明晚她就開show, 由兩場減到得一場, 無疑主辦單位之前太樂觀了, 雖然我不明白為何香港人喜歡孫燕姿多一點, 不過我大概看過她化身阿密特的演唱會setlist, 的確很富冒險精神, 除非是diehard fans, 否則應該很多悶場. anyway, 藉此發表我的十大.
第十位: 我無所謂 (1997)
淡淡無奈卻腰心腰肺.
第九位: 如果你也聽說 (2007)
第一次聽沒有太大感覺, 但細心再聽加上看完MV後加了很多分. 周董的曲很周董, 但套在張惠妹卻沒有突兀的感覺. MV真的拍得好好. 早陣子超級巨星有人唱了這首歌, 結果即死.
第八位: 剪愛 (1996)
單單前兩句"人變了心 言而無信, 人斷了情 無謂傷心"已經夠絕了.
第七位: 不要騙我 (1998)
我向來都超喜歡這類曲風, 陶先生寫了這首好歌, 但唱片公司沒有大plug, 浪費.
第六位: Bad Boy (1997)
阿妹plug過很多首快歌, 最好un最好聽依然是這首.
第五位: 人質 (2006)
不是每一首歌都要嗌到超高音才是高水準表現, 人質只有結他伴奏, 阿妹淡淡的演繹已經足夠. 很多人說楊宗緯唱紅了這首歌, 我覺得對阿妹不太公平.
第四位: 我恨我愛你 (2001)
又一首安安靜靜淡淡然的演繹, 歌詞贏晒.
第三位: 我要快樂 (2006)
"我並不是天生愛寂寞, 卻被任何人都多, 就算把世界給我, 我還是一無所有"
第二位: 哭不出來 (1997)
這是我的K歌! 但我的真的很久沒有唱了...
第一位: 記得 (2001)
每次聽都感動到我, 每次看MV都令我眼濕濕, 那次聽她現場演繹令我哭得出來, 你說怎會不是第一位呢.
至於她最紅的"原來你甚麼都不要", "聽海", 我想實在聽得太多了, 所以已經有點厭, 十甲不入!
你又有沒有被她的歌感動過呢?
5 comments:
其實要數我人生十大演唱會，a-mei響香港既首次個唱《張惠妹321空降紅館》演唱會必定入選.. d觀眾空前咁high！我記得我病住(發燒)都死去睇，睇完出左一身大汗，好返！(當年我有份幫呢個演唱會寫電台稿架)..
跟住99年響舊機場我都有去，不過個floor plan比較差，影響左~
此後就對a-mei熱度退減..
講我最愛a-mei作品，有一首係大家未必特別留意既.. 一夜情.. 打歌既時我好鍾意熄晒屋企所有燈，然後扭大volume聽 :)
今晚睇得開心d!
好耐無聽返佢既碟~ 一時諗唔到仲有咩荀野~ 但以下呢兩首一定同你一樣入係十大:
"不要騙我"係遺珠,一聽已知係正野,當年去K都有唱架,無人跟到我唱,可以獨唱~
"記得"係經典, 真係愈聽愈心酸~
睇過呢個entry, 先發現自己原來只係認識90年代中期嘅Amei, 10首歌我只係識得"Bad Boy" 同埋"哭不出來", 仲有比你踢出十大嗰兩首.
即刻睇下CD架,原來只有Amei一張CD, 就係"牽手", 再攞起睇下, 原來隻碟有第八位嘅"不要騙我",但我一D印象都無, 証明我無用心聽過呢張碟!
點解無聽海? (本人路過...)
Fun: 我沒有睇佢頭兩個Show, 可惜.
我都鍾意一夜情呀, 覺得佢跟台灣三大才子(周董, leehom, 陶生)合作, 都是陶生跟她最夾.
ogake: 我都有唱過一次不要騙我呀. 都係其他人唔識唱..
ocean: 你剩係鍾意孫燕姿架啫
無名氏: 已經講左點解.
Post a Comment