被alan要求寫屬羊來年的運程. 上一篇說過羊明年又冧莊犯太歲, 那究竟會有多衰呢?
屬羊的朋友今年沖太歲，運氣方面會比較反覆，在健康和事業上易有大的變化，也有機會搬遷或移民，因為驛馬星動，所以身體和心情都會有頗大的轉變。
"事業方面今年工作上容易犯錯，嚴重者將會惹上官非"
筆者按: 做design都惹官非都真係衰到貼地喇.
"財運方面，流年沖犯太歲，兼逢「大耗」星，註定要破大財。這破大財是指一些沒有回報的花費，或是被騙、有損失的破財，故此今年的錢財運恐怕要落空了。除了不易積聚財富之外，偶一不慎，更容易跌入騙徒圈套，以致破財損財。"
筆者按: 去年alan住兩個星期醫院破了六位數字的大財, 今年又冇財運, 都係打少d麻雀為妙.
"感情運方面易有動盪變化，容易陷入迷茫，不要以為感情穩定後，一切習以為常，搞不好隨時情海翻波，甚至感情破裂，分手收場，伴侶或夫妻之間，宜多關顧對方感受，互諒互讓。已婚者將面對較多外來誘惑"
筆者按: 呢段值得雙方好好記住. 明年是7年之癢, 危呀!
"本年健康運甚為不穩，特別容易患上傷風、感冒等流行病，腸胃亦時常出現敏感問題。在家或公司裏使用利器時，也要謹防被刀剪所傷。"
筆者按: 傷風感冒對alan來說可謂終生伴侶啦.
來年我跟alan凡事都要小心一點.
skip to main |
skip to sidebar
9 comments:
驛馬星動........中啦........又北京啦........希望唔好之後既吉林呀,廣西呀............人都癲...........希望唔駛移民返大陸啦!!!!!
唯一有可能惹既官非就係..........侮辱客人尊嚴與智慧!!!!!!
我覺得打麻雀無問題........輸得幾多........只要係你同我唔可以錯上下家就無問題.........再者我應該無財可以俾人騙.........最多騙色啫..........哈哈!!!
我呢啲四十不惑.........坐懷不亂!! 唯一擔心既係人地今年旺桃花..........心有不甘陪住我呢個老坑啫..........加上人地近期走型男路線............七年之癢........哼..........容乜易比人㗳咗..........不過.........佢變親.......我實剪咗佢!
拿拿臨去watsons入定啲特強幸福傷風咳素........乞嗤!!!!
仲有今年啲咩artwork,裱嘢,切橙,批蘋果,掃地,吸塵,拖地,洗廁所,煲湯,煮飯,洗碗............(下刪三百項公事與家務)......... 一律唔做........公事呢.......同事們,你地唔好彩啦!............家務呢..........Arthur..........感謝你(粵劇腔)!!!!!
不過我會remind自己斬人劈友既時候小心啲!!!!!
我都係屬羊.....唔知點解好似成日都唔係沖太歲就犯太歲....唔覺有年係好既?
奇~!
係時候賣吓廣告啦....... 最近期手痕想寫吓嘢.........希望大家撥冗光臨小弟的blog.........謝謝諸君指教指教!!!
http://alansodiary.blogspot.com/
我咪又係羊，四年三犯
借個位講句野。。。
Alan,你個blog我留唔到言，ＣＨＥＣＫ ＣＨＥＣＫ 佢
Mr. Naruto,
problem fixed, thanks you read my blog!
alan: 係喎, 話我旺桃花, 唔知係好事定壞事呢?
阿寶/naruto: 你地都係羊仔...好似講你地個生肖係12個之中運程最差的一個...不過有5個生肖犯太歲, 即係差不多一半人今年運氣麻麻, 講真係咪真係咁嚴重呢?
你知自己旺桃花啦咩..........好事嚟講: 當係有啲新衝激,調劑吓生活係正常既, 我明白,了解同埋容許既...........壞事呢: 就係邪花入宅上身,都係嗰句..........小心我剪咗你..........後果自理!!
至於諸位肖羊朋友,我信上天自有安排........佢要你犯太歲.......即係俾個signal你要小心同埋注意某啲嘢..........同埋佢令你某啲嘢唔如意順利..........佢就一定會補嘗俾你其他嘢..........我信公平........所以我信個天都公平..........只要你勤力同安份..........我諗就算運氣麻麻......... 生活總應該心安理得!!!!
未過年我已經覺得唔順囉~!
唔會真係由頭衰到尾卦.....
Post a Comment