查查電腦09年華語歌曲我擁有94首, 女歌手佔77首, 男歌手只有11首; 08年的共有90首, 數量差不多,質素我覺得今年好了一點, 我就是shortlist都選了20首, 繼而選了以下10首.
這個十大:
1) 沒有學某電台說要鼓勵新人而妄加名額, 十首就是十首.
2) 沒有學某電台設立N個無謂獎項.
3) 沒有學某電台表面公正, 其實都有少少分豬肉.
4) 更加沒有像電視台封殺某些歌手.
好, 開榜.
第十位: 給自己的信 - 鍾舒漫
出道幾年, 我只有她這首歌. 不是alan說好聽, 我都未必會留意. 已經有N人說原裝日文版更好聽, alan喜歡的是歌詞, 唱就麻麻, 我沒想到聽過她與容祖兒的無謂合唱歌 (好像是joey要叨她的光), 但坦白講如果由Joey獨唱, 應該會成金曲金獎大熱.
第九位: 曝光 - 張敬軒
軒仔今年聲勢繼續下滑, 披星戴月/相對論/Yes or No都不好聽, 反而這首歌對他來說是一大突破, 更令我覺得好聽的快歌已經越來越少了.
第八位: 月亮說 - 王菀之
經過多年後終於有另一首入屋作品, 有點小調, 有點像千化的撈月亮的人, 很柔很舒服.
第七位: 可歌可泣- 容祖兒
無錯, 新意是零, 只是另一首典型容祖兒K歌, 但其實整首歌都很流暢, chorus好聽, 唱呢, 都是一貫容祖兒水準, 但我不介意她繼續唱這些k歌, 有甚麼比好聽還重要呢?
第六位: 年度之歌 - 謝安琪
今年已有N人跟我說很不喜歡這首歌, 亦有N人跟我說很憎謝安琪, 不過我不會被潛移默化, 因為我覺得這真是好聽的歌, 她在電台頒獎典禮的說話亦令我對她加分. 順帶一提, 她新碟我覺得很不錯, 如無意外2010的十大應該繼續有她的份兒.
第五位: 二缺一 - 蔡卓妍
如果純以歌及詞來說, 這首歌一定穩入三甲, 得第五就是因為歌者本身的歌藝不足, chorus很多位依然是在flat與未flat之間, 如急口令的歌真的蝦人唱, 亦有N人不約而同跟我講如果這首歌是關淑怡唱一定好正, 不過...現在的關淑怡又怎會唱這類歌呢? 戀一世的愛的時代就會.
第四位: 信者得愛 - 鄭秀文
去年做福音碟的已先有關心妍, 她跟MC Jin的世代之初已經是破格福音歌, 但這首歌甚至這隻碟的noise完全蓋過阿Jade, 就是因為鄭秀文囉, 那當然sammi比jade順耳, MC仁比MC Jin討好, 所以贏就是這麼簡單. by the way, 福音歌終於不再是gospel或歌詞完全唔岩音的rock歌, 是好事.
第三位: 如果我是陳奕迅 - MR.
拿不到專業推介但成為我最喜愛的歌曲, 這是甚麼道理? 就是說專業跟laymen的分別吧. anyway, 醒神搶耳歌詞好, 沒有甚麼可以挑剔了.
第二位: 七百年後 - 陳奕迅
四個字: 感動無限
第一位: 地盡頭 - 關淑怡
不理我是否偏私, 一首歌喜歡與否從來都是從主觀出發. 這首歌無疑是為關淑怡度身訂造, 任由其他人唱都唱不到這首歌的感覺. 不知何時才會聽到你的新歌呢?
重溫: 08年我的十大中文歌曲
十大外語歌曲將會下星期推出, 因為需要更多時間排位.
Subscribe to:
Post Comments (Atom)
8 comments:
同你相同只有四首咋，原來
奇跡，居然全部都識
年頭時，我也喜歡《可歌可泣》
張敬軒……零印象，那 CD 聽不夠三次
喜歡《小團圓》多於《月亮說》（其實同專輯的《低科技之歌》也很不錯）；《二缺一》會讓位 Rubber Band 的《阿波羅》吧……其餘未諗到
《Slowness》裏，我喜歡《最後晚餐》，那首港台劇集《有房出租》主題歌
給自己的信: 自唱版比較平淡, 加埋Joey直頭徙氣, 聽埋Sammi版就更加覺得Sherman好弱, 不過, 佢算好彩執到首好歌~~
張敬軒, 我同佢唔fd, 今年只識"留低鎖匙", 只因許茹芸~
Joey今年的歌我只愛"搜神記", 我部機仲怒播緊~
謝安琪 上一隻碟 除左"年"之外, 吶喊都係我既choice, 新碟暫時鍾情"替你高興", 聽得好舒服~
Jade我都有聽, 但係整體唔及Sammmi的流行, 我揀我都係會揀"有一種快樂"(雖然係08年既作品)
第一次係收音機無心聽左"地盡頭"嚇死左, (時大時細聲)心諗邊鬼個新人唱成咁都出碟...之後聽cd即成為全年3甲, 好正好有feel!Kay新碟睇黎各有喜好, 我鍾意"藝妓回憶錄"及"懶床", 基本成隻碟都耐聽!
朱朋
i love 關淑怡...she is so so so good.
精明之選！哈哈哈！
naruto: 四首都OK啦...好難10首一樣既
wordy: 哈哈,呢10首歌都不是冷門作品, 應該識啦.
阿波羅我只在叱吒聽過一次...ok囉
slowness我最不喜歡可能你那首...哈哈.
ogake: sherman就係另一個紅歌唔紅人的例子吧.
留低鎖匙: 我聽許小姐既唔純正版本好好多啦.
我唔鍾意搜神記...leung!
kay我都鍾意替你高興同埋雨過天陰.
朱朋: 關小姐把聲都認唔到??!!!
無名氏: yes!
leo: 如果十大都冇關小姐, 你實俾說話我聽啦.
EE~~~話你知,張敬軒既曝光係我ipod 播放指數top3!!!!!!!! 我最中意軒仔唱呢啲歌~!!! 我覺得佢可以再試下呢啲歌路~!
給自己的信, 我自己黎講, 其實真係OK既, 咩版都聽過晒, 鍾小姐既版本都唔係話差得咁緊要啫(唔講唱LIVE)!
Post a Comment