(惡)夢

我其實好少會記得夢境, 可能會有些殘碎記憶, 不過能夠整合起來都好難. 但今朝一早發了一個唔知算不算係惡夢的夢, 到現在依然記憶猶新, 情況如下.

記憶中夢的開始是我去乘小巴, 然後開車, 忽然司機見到前面有個大姑窿, 乘客甲說, "司機, 飛車過去啦", 於是司機果然成功飛車跨過這個窿, 滿以為有驚無險之時, 忽然有架車由左猛烈撞到小巴, 然後發生巨響.

最奇怪的地方就是畫面我忽然由第一身變成第三身, 好像cameraman跑到案發現場, 我見到自己血流滿面. 接著又變回第一身, 試圖移動雙腿, 郁得到, 然後又變回第三身說, "冇事, 未死得, 仲跑到步"

完.

今日無聊上網找解夢, 有人說如果發惡夢, 現實多數會有好事降臨.

但今日已經過了大半日, 未有好事發市.

也許明天?