七週年晚飯@Chesa

昨晚有blog友問上一篇的有"7"字的朱古力屋仔是那裡出品, 答案就在這裡揭曉.

早兩個星期已經開始物色晚飯地點, 期間有朋友剛剛試過半島入面的Chesa, 食歐洲菜, 或者可說是瑞士菜, 友人亦介紹了幾度菜, 所以就選擇了這裡.

小弟30年來從未踏足過半島酒店, 遑論在內吃飯, 正一鄉下仔一名.

standard menu

麵包, 味道ok但嫌不熱.

週圍環境都幾cosy幾raw.

先來個appetitizer, 這個狀似腸粉的東西其實是蟹肉pancake伴龍蝦汁, 超新鮮, 口味到不得了, 只嫌份量太少.

剛巧今個月是露荀月, 點了白露荀湯給alan, 跟澳門吃過的一樣, 都是湯會用茶壺盛著, 待waiter準備serve之時才倒在生的三文魚上. 味道ok, 但又是不夠熱, 所以令湯的好味程度大減.

Raclette, 是廚師在碟上燒/焗溶芝士, 有點焦, 趁熱食很香口.

主菜叫了兩樣都是share一齊食, 先來是紅酒汁牛面頰. 超嫩, 薯茸很滑很滑, 一流.

另外的是羊架, 看alan一刀切下的時候已經感覺到很嫩, 叫了medium rare就真的medium rare, 不會好像其他steak house經常比自己期望的過熟. 說回這個羊架, 又是超嫩, 薯茸是混了芝士烤過的, 又是勁好味.

之前訂檯已經訂了這個signature甜品. 朱古力屋內只是雪糕+忌廉, 沒有特別, 但意義搭夠.

吃完便到酒店外的噴水池影張相...

埋單盛惠$1300, 不算太貴, 畢竟食物質素高, 所以很合理.