如果大家有朋友的話, whatsapp應該是各位smartphone用家最重要的app之一. 好比當年的icq, 好比當年的msn. 用smartphone但沒有whatsapp會俾人當作怪人.
試想想如果whatsapp一整天都在"連線中", 你會不會怒爆?
確實whatsapp是很偉大的發明, 是吹水的恩物. 就好像昨天敝公司開一整天的kick-off meeting, 當中有些環節悶到發慌, 我就跟坐在隔離檯的同事whatsapp傾無謂事. 有時現在認識新朋友後不是問別人的msn, 而是問對方的手提電話然後whatsapp一番.
當然亦會用於公事. 就好像昨天全日開會, 已經有超過3個客戶跟我whatsapp溝通, 有時亦會跟相熟的客戶間中whatsapp寒暄問好. 經常有人批評whatsapp/msn/skype使人與人之間更加疏離, 其實我又覺得不是, whatsapp完就好像是傾完一次電話, 只是用手按沒有出聲. 再加上可以傳相片影片可以增加互動. 試想你要朋友幫你買一樣東西, 只需用手機影下來然後whatsapp對方, 方便到呢...
其實今日的正題是過去幾天我收到好幾位朋友傳過來的訊息, 內容大致是說whatsapp要收錢, 要人將訊息傳給朋友, 收到朋友傳回訊息超過兩次以上將會列入免費名單. 收到第一次我完全沒有理會, 但收到第二個英文版本講到似層層, 於是上去whatsapp官方網站了解一下, 果然網站澄清是放流料.
OK,大家可以安心繼續whatsapp下去...
2 comments:
D人好無聊（講收錢果D）
依家真係無左 whatsapp 唔得, business partners 見到 whatsapp 即答。 email? 等一日!!
Post a Comment