蛇王

蛇王跟營業員彼此有親密關係, 我敢講所有營業員都有蛇王經驗 - 由自動延長午飯時間至兩小時, 至出外shopping, 回家午睡, 甚至約朋友去雀會打牌都算是等閒事. 我想蛇王就是自由的副產品.

我曾經在某電訊機構工作, 營業員多達廿人, 每天一朝必要回到公司, 開過例會捽完數後就成為自由時間. 可以奉旨的出外吃早餐, 然後大部份sales都會離開公司, 有的真的出去跑生意, 但有更多的是做自己事, 莫講營業員, 就算是老板都一齊蛇王, 總之每月做到quota就ok.

但我亦曾為某招聘刊物工作, 我的老板卻是一個管教極嚴的媽媽, 還有其他同事嚴密監察, 出去蛇廿分鐘都會被揭發, 這份零蛇王的工作又令我大開眼界.

我在現役的公司已經年半, 蛇王的次數亦都極少. 其實老板不太理會我, 就算很午飯吃了三點才回到公司他都不會像媽媽般問東問西. 一來工作又真的超忙, 就算是你出外蛇王, 客戶一樣會打電話來, 可說是避無可避. 二來老板亦豎立了好榜樣, 令到我們都不好意思亂來. 三來我又真的很喜歡這份工, 自然不會經常想著偷懶. 不過我都是人, 老板這兩個星期放假, 趁著這陣子工作不算太忙, 我成功找到兩個機會回家來一個午睡. 可惜老板下星期便復工, 我亦要努力為Q2鋪路, 所以蛇王行動亦暫告一段落.