還以為alan的手術日我可以清閒一點, 原來是更忙. 趁見客前空檔去幫他穿手術袍+拍照留念. 見完客回到銅鑼灣已近午飯時間, 12點多還打給我說手術要delay少少, 1點去到房已經唔見左佢. 接著便到agnes b.花店打算訂Casablanca, 點知冇貨, 幸好有多一間後備都是在公司附近, $800成交, 最後午餐只是急忙買了一個勁難吃的豬排飽回公司食.
未夠六點已經標出去拿花, 嘩, 超大束. 去到病房, 佢已經醒番, 只是麻醉藥還未過氣, 顯得有點迷迷糊糊+想作嘔. 他大佬+大嫂已一早到了, 他們亦很識趣, 說要下去等他家母過來, 讓alan跟我有獨對的時間, 他見到我第一件事就要我開抽屜拿出他寫給我的信, 都幾感動.
最後我陪他到9點才離開, 可能因為現在總算舒了一口氣的原因, 整個人累得不得了.
最後要多謝所有問候alan的人, 特別是wordy今晚的SMS.
alan的手術前後實況遲些再給大家看.
11 comments:
好事一椿,2個人在一起,就是要這樣.
祝早日康復.
手術順利，大家都鬆了一口氣 ^_^
你們這一節教我感慨良多呢
希望ALAN早日康復~!
有無患難見真情的感覺?
祝Alan早日康復,但佢之後的生活要靠你照顧啦~
brian: 多謝關心. 喂你仲未講你上星期在邊度見到我喎.
wordy: 感謝你替我們緊張. 有甚麼感慨呢?
阿寶: 多謝晒, 但如果佢見到你個鬼樣應該會哮喘病發作...哈哈.
ogake: 哈哈, 咁要唱埋首歌先得, 佢話依家先發覺原來我係咁重要囉 (都唔知好嬲定好笑). 佢做左手術會好得番既..咪講到佢殘廢先得架..哈哈,
Lee 集又幾好睇，anyway , 祝大家身体健康 ，龍馬精神！
artman,
你呢個角色我做過好多次，但冇一次係跟對手同場。有好多次，更加係連傷口都埋左我先知道（雖然每次出左事，都會有 d 奇怪感應）。
比較實在係第一次，個對手去左外地開刀，兩個星期開左兩次腦，仲要兩次都要隔日先知道結果
雖然和你倆不相識，但見你們互助互愛；令我這結了繭的心都這有些濕潤。
不禁問我是否太早判定它已死了；原來它尚在人間。多謝、祝一切好。
broken_black: 原來呢度變左處境電視劇, 呢套劇應該有排做, 但我諗大部份都唔太好睇...
wordy: 呢種心急如焚/心亂如麻的感受絕對可以理解.
無名氏: 它真的尚在人間, 祝你早日找到它.
am happy zll things went well. now alan just needs some time to recover slowly and steadily.... each day will better than yesterday :o)
best actor: Thanks, it's a long way to recover and I just hope Alan can take good care of himself (you know I can't be with him 24/7)
Post a Comment