這個演唱會呢...
1) 演唱會跟One Starry Night是完全無關係.
2) 全晚入座率得7成.
3) 之前還跟友人賭幾點開show, 結果是20:39開show, 比想像的早.
4) 第一節全部都是翻唱作品, 以幻影做opening, 情人, (又唱)明知故犯, 這是愛, 失樂園, 藍月亮, 夢伴. 感覺上她當日第一次唱歌一樣 - 無聲, 樂隊掩蓋了人聲.
5) 第二節就是跳舞作品, teaser如無記錯應該是翻炒了unexpected. 唱了天規, 叛逆漢子(又忘記歌詞), dela, 夜迷宮, 午夜狂奔, 關於我, 山水. 跟俄羅斯dancer略有交流, 其他dancer做沒有, 估計未必rehearsal過. 觀眾氣氛比較冷淡, 至少中間頭十幾行都沒有人站起來.
6) 第三節就是首本名曲時間, 舞台升起唱了地盡頭. 她好像找到了感覺, 人+聲都熱身了, 唱得好好. 唱完地盡頭由將她從舞台下降消失於我們眼前. 不是唱完吧?? 及後又再升起唱忘記他, 假的戀愛, 一首獨唱的歌, 人生何有知己. 唱到大半她就開始忍不住流淚, 可會是因為她的怪脾氣嚇走所有朋友而一時感觸? 哭過後就唱只得一次, 難得有情人, 繾綣星光下.
7) 最後到encore, encore前的teaser是播放她唱imagine, 對, 又是翻炒了unexpected的teaser, 出場唱了MJ的You're Not Alone, 我願意, 我為何讓你走.
8) 差不多11點完結, 算係咁.
9) 跳舞作品完結時有爆紙條效果, 誰知有紙條散在顯示歌詞的屏幕上, 害得關小姐看不到歌詞, 要自己行出去撥走紙條, 好好笑, 亦(再一次)反映了關小姐有多倚賴歌詞屏幕.
10) 雖然關小姐口口聲聲說她每次開show都好努力, 但說真的, 我覺得誠意不夠.
11) 關小姐說不會再出翻唱大碟, 不意外, 畢竟珠玉之前.
12) 最後同伴問我會不會寬恕她的表現, 我說會, 因為甩轆, 發台瘟, 唱錯歌詞一定會發生在關小姐身上, 我們都見慣不怪.
13) 但如你問我$880看這樣一個show值不值的時候, 我會有保留.
6 comments:
一句講晒:風光不再!!
要用到“寬恕”呢個詞，咁嚴重
我真係比佢上次演唱會嚇走左。。。
casper: 佢有風光過咩? 我以前成日覺得以佢既才華, 成就應不止於此.
naruto: 比佢嚇走的一定不止你一個, 唉.
本來諗住戒留言，上篇都忍咗手，但兄台既係關小姐擁躉，失望而回，我忝為同道都唔好意思，唯有又出手做下護法喇：
1) 演唱會跟One Starry Night是完全無關係.
One Starry Night也者，繾綣星光下是也，the subtitle of the concert is An Evening with Shirley Kwan, 好點題架！唱完地盡頭降落台再升返出嚟，台上道具加埋屏幕投影，成個台係mirror balls,好Starry Night下架個feel!
2) 全晚入座率得7成.
有歌迷話似得六成添，其實就算關小姐全盛時期响地頭開騷都唔滿座架喇！時移勢易，又豈止佢一個咁境況吖。但話時話好多好爆嘅騷其實都係得力於宣傳造勢，呢方面的確係關小姐嘅死穴。天時地利人和，呢個騷一樣都冇，陰功！
3) 之前還跟友人賭幾點開show, 結果是20:39開show, 比想像的早.
上次林蓮幾點開？有冇記低？香港嘅騷都係八時入席，八時半至有得食架喇。不過我都幾肯定呢次係要等賭場派飛嘅觀眾入場，唔關主角事囉。
4) 第一節全部都是翻唱作品, 以幻影做opening, 情人, (又唱)明知故犯, 這是愛, 失樂園, 藍月亮, 夢伴. 感覺上她當日第一次唱歌一樣 - 無聲, 樂隊掩蓋了人聲.
我八點左右入場，坐前排第六行，等到臨開場忍唔住去解手，返到嚟剛開始唱，由山頂行落山腳，沿途都聽得好清楚喎！不過我旁邊嘅朋友仔都有話人聲唔夠響，呢個係音響問題，頭幾首一邊唱，一邊都似乎調校緊咪聲。我覺得情人同藍月亮都幾響高架喎！
明知故犯你聽過好多次咩？呢次佢撈亂咗幾句歌詞，唔夠之前唱得好。
失樂園都有啲位記歌詞唔夠熟,唱得有啲含混，但整體個感覺好淒迷，唔錯喎！
情人响十幾年前無記節目同家強前年會展個唱都唱過，藍月高响同克勤敬軒安琪嘅拉闊唱過，這是愛成鬼日都唱，仲多過夢伴，都係又唱系列架！
去你管睇下當日啲片，好難話佢似當日第一日唱歌喎！
5) 第二節就是跳舞作品, teaser如無記錯應該是翻炒了unexpected. 唱了天規, 叛逆漢子(又忘記歌詞), dela, 夜迷宮, 午夜狂奔, 關於我, 山水. 跟俄羅斯dancer略有交流, 其他dancer做沒有, 估計未必rehearsal過. 觀眾氣氛比較冷淡, 至少中間頭十幾行都沒有人站起來.
teaser的確係翻炒unexpected，大把人巡廻演唱都係咁做架喎！忘記歌詞唔止叛逆漢子，呢樣真係要鬧，我坐得近，舞蹈場面幾熱鬧喎，不過遠啲睇效果可能唔同喇！俄羅斯舞男跳甩咗條紅色長裙，要臨場執生,兄台有冇發現？能夠叫企起嚟嘅跟住歌手跳舞嘅八九十年代歌手其實唔多，何況响異地呢？小弟有份企，但企企下都覺得唔對路，觀眾來路唔妥也！
關於我重新編曲混音，兄台應該聽得出？雖然小弟好唔中意呢個版本，但都要俾啲誠意分嘅！
如果講人聲唔夠，係咪全晚應該係關於我同山水最嚴重？關小姐好中意山水呢支歌，但全場九成九人都應該冇聽過，攞佢响呢個位真係好難搞興個場！
6) 第三節就是首本名曲時間, 舞台升起唱了地盡頭. 她好像找到了感覺, 人+聲都熱身了, 唱得好好. 唱完地盡頭由將她從舞台下降消失於我們眼前. 不是唱完吧?? 及後又再升起唱忘記他, 假的戀愛, 一首獨唱的歌, 人生何有知己. 唱到大半她就開始忍不住流淚, 可會是因為她的怪脾氣嚇走所有朋友而一時感觸? 哭過後就唱只得一次, 難得有情人, 繾綣星光下.
地盡頭唱得好好，即係還咗兄台心願喇，要還神架喇！小弟覺得關小姐錯愛咗呢首歌嘅詞，但佢別有會心,唱起上嚟零舍有感情。至於唱到喊，我當時都有同你一樣嘅諗法，如果係實情，咁都可能係件好事喎！（但我又覺得佢都有可能係因為見到個冷清嘅場作面有一批死士跟隨而感動囉！）
7) 最後到encore, encore前的teaser是播放她唱imagine, 對, 又是翻炒了unexpected的teaser, 出場唱了MJ的You're Not Alone, 我願意, 我為何讓你走.
上面回咗翻炒，我唔介意聽多次，反而後面唱ＭＪ就冇感覺。
我願意幾年前上商台宣傳演唱會唱過，又一又唱系列，唱得幾用心，可以同原唱分庭抗禮喎。
我為何讓你走，哇！你唔覺得好好聽咩？我介紹你去你管揾黎天王加去年最高銷量女歌手合唱嘅版本比較下吖！
8) 差不多11點完結, 算係咁.
幸福非必然囉！
9) 跳舞作品完結時有爆紙條效果, 誰知有紙條散在顯示歌詞的屏幕上, 害得關小姐看不到歌詞, 要自己行出去撥走紙條, 好好笑, 亦(再一次)反映了關小姐有多倚賴歌詞屏幕.
又係抵鬧，不過佢撥完都唔係點望個屏幕，呢晚唱咁多別人的歌，以佢嚟講難免唔夠信心記歌詞，但失誤其實唔算嚴重，返而自己歌都忘詞就真係唔應該原諒！
10) 雖然關小姐口口聲聲說她每次開show都好努力, 但說真的, 我覺得誠意不夠.
佢其實花咗好多心思响選曲同斗零變大牛嘅製作度，但排練可能唔係好夠，呢點係要反省嘅！
11) 關小姐說不會再出翻唱大碟, 不意外, 畢竟珠玉之前.
其實個珠玉只係佢自己，聽返拉闊以嚟嘅翻唱，佢肯入錄音室唱，製作上係唔會甩拖嘅，但今時今日嘅音樂生態，啲確難以創造當年嘅銷售效果。其實連人人亂捧嘅王菲都唔敢出碟喇，何況其他人呢？
但我覺得佢呢個諗法，未免辜負知音。
12) 最後同伴問我會不會寬恕她的表現, 我說會, 因為甩轆, 發台瘟, 唱錯歌詞一定會發生在關小姐身上, 我們都見慣不怪.
寬恕呢個詞，响０８第一場出現都唔奇，但呢次其實真係唔係咁差喎！
13) 但如你問我$880看這樣一個show值不值的時候, 我會有保留.
兄台究竟坐咩位置？小弟買埋直昇機票飛過海睇都覺得值喎！
p.s.小弟都打算下個月去捧陳小姐場，到時睇下有冇機會再切磋意見！:)
感激你為關小姐破戒, 亦多謝你寫了這麼長的回覆. 我唔打算逐點回覆喇, 不過補充少少啦.
你就好啦, 坐第6行, 我坐Q行, 即係地下的最後一行, 所以觀感聽感及投入感都會有偏差.
至於我點解覺得佢唔夠誠意呢? 呢個show唔係unexpected的巡迴版, 我覺得唔應該將年幾前既野拎出來翻炒, 我寧願佢唔播. imagine唱得咁好, 我寧願佢唱live. 可能我對佢要求高, 我希望佢翻唱時再加多些自己的元素. 而且佢又係跳得之人, 同dancer夾下加強效果會更好.
最後一點我寫漏了, 我想講係一般樂迷會覺得唔值, 但同伴問我$1200都是這個位置, 我都毫無猶豫說我會睇.
Post a Comment