先寫華語歌曲, 因為今年覺得好聽的中文歌真的差不多兩隻手可以數晒, 所以比較容易寫:
第十位: 最後的三分十六 - 周柏豪
去年出道對此人毫無感覺, 今年覺得他形象討好, 唱歌雖然唔夠氣, 這隻歌亦不是大hit, 但總算我會一聽再聽.
第九位: 冷靜 - 鄧麗欣
鄧走音經過一年後, 唱功依然零進步, 監製卻偏偏繼續要她唱高音, chorus依然岌岌可危, 但歌曲質素不俗.
第八位: 浪漫世紀 - 胡杏兒
繼演技一而再, 再而三被人批評得體無完膚後, 胡杏兒向歌壇發展, 坦白講她錄音效果及唱LIVE都比鍾嘉欣好好多, 只要再下多一點苦功, 其實都好機. 呢首歌流暢唔悶, 高音都OK, 但個MV低成本到爆.
第七位: 還 - 鄭融
監製極想炮製另一首紅綠燈/東京百貨的K歌, 我覺得這首歌的水準是兩者之間.
第六位: 如果碰到你的臉 - 泳兒
典型泳兒歌曲, 一聽opening就會鍾意, (超)高音依然有點硬來, 但overall依然舒服好聽.
第五位: You Are My Best Friend - Hotcha
靚妹心事k歌, 無甚麼深度, 但簡簡單單, 聽完一次一定識得哼chorus.
第四位: 眼睛不能沒眼淚 - 古巨基
他終於回來了, 很久沒有聽他的好歌, 舒舒服服總好過死嗌假音.
第三位: 無心害你 - 關菊英
今年好歌怎可少了這首, 雖然講不出聲比較好, 但以歌詞來講, 這首寫得好好.
第二位: 囍帖街 - 謝安琪
今年大熱歌曲之一, 確實有機會問鼎金曲金獎.
第一位: 一事無成 - 鄭融+周柏豪
其實這首歌出了不久, 已覺得很有機會成為我今年最喜歡的中文歌, 果然. 個beat超hot, 周柏豪ok, 鄭融超班.
容祖兒,千嬅, 何韻詩, eason, 張敬軒, 克勤全部落選, 下次整番一兩首好聽歌吧, 否則本地樂壇真的只會越來越死.
Subscribe to:
Post Comments (Atom)
5 comments:
其實一首好歌真係好難求。當然所有大牌歌手都想搵返幾首好歌可以爆，但真係遇唔到就遇唔到。今年最成功例子係〈囍帖街〉，令Kay 再推高上一層。
胡杏兒真係唱得唔錯，查實佢參選港姐前係參加歌唱比賽但落選，最後才揀香港小姐。
胡杏兒係幾位電視之中唱得最好的,再加把勁相信會有唔錯既成績;一事無成既鄭由頭帶到尾,今年合唱歌之選;阿Kay唔使講,有實力加上幸運,今年頒獎禮應該係大贏家~
我 2009 年的第一次……留言給了你呀
3, 5, 6, 7 都 OK 得，《還》差點進我的 20 大
一叫即刻嚟，比面啩
〈囍帖街〉個個話好，我只覺悶
眼睛不能沒眼淚我都鍾意，幾好唱
Karvitz: 跟外國樂壇比較, 本地歌手實在太冇料, 完全依靠人地寫歌, 就算呢班作曲人幾有talent, 不斷係咁作, 作得多都技窮啦.
ogake: 胡杏兒係唱得ok好, 不過好似被鍾嘉欣蓋過了.
wordy: 多謝你08年最後一次lunch同09年第一個留言都俾左我喎..
naruto: 多謝俾面! 其實一直都覺得阿kay把聲好點死沉沉, 所以可能你會覺得悶啦.
Post a Comment