回憶總在潮英倫 (第四日)

英倫陽光真的可遇不可求, 經過兩日陽光後, 第四日太陽要休息, 一早起來已陰天, anyway行程繼續.

早餐先去地鐵站隔鄰的Burger King.

在香港好像沒有幫襯過, 飽是standard, 無驚喜亦無錯.

吃飽先去high street幫alan老板買chanel袋, 但最後因為價錢差不多而沒有買, 慳番唔使拎返香港咁煩.

接著就是整個trip的重頭戲.

今天去的就是在oxfordshire的bicester village, 是歐洲最有名氣的outlet, 所以是時候做潮人掃貨喇.

7年前剛抵倫敦機場, 我們買了一杯熱烘烘的杯湯, alan現在還念念不忘, 今次誓要重拾當年滋味, 終於在火車站找到了.

你看alan幾開心.

接著又一個小時到達bicester village站, 然後乘shuttle bus到outlet,

alan手持的包括directory及VIP卡, 某些貨品可獲折上折.

在別處找回來的相, 這個outlet就是這樣子了.

好! 掃貨時間開始: Dior, Timberland, D&G, Paul Smith, Mexx, ck, Lev's, Burberry, Tommy Hilfrger, Energie, Hugo Boss, Ralph Lauren, Brooks Brothers...等等, 統統都有我們的腳印.

行了兩二個小時開始累了, 於是到Pret食late lunch, 三文治, 吞拿魚沙律, 還有馬拉椰汁咖哩雞湯, 另一驚喜之作!

吃完再血拚, 之後又要休息一會, 買了飲品, 食一盒檸檬芝士蛋糕, 嘩, 好好味, 又一驚喜.

累樣.

由12點多, 一直拚到夜晚7點才離開, 收穫總算不俗, 試想想, 30pounds一件paul smith恤衫, 去那裡找? 8pounds一條靚mexx褲, 唔買點對得住自己? 唯一遺憾是dior高筒波鞋沒有碼, 即是要我慳回200pounds, 只能說句有緣無份.

回到倫敦都已經差不多9時, 我們決定去wagamama開餐.

看看墊檯餐紙就知是吃日本拉麵的地方, 在倫敦有多間分店, 海外亦有, 不知會不會在香港拓展業務呢?

等食...

累了半死的alan

alan點的海鮮拉麵.

我點的是雞肉拉麵, 我以為是炸雞, 端出來才知原來是雞胸, 不過都ok.

食喇! 平平穩穩, 你問我10pounds的拉麵我一定有要求, 在香港我一定覺得不值, 但在倫敦呢, 算罷.

第四日完, 英國之旅暫告一段落. 下一次開始回憶法國之旅.