回憶又是澳門遊

澳門已經去過N次, 之前在舊公司工作每三個月一定有一次去澳門工作. 就算是現在的工作亦曾到此開kick-off meeting, 上次來澳門玩是去年來威尼斯人看celine dion演唱會, 年初以為beyonce的world tour會再來澳門, 心想一定要來, 估不到今年真的來了, 但卻是看憶蓮world tour! 來澳門只是看concert完便走未免有點浪費, 所以一早決定要留一晚, 要狠狠將澳門吞落肚!

由於門票已包cotai船飛, 但由於是6:00船, 所以早去便要去排隊輪後補, 有同事想等11:00船但沒有耐性等下去, 所以一早已有心理準備要等一段時間, 最後一點半左右到, 等到個多小時才成功輪到3點船.

去到過了關其實都差不多4:30pm, 不用說一定是找地方醫肚, 先去食個撈麵.

在碼頭乘了$60的士才到這間新龍記, 最出名的是撈麵, 但請留意相片, 推介的卻是招牌焗豬排飯, 完全唔"拉更".

我點了蟹黃雲吞撈, 蟹黃好正, 雲吞就普通, 麵就略鹹.

alan點了墨魚餅撈, 墨魚餅超彈牙, 個麵雖然較深色, 但竟然沒有這麼鹹.

每人一碗麵alan又點夠飽? 食完即去隔鄰的琛情咖哩食出名的咖哩豬排飽.

一入到去老板琛哥即介紹招牌飲品.


不要以為只是檸七, 其實是羌碧- 即是羌汁+雪碧, 一飲很重羌味, 正!

接著老板再介紹招牌咖哩牛腩麵, 正, 但很辣, 吃完feel到個胃有辣油翻滾.

再來個咖哩豬排飽, 香港一定食不到這樣的水準. 吃完真的夠飽, 已經6點, 要去酒店check-in換衫梳洗.

當然憶蓮才是此行的主角.


原來威尼斯人扮法國的梵爾賽宮.

去到逛了一會, 已經撞到同事朋友們, 八點就入場. 每位敬送迷你螢光棒+吹氣棒. 吹氣棒是我最最最討厭的東西, 又嘈又阻礙後排視線, 幸好同行的朋友們都沒有用.

當然要同ogake來個合照, 當報答幫我們搭上搭上搭訂了個好位, 哈哈.

開show前一刻, 全場爆滿唔使講





不少blog mate都各自post了蓮母肖像, 我只揀幾張特別的. 其他都不多說了, 一切盡在不言中, 正如ogake所說現在依然沉醉在當晚的120分鐘...

看完show有人扭擰話唔去食野, 亦有人扮識趣說不做電燈膽, 所以最後都是我們自己出去吃宵夜. 該死的我出門口前竟忘記叫alan帶天書, 所以不知宵夜的食肆在那裡, 唯有先出去葡京再找, 輾轉去了新葡京的24小時粥麵館.

食物屬中等價, 侍應則屬一舊飯, 寫錯檯號, 反應奇慢.

alan點了他的飛佛擔擔麵, 麵條好彈.


我叫的是豬排一根麵. 所謂一根麵就是指整碗麵只有一條麵條, 好堅. 豬排不錯, 麵條好ok, 湯底亦好.


牛肉餅, 好juicy.

還有alan另一飛佛紅油抄手, 亦好味.

吃完便到樓下玩兩手, 但每每落注前總覺得今天賭運不好, 加上找不到旺人,所以沒有下注甚麼, 只是玩玩$10一注的電動大小機, 拉拉老虎機便算.

第二天是臨check-out前才起來, check-out第一件事又是食. 未試過在澳門吃越南菜, 所以今次一反傳統乘的士去關閘附近的林記燒烤.

門面就像一般茶餐廳.

前菜先來蝦卷, 普通, 蝦冇味, 點的汁亦不夠濃.

香橙鴨胸, 我這個鴨胸怪給90分.

招牌菜: 椰水炆豬手, 一點都不油, 好嫩好味, 跟香港的黑椒鹹豬手完全是兩碼子的事.

gimmick炒飯 - 斑蘭葉蛋糕很多人都食過, 但斑蘭葉炒飯呢? 坦白講我嘗不到甚麼特別, 但炒飯我只求乾身香口, 這個炒飯完全符合到.

alan這個手勢又來了.

吃完臨去到關閘坐發財車前見到有esprit outlet, 見時間充裕便入內看, 在香港近兩三年我完全沒有幫襯他們, 但來到澳門outlet竟然又有斬獲.

返去氹仔官也街買手信, 吃甜品.


這間出名的是焦糖布丁, 只是ok. 木糠布甸都ok, 至於榴槤雪糕, 唉, 想食但唔敢食囉.

還有沛記新鮮出爐蛋糕仔, 勁好食.

alan還叫了雞柳撈, 竟然又好味喎

咁食法想瘦都難.

兩日一夜瘋狂喪食之旅終於完結....

但回到碼頭又買葡撻食, 痴線.