關淑怡由上年4月開完演唱會後一直說會出個人大碟, 等到珠光寶氣, "鑽禧"播足3個月都沒有食住個勢出碟, 然後又聽到消息說年尾, 結果又落空, 等到足足一年後的4月出了新曲"地盡頭", 講到明5月尾面世, 都不知是關淑怡還是唱片公司扭擰, 在yesasia終於出了大碟封面, 寫了6月15日出, 但誰知又再遲了一天, 直到今日收到HMV職員打來說有得賣了.
先看看之前yesasia怎樣介紹:
繼1995年 "EX All Time Favourites"專輯後，
關淑怡14年來首張全新個人廣東大碟 “Shirley's era”
收錄超型格主打 [地盡頭]，[天規] ，[山水]
及TVB人氣劇集 "同事三分親" 及"珠光寶氣" 主題曲 [只得一次]，[鑽禧]
特別推薦K場大熱，首次與古巨基合唱 [男左女右]
首批由布料印製封面及包裝以超豪華精裝版CD+DVD全球限量發行2,000套
每套均印有獨立編碼，極具收藏價值，樂迷不容錯過!!
我想highlight的是"14年來首張全新個人廣東大碟", 全碟12首歌, 絕對是大碟, 不過看看tracklist:
01. 天規
02. 地盡頭
03. 男左女右(古巨基/關淑怡) <- 翻炒
04. 山水
05. 只得一次 <- 翻炒
06. 28日
07. 鑽禧
08. 三千年前(李香琴/關淑怡) <- 翻炒
09. 眾生花 <- 翻炒
10. 山水 (Remix) <- 取巧
11. 天規 (Remix) <- 取巧
12. 花鳥 (山水 國語版) <- 取巧
就這樣七除八扣後, 就算包括了"男左女右", 新歌都只有6首, 即是得一半, 所以嚴格上只是EP, 雖然我們應該重質不重量, 但攪到一年多就只有這些, 未免令眾fans們太失望吧.
這隻碟只有graphic, 沒有關小姐真身, 之前不是有報導過她影唱片封套嗎? 可能是關小姐不滿意...
全球限量2000張的特別版, 每一張都有獨有號碼, 我的是"1998", 但坦白說我不覺有甚麼value.
不過縱使未如人意, 我們還是會乖乖支持買碟, 失望得來又有點喜悅.
之前SK已經說過這會是與唱片公司最後的一次合作, 雖然她說一定會再開演唱會及再出新歌, 那就希望不用又等另一個14年吧, 到時我都45, 她連更年期都過了.
17 comments:
SK一向都估你唔到, 可能第二版送珠光寶氣DVD, 不過要等一年都未定...
小弟間唔中有拜訪,呢次初次留言,先向兄台問個好！
關小姐冇唔滿意封面照，現在的封套是老細設計的。其實都幾靚，比起鄭鍾胡等小花嗰啲都好唔同。
除咗爭咗啲新鮮感外，歌嘅質素一流喎。關小姐不嬲走偏鋒，家下咁嘅時勢，出到有如此質素嘅碟，算係還得神落架喇！
１９９８對我好有意義喎，可唔可以用我張１６４５同兄台換呀！
朱朋: 嘩, 珠光寶氣DVD咁闊綽?
Leo: 多謝光臨, 得閒多點來.
咁我都唔否則個cover art做得唔錯, 至少不像老翻封面.
歌係好, 不過加多兩首新歌都不為過卦.
真的, 你鍾意1998的話, 我絕對唔介意換俾你, add我msn啦.
正面Ｄ睇，首首都plug過，上哂榜
ps:賣幾銀？呢牌買乜都計住
我在CWB買$109. 唔平架. 可以遲D先買, 我又唔信會賣晒喎.
你轉作.mp3給佢咪ok野~~~
我都係中意蓮姊.唔知佢幾時開演唱會呢?
樓上：
你入伙請我暖屋，我送碟俾你吖！哈哈！
嗰CD Jacket真係做得唔錯, 夠guts....... 又decent........唔用相已經要讚.........用刺繡做佢個樣出嚟夠心思........加上佢嗰樣又受得起...... 呢啲咪charater囉........無乜資歷既姐仔學唔嚟㗎啦..........今時今日仲對自己咁有要求.......你仲想點.........老馬有火,抵讚!!!!!!
嘩樓上勁識貨呀!
Leo: 好高興認識你, 有時間visit吓
www.alansodairy,blogspot.com
haha i missed the sale!
as seen from the song list, all r plugged and with good quality, it must be one of the best canton album these yrs! so Shirley's era!
我買隻係 0504 , $110 @ apm, 但有人買到隻係number係2xxxx的~ 咁點樣限量2000隻呀?
藝人兄：
我跟關小姐用蘋果機，用咗個叫Adium嘅兼容MSN軟件試咗add你，唔知你個list有冇加到我呢？
倫兄：
幸何如之！
餓加騎：
似乎係限量３０００隻至啱。
黑柴: 奈何真正懂得欣賞的人不多...
ogake: 5位定4位數字呢? 我又未見過有5位數字喎.
Leo: 好似唔覺喎...我weekday大部份時間都online, 如果你唔見我online的話, 即係未add到你.
俾多左個"x",係4位先岩呀~
藝人兄：
咁不如勞煩兄台add小弟吖：
llee59@hotmail.com
Leo: 已經加了你了..聽下得唔得啦.
Post a Comment