年尾流流真的特別多人結婚, 據聞今年的好年, 講真就算他日我有機會結婚, 為乜要跟別人迫在一起結婚. 兩個人要是好的話, 就算一年365日中最差的一日結婚的話都沒有問題, 同樣道理, 好日結婚咪一樣會離婚吧.
大學好友甲早幾個星期跟我說她剛結完婚, 我還準備駡她幹麼不邀請我們幾個老死之際, 她便搶著說在日本沖繩結婚, 嘩, 好不新潮, 況而他們已經由大學開始拍, 十多年了, 一切簡簡單單, 免卻勁多麻煩, 多好!
同事甲在中秋節結婚, 我想是取其人月兩團圓吧, 他只是邀請我去觀禮, 但坦白講中秋節很多節目, 我又跟他不算很熟, 所以我沒去(好像我是唯一爽約的同事), 據聞又是拍了超過10年的一對. 同事更在教堂裡邊彈邊唱他自己創作的歌給老婆, 當然老婆是感動到喊, 我卻感覺好像做show...(雖然我同意婚禮根本就是一個show)
同事乙在上週結婚, 也是邀請我去觀禮, 雖然跟她不算熟, 不過她40歲(我估計)終於嫁得出, 又真的替她高興. 據知他們都拍了好多年拖, 不是還想去要小朋友吧?
同事丙今日結婚, 只是請我們吃西餅, 沒有邀請觀禮, 好的, 慳番.
中學好友甲今日又嫁人去了, 拍拖差不多10年又趕著去做牛娘, 雖然這十年跟她聯絡斷斷續續 (這兩三年甚至可以說是沒了), 不過就如我在電話跟她說了, "大家既是好朋友, 一切盡在不言中", 說來老土, 但確是發自內心. 收到電郵同電話的一刻又確實很高興, 今晚雖要去對我來說很遠很遠的MegaBox出席飲宴, 真的如果是其他人我就不去了....哈哈
以上幾對的common thing就是雙方都是拍了N年拖, 姑勿論是為了在好年結婚又好, 為了生仔又好, 在這裡一次過祝他們好好地啦.
4 comments:
仲以為係你結婚添 ~
感情要好既先敢請我觀禮同請飲
我從不觀禮，派到帖請飲，都會去，但托賴真係唔多
同結婚有關既野都會令我好唔自然
我都以為係你結婚....hehe
用咁嘅標題引人嚟睇，高招呀!樂
我舊同事在boxing day結婚，我幫佢設計左invitation咭，無相嘅。。。
但其他朋友話我知新郎好似我。。。咁邪？
wordy: 錯晒x1
ocean: 錯晒x2
naruto: 我無意誤會大家嫁.
不過呢,我地已經當我地結左婚架喇, 無名但有實!
Post a Comment