生日飯局之Caprice

之前跟alan多次就今晚的飯局鬧意見, 原因就是Caprice實在太貴了, 不是說食唔食得起, 但總覺得未免是超越了我心中的意願, 之前他弄傷腰骨已經破財, 但他堅持, 說又不是日日食到咁豪, ok...所以沒有再堅持了.

Caprice座落六星級酒店四季酒店, alan還一早訂了window seat, 可以一邊食一邊看到維港夜景, 詳情睇相啦.

alan一早預訂了兩個tasting menu, 我們吃的東西是一樣的, 你看到那些中文字嗎?

環境一流, 比北京道一號的Aqua好千倍.

勁grand的水晶燈

壽星公

alan, 我影得他比真人靚仔...哈哈

開餐喇, 個waiter講了一堆中+英文, 但都不知道是甚麼, 亦吃不出來, 總之是鹹鹹地.

香脆芝士條, 超好味.

正式第一道菜: 鱸魚薄片伴海鮮粒配香檳慕絲
香檳慕絲勁好味道, 薄片就ok.

牛油酥, 非常出色.

第二道菜: 法國鴨肝凍批伴蜜梨雞肉卷
鴨肝素來都是賣飛佛, 雖不是煎肝, 但伴著肉卷一同吃, 感覺超得.

alan正跟肥肥討論如果第二天打八號波的雀局安排, 一有牌打alan就笑逐顏開.

第三道菜: 法國白豆蓉伴黃菌海膽汁
豆蓉及海膽都不是我最喜歡的食物, 所以對我來說只算ok, alan就對海膽讚不絕口, 所以就將我的海膽俾埋佢.

第四道菜: 香煎紅衫魚柳伴洋薊沙律, 西班牙甘腿配白酒汁
紅衫魚令我們想起阿媽弄的, 當然大廚煎得很香但不乾身, 味道好好. 甘腿粒就像金華火腿/酒店早餐會吃到的炸煙肉.

第五道菜: 法式青豆凍湯伴水牛芝士配豬腩肉
again, 凍湯非一段中國人能夠接受, 再加上有很濃的薄荷味, 像喝濃味的薄荷汁, 下面乾冰所營造的煙霧實屬gimmick, 但sorry, 不喜歡.

第六道菜: 主菜就是法國乳鴿伴茴香薯球配香橙甘草汁
就是這一道菜讓alan對乳鴿有很大的改觀, perfect!

第七道菜: 特選法國芝士, 對芝士沒有太大研究, 故讓經理選了四款給我們.

硬的芝士很易入口, 但creamy的那兩款都很"蘇", "蘇"過alan so...

此是凍的甜品, 味道已經記不起了, 只記得底部是米造的布甸, 都幾ok.

當然總會有一些驚喜: 小型生日蛋糕, 是拿破侖!

賣相非常吸引

許願一刻, 當然跟alan有關啦

味道如何呢, 餅底略嫌過火, 有點燶, 紅莓不太配, 士多啤梨會較好.

alan點了藍山咖啡, 讚不絕口.

附設的小甜點, 包括拖肥+朱古力+唔知係咩野.

我點的當然是永無新意的凍檸茶, 唯一特別的是個杯, 但因為上闊下窄的關係, "duk"檸檬時幾乎因為不受力而倒瀉.

埋單幾多錢呢? $1,200一位, 加一後共$2640, 值得一讚的是開了幾支水但不另收費, 不像某些西餐廳閒閒地收$100一支, 加上拿破侖都沒有另外收費, 真的有點估不到.

後記: 此晚見到三位知名人士, 包括孫明揚與一班人一同晚膳, 余安安與男士, 離開時alan就見到王馨平.

最後當然要多謝alan!