所以你看到他貼到整個背脊都是藥貼.
每逢去旅行alan都一定準備這個漁人金絲萬應膏, 我最暢快的當然是貼完第二朝我狠狠地搣甩這些膏貼!(對, 我是頗為殘忍)
是日要去馬六甲玩, 去到車站本想坐11點的班次, 點知最快只有12點, 唯有照買, 中間個多小時都在附近走走. 期間經過一間類似grocery store的店舖, 無聊便入去看看, 除了買飲料外, 就買了2條冰條, 只是一蚊馬拉幣, 即是HK$1一支冰條, 去邊度搵...
買了甚麼味道呢? 我有理冇理選了榴槤及粟米, 沒有機會吃馬拉榴槤都吃一條雪糕望梅止渴吧. 味道好真喎, 我更迫了alan吃了幾啖.
好不容易才等到12點上旅遊巴. alan, 你個樣典解咁愁?
在三小時左右的旅程, 有甚麼比訓覺更加有意思? 繼法國後, 又一次被alan偷怕, 一個字 - 賤.
抵達馬六甲已經三時多, 第一時間當然是食! 先去蔡瀾介紹的古城雞飯粒.
門面以至入內裝修都有點古色古香, 但看看給人坐的是紅A四腳膠櫈, 錯晒.
這幾粒狀似魚蛋的東西就是雞飯粒, 而這裡的雞飯粒的機器做的, 五粒等於一碗飯. 味道就是有味飯, 稱不上出色, 質感亦因機器壓成球狀後變得怪怪.
主角: 走地雞半隻, ok, 但又都不算很出色.
想點馳名燒肉但已經售罄, 唯有點叉燒, 味道不錯, 但肉質偏鞋口.
沒有錯的炒菜.
娘惹晶露, 賣相嚇人, 特別是那些一條條綠色的東西 (其實是有椰味的東西), 味道又不錯喎.
古城雞飯粒位於馬六甲最旺的一條街, 很多食肆, 賣糕點的地方, 要唱畢都需要半小時有多.
食飽就去觀光 - 其中一個在馬六甲的目的就是坐這個叫Eye On Malaysia的幸運摩天輪.
其實這個摩天輪早一兩年是在KL的一個公園, 成為KL的另一個地標, 但不知何解08年就搬了去馬六甲的一個公園裡. 這個公園是一個low-end的遊樂場, 最弊的是我們要行大概30分鐘的時間才到, 而途中就是爛路+臭河, 在這些"理想"配套之下, 又怎會多人乘搭呢? 當日是星期六下午5時左右, 但只需等到幾分鐘便搭到了.
車廂很新淨.
我們與一家人在同一個車廂, alan幫他們拍, 他又幫我們拍了這張合照.
在摩天輪看到的風景, 其實是一片海+一些大廈, 不算很吸引. 轉到幾個圈大概15分鐘車程, 我覺得在KL會好好多, 至少風景多一點.
在返回馬六甲最旺的地方途中, 看到這間新味香, 天書有介紹到.
是賣串燒.
雖然不太餓, 但既然無心插柳找到就證明我們是有緣,要幫襯他們.
賣相不錯, 小小的, 只是HK$1一串!
看到alan食相就應該知好唔好味啦, 特別是有楊桃的沙嗲醬, 醒胃.
還叫了椰青, 是後來alan不舒服的其中一個兇手.
根據天書記載, 馬六甲曾被荷蘭統治了一陣子, 所以有些地方依然保留了歐洲色彩, 就如後面的鐘樓.
教堂.
還有迷你版風車.
臨走前買了一點手信給朋友, 還在一店舖吃了:
喇沙, 味道都不錯, 但依然是星加坡更好味.
雞肉乾麵, 出奇的好味.
馬六甲遊覽的地方真的很少, 所以我們吃完便慢慢乘的士到車站乘8:30pm的旅遊巴返回KL, 繼而直接返酒店休息.
第二日完.
9 comments:
全篇好長盡好好睇，但第一張相係咪有D嚇人呢？
第一張相係咪拍TEMPO廣告??
雞粒飯好似上星期日先介紹完咋渦~~
食食食好吸引.....
仲有個甜品~ 個樣好核突~ 岩火影~
第一張相都真係有D驚，我都係，每次旅行都帶止痛藥和藥貼，但係未試過貼到咁！ 呢個牌子藥貼好嗎?
D野好似好抵食喎！
第一張係咪晚孃用淨無出街poster？ :p
講起laksa，坡友就話佢地好食d，馬拉人就撐自己good d.. 咁laksa應該係馬拉人發明先架喎..
哎呀.. 好掛住holland v碗laksa呀！
naruto: 第一張梗係要擺張有話題性既相啦.
tat: 死喇, get唔到.
ogake: 外表核突多數都有內涵架, 咪咁以貌取人啦.
ocean: 我未用過喎, 但alan用左好幾年應該不錯卦. 食野係好平.
fun: 我冇幫佢敷冰喎 =P
對, 我都覺得holland v的laksa是世界上最好食的laksa!
to ogake:
死架，核突就啱我
第一張幾好呀，做到悶悶入嚟笑兩野，又開心番
外表核突多數都有內涵架 <-- 火影~ 讚你呀!
Oh, 原來Eye On Malaysia搬左去馬六甲, 我早前玩佢仲係KL, 不過我睇你d相, 可以話你知佢搬去馬六甲睇既風景係好過係KL, 仲有玩去佢個摩天輪, 真係覺得不玩也吧!!
Post a Comment