請告訴我旅行的真正意義何在?
現代人會說休養生息, 俗稱hea, 上一代會說是增廣見聞 - 講真的, 這個四字詞已經很久沒有聽過人講過, 好old school.
我去的旅行除了頭兩趟是跟團, 其他都是自遊行, 但我的旅程絕對不是休養生息. 去一些第一次到達的地方, 去之前甚至在飛機上努力刨天書, 一過了海關後, 第一件事就是看書看地圖怎樣去酒店, 拖著重行李上落樓梯搭車, 一點都不輕鬆. 到了酒店稍作休息又要研究怎樣去下一個景點. 接著幾天的旅程大都排得密密麻麻, 唯恐錯過了應該要去的景點. 其實甚麼是"應該"呢? 沒有甚麼必去的景點, 只是覺得去倫敦但不看大笨鐘, 去巴黎不看鐵塔, 去紐約不看自由神像, 就好像交代不到一樣, 要在自己心中的景點checklist tick了才覺得對. 就算去一些已經去過的地方, 一樣編得密麻麻, 不斷行行行行行, 比返工更忙, 夜晚已經累得半死, 然後第二朝還要趕早餐時間的deadline, 真的遲一點都怕蝕底了.
有人說旅行是將工作放在一邊. 十年前所言甚是, 但現在呢, 有黑莓跟身, 即是跟工作分割不開, 就算沒有黑莓都是帶著notebook, 最後又會忍不住去check公司email, 我不是老板, 但作為sales, 我已經當這是我自己的一盤生意, 不去check email倒不會死人冧樓, 但要做的task不會因你不在而自動消失, 只會不斷囤積, 所以都會選擇在外遊稍為空閒時清得就清, 但這又何苦呢?
有人去旅行是為了享受當地美食. 對, 但除非自己食極唔肥, 或者毫不在乎自己的身型/體重, 好像我喪食數天後回到香港又要好好計劃如何在炎炎夏日前減肥肉, 好煩. 又何苦呢?
所以呢, 最佳的旅遊時間是退休後, 去旅行真的可以了無牽掛, 但問題又來了, 除非自己發了達, 可以在40歲前退休享受世界, 否則要待65歲才去旅遊, 到時行多步路都無力吧.
那究竟旅行的意義是甚麼呢? 值得我一再反思...
skip to main |
skip to sidebar
9 comments:
我去旅行真係無咁辛苦架喎。。。
我唔係sales，我夠膽電話都唔開
我去旅行會預早mark哂景點checklist，好似旅行團單張咁，咁到時唔駛煩
一定唔會編到密密麻麻，情願分多幾日，甚至下次先去
其實我成日都同d客講, 如果你怕麻煩, 我會suggest佢地跟團, 或者自由行可以join一d當地既local tour, 再唔係俾多少少錢, book個tour guide同車, 叫佢同你去你想去既地方!!
去旅行係relax, 攪咩要咁麻煩, 又要到當地安排咁多野, 輕輕鬆鬆出發前book晒, 安排好晒, 去就玩得開心又relax!!
如果旅行係變咗不斷好緊張咁搵 check point 的話，咁一定唔會好玩。
而旅行的意義係咩？每個人都唔同，有人旨在探索下世界有幾大，揹幾廿磅背囊都無所謂，但最緊要有經歷。另一種人當然要 hea 為先，日上三竿先食早餐，悠悠閒咁 relax 就最好。
旅行的意義真係要自己定位的，今次營營役役的唔岩，下次咪輕輕鬆鬆囉，實有一次搵得到旅行的意義的。
to:casper
book個tour guide....簡稱book guide,yeah!
diu, 樓上果個你真係好Q無聊! 不過我鍾意!
我每次自由行情況都同你差不多, 體力透支比日常工作超出多倍, 但我倒享受去一個陌生地方睇新鮮事物嗰種精神上嘅relaxation, 況且我一定唔會 check office 嘅 email
同意退休後去旅行係最理想時機, 但屆時已經無氣力去趕車同埋搬行李上落, 要參加豪華團啦!
旅行的意義係.. 去完旅行個人會開心左~
:)
naruto: 我去旅行前直情會編邊日去邊食咩野添, 不過好多時都係因時間關係跟唔足.
casper: 好有旅遊顧問feel呀.
karvitz: 所言甚是, 定位好重要, 但要同行的人跟你定位一樣先得.
ocean: 你呢種係精神上relax, 但肉體勞累喎.
fun: 0岩聽, 如果去完冇開心度係咪即係失敗呢?
睇過你（地）幾個遊記，的確俾我有d 趕既感覺
我而家一 d 旅行的意義都冇，不知何年何月才會再出發
Post a Comment