騙人.被騙

大家會否覺得每日都生活在謊言當中? 你每日遇到的人, 他們跟你談的話中, 究竟是真是假?

以我為例, 我可以坦白的說一句, 我覺得我是個"大話精", 特別在工作上, 欺騙的說話可以說是層出不窮.
A) "很久沒有見你了, 你靚了很多呀" (其實你跟上次沒甚兩樣)
B) "終於有機會跟你見面了, 之前聽到你把聲就知你是靚女了" (你令我想起曾路得/盧業媚)
C) "我依家給你的價已經是底線了" (其實還有20%餘地)
D) "快點confirm吧, 有另一個客都想在這段時間跟你買同一個位置" (有鬼...)
E) "你的廣告表現已經是同行中最好的了" (其實是差到爆)
F) "你這個要求我要向老板攞approval的" (我就是老板!)
G) "真的多謝你, 終於有機會跟你合作了" (俾得0個幾千蚊, 我真係唔恨)
H) 跟後勤同事說"唔好意思, 又要麻煩你這樣幫手" (你收了人工就要做啦)
I) "如果你可以處理好, 我真的感激不盡了" (你試下攪唔掂, 我實同你老板講)

謊話, 公事上很多, 家人亦有, 就算是身邊的另一半亦有, 剛剛就被踢爆了 =P

當然騙得人多, 亦有被人騙的時候, 例如昨日雀友甲打來說想安排雀局, 接著下午便收到短訊要取消因約不到. 傍晚打給他, 他用一把正在睡覺中的聲音應了兩聲喂便掛了我線. 我feel到這是騙人技倆, 我猜想他應該已另起爐灶, 但不好意思跟我說...

anyway, 無所謂啦, 我早看透了, 我亦懂得自我過濾.