回憶總是食盡台灣 (Day 1)

其實08年聖誕節本來是預計留港消費, 因為原以為alan還未康復, 不宜遠遊, 但誰知他康復神速, 所以就決定去台灣. 台灣, 很多香港人一年都不知飛了多少趟, 但我數數手指, 原來上一次去台灣已經是2003年的事, 還有上次影過的相不知所蹤, 所以其實記憶頗為模糊.

今次旅程由12月25至29日, 坐CX, 住boutique hotel, 盛惠$4200一位, 其實都頗貴.

抵達台北都只是早上10時半左右, 拿了行李就乘機場巴士出城.

早一晚只是睡了3小時, 樣子還很瞌.

我們住的酒店位於中山區, 機場巴士不能直接到達, 所以要駁腳坐的士. 這就是我們下塌的酒店 - 喜瑞飯店.

住的房間都幾ok, 簡簡單單, 乾乾淨淨.


透明櫈 + 透明燈, 果然很hip.

休息一會當然是去吃午飯, 選擇了酒店附近又頗出名的青葉.

先來一碟前菜, 銀魚仔, 送粥一流.

看我們點了什麼: 茶燻雞, 連雞胸都很滑, 但不夠茶味.

炒菜, 你看到有幾光亮就可以想像到有幾多油 (後來發覺原來間間食肆炒菜都會落勁多油)

我同alan都勁鍾意食蜆, 這個是九層塔炒蜆, 超好味.

炸豬大腸, 最肥的當然是留給alan食.

地瓜粥, 即是蕃薯粥, 小弟不太鍾意食蕃薯, 所以只是吃了齋粥.

小湯麵一碗, 麵質就ok啦.

這個不是普通春卷, 而是蠔仔春卷.

睇alan表情就知好唔好食啦.

吃完都到附近的當化藝術館參觀, 當然這是特意為alan而設的節目, 這個館不算大, 展品亦不算多.

行到個多小時就行完, 然後回酒店休息一會. 不經不覺睡了3個小時有多, 是晚景點是美麗華百樂園, 除了有個大mall之外, 最特別的當然就是幸福摩天輪.

入場費要NT150, 轉一圈大概20分鐘, 但等就等了30分鐘有多, 等待期間隔鄰有個聖誕show, 有業餘歌手唱歌, 還唱了張惠妹的記得. 這就是摩天輪下的alan so.

已經上到頗高的位置.

望出去的景點, 其實不算好靚.

變了綠色人.

玩完都差不多九點半, 又是食的時間, 去了附近的士林夜市, 這個夜市5年前都有去過, 唯一印象就是那塊大過塊面的雞排, 今次依然見到一大條人龍, 但我們沒有排隊.

個多小時我們掃了:

炒米粉 - ok

蠔仔蛋 - 都ok

七里香, 其實就是雞屁股. 一向甚麼都敢食的我不介意試試.

其實都幾ok, 當然不會臭, 而且不太油.

燒腸, 但alan點了的是糯米腸, ok.

本公司居然會在飲料的封面賣廣告, 聰明!

十全排骨 - 類似是星加坡的肉骨茶, 但味道只是ok.


有麻醬的紅油抄手..ok.

官財板

點了蟹肉, 是真蟹肉, 不是蟹柳, 好食.

勁多人排隊的大餅包小餅

小餅就是這些酥, 加一些調味粉.

然後包一塊皮去外面, 就是大餅. 我就覺得ok, alan就麻麻.

可愛小狗做生招牌, 我們觀察了五分鐘都是乖乖地坐著.

掃完夜市都到過兩條街賣東西的夜市逛, 但都是齋睇冇買. 差不多12時便去溫泉, 還趕得切乘地鐵去北投再轉的士.

5年前去的是馬槽花藝村, 但確實很遠很遠, 今次去的叫做川湯, 近好多, 據聞是member熱點. 果然去到就見到alan的香港的波友準備離開.

粉飾得很日本.

入到去其實很細, 但真的勁多member, 保守估計有8成, 雖然大家都是赤裸裸, 不過都只是眼看手勿動.

浸了兩個小時都累了, 返酒店.

第一日完.