事們當然不會放過此機會好好dress up一番, 男同事有的做煲呔佬, 有的只是平常的老西, 更有的不堪是十分求其, 早知就不會花費兩千蚊添置新裝, 不過我相信總有機會再著的.

今年他們請了陳山蔥及一名不知名的小姐做司儀, 更讓陳山蔥在電視無法再表現歌藝的情況下順道作為表演嘉賓...oh my god! 唱了小城大事+赤地轉機, 雖並非難聽但相信路透有人唱得比他好.

到了抽獎時間, 小弟一向沒有抽獎命卻抽到第11獎 - iPad一部. 小弟已有blackberry跟身, iPad顯得一點用途都沒有, 有同事說大概$2xxx, 睇怕諗下有咩渠道賣鬼左佢算數.

型, 英, 帥, 靚, 正....係咪想死

08竹戰第六回

其實今天晚上並沒有打牌的打算.

話說上星期五跟業sir茶聚時他才跟我提起原來年初一是阿嬸的生日, 我們跟阿嬸只是麻雀腳的關係, 生日日期當然唔知, 但跟他要好的業sir竟然忘記了, 更甚的是跟他識了十年的肥肥都唔知, 過份! 所以就用alan贏錢之名, 約了有關麻雀腳吃晚飯, 地點是無甚驚喜的泉章居, 點甚麼菜就不談了, 因為來來去去都是那些所謂馳名菜式...

差不多吃完之際, alan竟然提出如果食完飯可以打番八圈就very good了, 身體抱恙的肥肥舉手贊成, 只剩業sir要先向朋友問准, 結果他的朋友批准, 但也跟上來...去了E-house聚賢會玩電動麻雀機. 嘩, 真係快好多好多.

小弟因明天要準時上班, 所以十二點半就走了, 只是打了一圈而已. 他們3點才離開, 業sir又做大贏家($800)..阿嬸又做大輸家 ($500)...我們就輸了$1xx, 唉...呢次真係今年最後一次同阿嬸了, 佢都應該輸到怕了.

unexpected關淑怡演唱會

早一兩個月才聽譚生講關淑怡今年四月開演唱會 - 我仍然本著半信半疑的心態去等待, 因為這位媽媽的心情像她後期的唱腔一樣 - 飄呀飄. 只係簽了新唱片公司咁耐直至最近才出了新歌便知一二. 小弟未有機會聽過, 但聽譚生說一如以往的唱腔, 未聽已經失去興奮...

說回演唱會, 呢張海報真的有點不敢恭維, 好聽便是有型格, 難聽就是醜樣. 唯一令我注意的是"unexpected"這個字, 究竟有甚麼令人意想不到呢?

有以下猜測:

1. 零預備 (哈哈)

2. 整晚都是一邊看歌譜, 一邊坐在高倚唱 (咁似佢當年個拉闊既?)

3. 只唱別人的歌, 連"難得有情人"都唔唱

4. 只唱滄海遺珠 (學足憶蓮)

5. 克服唔識講野的障礙, 玩棟篤唱!

6. 整晚都用迷幻飄移唱腔, 難得有情人之難得迷幻版

7. 帶埋個仔上台

8. 邊唱邊食煙同飲咖啡 (以為自己去左excelsior)

9. 唱20幾年前在日本發展時的日文歌

諗起都覺得好笑. 到時又是另一個member的聚會...see ya!

魔法奇緣

先不說故事內容了, 因為不是現實片, 所以亦不應用現實的心態去評價, 不錯是輕輕鬆鬆, 但亦不算很好笑. 女主角真的很老, 一點都不美; James Marsden是繼"戀愛大爆髮"及"27宜嫁"的最新力作, 但今次依然不是中心主角.

片中經常提及的true love's kiss - 我們一生獻吻的機會可能多的是, 但我們可得到這個真愛之吻呢?

alan其後問到如果我是公主, 我會選擇跟王子走, 還是留在現實世界跟真正的愛人? 我不假思索便答了跟王子走, 因為童話世界是沒有不開心...多幸福!

Ingredients

昨晚已經叫了alan今晚的晚飯他負責, 訂了灣仔永豐街的Ingredients - 他早兩個星期去過這裡參加中學同學的生日派對, 於是想帶我來試試.

星期五晚上但仍然很靜, 全晚都不超過5檯客. 端來的麵包並不熱但味道算不俗. 前菜alan點了帶子+阿拉斯加蟹柳, 真的很高很高水準, 不怪得要$2xx. 我則點了蟹肉沙律, 一樣冇得彈. alan點了龍蝦湯, 他說比昨天cafe landmark的好飲好多, 至少沒有那麼多豆粉, 更有兩隻大帶子, 很鮮很彈.

主菜alan幫我點了他上次吃的煙肉羊肉卷, 不錯, 只是略嫌煙肉味有點搶了羊膻味. 他自己就點了部長介紹的鵝肝牛柳亦十分不錯.

連甜品也吃不下了.

盛惠 $1380.

多謝alan so.