剛剛的星期六日趁著很久沒有蒲頭的太陽終於出現, 急不及待要為自己雪白的皮膚上色. 地點一如以往都是中灣, 依舊的中灣, 依舊的member, alan依舊的幾乎裸曬 (自問勇氣還是欠了點). 雖然已經不斷為自己加(太陽)油, 但當天的太陽實在太厲害, 或者是因為太耐冇曬唔習慣, 後半時間已經開始面部有點灼痛...回到家裡照照鏡, 嘩, 變了燒豬, 唯有用一些治標不治本的方法如將毛巾放在冰箱敷面, 感覺是舒服一點, 但畢竟應該逃避不了甩皮的命運.
回家後, alan才發現我前面及背面曬得唔均勻, 結論就係星期日要去補曬. 佢要同屋企人去澳門, 所以唯有自己去. 邪門的事情就發生了 - 竟然俾我撞到alan個ex - T先生. 這位T先生在01年跟alan分手去了英國讀書, 我都只是從相片知道他是甚麼樣子. 早三個月前有一次在上環已經見過他, 當時跟alan說他都半信半疑, 其後從其他朋友口中得知他真的回來, 還住在上環, 返工亦跟alan一樣在中環, 幾邪! 講番在中灣見到T先生, 很奇怪, 兩次他都特意望一望我, 其實是互超, 莫非佢知我係邊個??
邪還邪, alan咁耐都未見番佢, 反而我就見左兩次, 莫非佢地真係緣份已盡?
skip to main |
skip to sidebar
6 comments:
alan都算「時運高」﹗
9年來我都只係撞過自己ex 一大次。撞到果陣大家都已有另一半咯 ﹐互不關連又一生。反而我同自己個ex o既 ex (即接我手o既下一任)﹐咁多年來仲有偈傾。因為問題唔係發生o係我o地身上嘛﹐哈﹗
T同佢o既 ex 仲係好好o既朋友﹐仲有聯絡仲有食飯。我好放心。:o)
佢都話佢自己時運高!
其實我都唔介意佢地聯絡番, 就算飯局亦都不需我在場. 如果真係三兩下手勢就俾人撬番走, 相信我同佢之間真係好極有限.
我都曾經多次同alan戲言, 如果佢搵到個比我更好的, 請隨便飛我, 起碼我都心服口服嘛. =P
好有信心喎！
中灣好難去，未去過！
naruto: 梗係有信心啦, 話晒alan都已經四張野, 要重新找個新伴侶唔係咁易喇.
中灣好易去之嘛 - 淺水灣打的, 唔使跳錶.
唉﹐而家四張即係舊時三張。家母天真到以為劉華只有四十一﹐我話佢都快四張尾啦。唔好小覷四張男今時今日o既吸引力。
我都好相信﹐好多人都好過我多多﹐不過每一次俾人煞有介事咁話都係你最好﹐姑勿論同事實差距有幾大﹐我都照單全收o架。講o的o岩聽o既﹐又唔駛錢。
你想飛請你飛呢o的話﹐都係留番俾《決心》。:o)
四張男冇錯係有佢既吸引力, alan從外表看亦不似四張野, 不過年紀越大, 找伴侶既cost都一樣越大, 所以對於佢黎講, 除非我"非飛不可", 否則計落唔化算.
要飛我的話"讓我輸得起不要對不起" =)
Post a Comment