娛樂八卦新聞最喜歡報導那些女星在同一個場合撞衫, 然後加以比較那個著得核突一點, 出街看到別人跟自己穿的衫一模一樣, 自己著得好看點便會沾沾自喜, 若是別人較好看便想混路行.
小弟衣著從來都不太標奇立異奇奇怪怪, 其實覺得都頗大路, 然而很少跟人在同一個地方撞個正著, 但偶爾都會見到其他人跟我擁有同一款衫, 我不認識的人當然不介意, 那麼如果是你老闆呢?
話說小弟於3月尾去H&M掃新一季衫時買了一件偏向casual的紫色裇衫, 返工著過一次, 後來H&M於4月中於TST開旗艦店, 我們受邀參加了shopping night, 正在看有甚麼新貨之際, 就見到老細拿了我買了的紫色裇衫去試, 當時已心感不妙, 希望老細沒有買, 是晚因為自己早走所以不知他最後有沒有買.
果然隔了幾天就看到他穿了這件衫, 唉, 冇理由跟老板撞衫, 每日返工開衣櫃都見到它, 但深怕大家都同一日穿而惹來其他同事笑柄的關係, 所以自此打入冷宮, 唯有等老板放假時著, 又或者weekend出街著, (但weekend真係甚少會這樣穿), alan又不合穿...所以都是算吧.
老板就別跟下屬爭著H&M吧.
11 comments:
撞衫我都會行開一邊的,你就當我著得無人地咁好睇啦~~俾你靚晒又點話~~
不過返工好難撞衫呀~ 因為日日都casual wear的~ 返工衫就係去街衫啦~
係office 留一件jacket﹐有咩風吹草動﹐假皮一披就無事。
以我既性格, 我一定會當佢透明囉! 撞咪撞.......駛卸你呀, 完全自信心爆膨嗰隻! 係我穿衣手冊裡面, 撞衫唔緊要, 最緊要著得靚過佢, 咁就贏晒...... 主動逼佢放棄, 好過避佢!!!!!
講真呀! 瘀嗰個應該係你老闆, 因為做人上司著既衫同下屬相撞, 其他人會覺得乜呢個上司搵好少咩? 買啲貴brand 咪少機會撞囉! 你老細係時候upgrade自己啦!!
我都試過同隔離department嗰個chief designer 撞到正一正同一件H&M既外套....勁PK~!我冇理, 照撞~!因為冇退路~!哈哈~!
故事教訓係...買H&M既衫,最好做少少手腳,令佢個款有dd 唔同,加少少野,改多少少個腰, 車多條骨~咁就萬無一失~!頂多撞色!
我都買左紫色件shirt 喎, 你長定短袖先~?
阿寶 Francis: 無錯.......撞咪撞......駛驚佢呀!!......仲有, 除咗改款之外, 好睇你點襯, 只要有個人特色, 撞都無所謂, 切忌model公仔點襯就抄足, 同常撞得最應就係咁㗎啦!!!
係喎.......仲未知道阿寶你正職做邊行???
咁H&M係你地嘅客，佢幫趁都有道理嘅！
我揀避喎！廢事多事，話哂係老細
佢著完第日咪著囉,佢應該唔會連著兩日掛!
ogake: 咁老板應該著得好睇過我, 起碼有胸擔得起件衫.
best actor: 呢度d人好留意人地著咩衫...披左jacket都會有人睇入面著乜.
alan so: 我唔夠你靚, 冇辦法.
阿寶: 撞到正一正, 我會話大家d taste都咁good囉...
嘩, 買左件衫仲要DIY一番, 煩!
我那件是長袖, 領位入面同衫鈕的那行是格仔...
naruto: 就算H&M唔撞, zara/club monaco都梗有機會, 所以相信撞衫機會陸續有來.
黑柴: 佢唔會, 不過費事俾佢覺得佢買我又買...兄弟裝咩..哈哈
撞爆佢 !!!
你早就決定了，不是嗎？
我避，不是「卸」，而是省得讓同事多樣是非講。款式常青的話，下季再穿又何妨？
我好有信心，公司沒有人會跟我「撞衫」：比我高級的天天恤衫、西褲（我間中仍穿牛仔褲），比我低級的穿的牌子我基本上不穿
to alan, 我做garment 架~!
Post a Comment