早兩天看到一篇文章, 女筆者說公司來了一個疑似member, 但質地勁好, 於是佢同另一女同事list了一些member必備的要素:
1. 對所有gossip的話題都會表現得非常有興趣, 閱讀八卦雜誌是他們的嗜好, 說起明星的緋聞時, 他們會變成開籠雀, 而且他們的笑聲好像比一般男人特別高. (我會看八卦雜誌, 但好少主動買, 在7-11前看封面倒會)
2. 林憶蓮是他們的女神. 看不起如Yumiko之類的英皇藝人, 也特別討厭F4. 而林一峰可能是他們的新寵兒. (喜歡林憶蓮, 但未致於女神, 但真的對Yumiko十分不屑, 林一峰, 除了一首歌之外沒有甚麼印象)
3. 平時說話陰聲細氣, 可是兩杯落肚便會high到手舞足蹈. 或至少會翹著女性朋友的手含情默默地分享心事. (我一定不會)
4. 放工的時候會去做gym, 他們把man的一面放在肌肉上. (我會, 但不是為了肌肉, 而是為了減肥!)
5. 在家裡會追看明珠台的連續劇, 如Lost, Desperate Housewives, Prison Break. 而Sex and the City則是他們的聖經. 另外 America's Next Top Model, Project Runway之類的節目也是他們杯茶, 但Apprentice則不是. (大致正確)
6. 對電腦及其他AV電子產品都一竅不通. (都不算, 電腦尚有少少認識, 家裡HD錄影機都是我自己研究, 但當然有人做埋就更好, 只是alan唔想攪.)
7. 泰國是他們朝聖的地方. 每次旅行回來之後, 他們都會跟你說那裡怎樣怎樣好玩, 但只限於海灘附近. 若你繼續追問, 他們只會報以一個神秘的微笑. (對我來說, 去泰國食野大過玩仔)
8. 很關心女性的衣著, 會打聽在那裡買, 買了多少錢, 但他們會妒嫉女性朋友在nail nail整的指甲. (我一定不會)
9. "賤人"是他們的口頭禪. (我想我講仆街比較多)
10. 會走去做facial. (我冇喎)
我想我也不是一個典型的member, 至少也頗隱形吧...
skip to main |
skip to sidebar
3 comments:
睇下自己咩質地先？
1. 雜誌會睇下，之後兩樣都唔中
2. 對林一峰越黎越一般，覺得佢既歌聽完好攰
3. 冇掛
4. 冇
5. 以前就有睇劇，另一 d 真人屬從來都冇興趣
6. 要學就一定識既，impulse 唔大囉
7. 唔排除有朝一日會去下既
8. nope
9. 我唔係咁鬧人既
10. 冇
結論：我係異形
1 三十歲以前都幾八卦o既﹐而家年紀大﹐比較少八o的。閒時都會上網睇睇﹐但唔會交
換發現啦。
2 SL係養活我的水﹐唔係女神。林先生呢﹐聽過幾首歌﹐係咁多。
3 呢個唔係好relate﹐pass!
4 我去gym就最懶﹐做 cardio 聽聽歌睇電視仲可以﹐一做 resistance training 就心散。
5 Ugly better! 以前都睇apprentice﹐而家就少o左。睇唔少 interior design 節目係真。
6 屋企所有影音系統都係靠我﹐唔係因為我叻﹐只係我比較有耐性 (或等唔切)﹐捨我其誰。電腦相機則要推位讓賢啦。
7 未去過泰國﹐但去過 p town﹐key west﹐new york﹐san fran﹐west hollywood﹐montreal……呢邊o既 capitals 都差唔多。
8 唔係嘛﹖
9 我鍾意用 vexatious
10 我冇﹐但係都會買o的product 洗o下面
結論：我係鄧麗形
1. 我係OK 八卦...但我又冇睇晒全線雜誌,只係我屋企份apple 同 1 weekly!
2. 林憶蓮又未至於係我女神..我鍾意張國榮同陳百強多啲喎....林一峰嘛...唔OK...Yumiko ...算啦...
3. 我講野都算斯文, 但好多粗口夾埋架喎...我覺得係啲女仔夾硬蹺住我傾心事多啲囉......
4. Hmmm....呢個我認...
5. 我完全冇追過....以上所列既所有節目...我反而係睇棒棒堂...台灣節目...
6. 我電腦OK架喎, 所有身邊朋友都向我求救~!
7. 泰國..老實說, 去過一次咁大把, 我鍾意啲野食多過其他...
8. 我會關心女性既衣著, 但係出於職業之由....
9. 我會叫人"臭x"多啲....係咪仲over ?
10. 我冇facial~! 頂多做mask!
我諗我惡形惡相咁既款, 冇人會覺得我係member 囉~!
Post a Comment