其實這個我最喜愛的系列都是在有某歌手出碟/開show的時候才會寫, 陳慧嫻可算是我小學時代的favourite, 無論溫柔情歌至騎呢西歌(如: 貪貪貪, 變變變, 甚至後期少少的不住怨婦街)我都聽得津津樂道, 在上週五晚的聚會, 講開看演唱會, 某人問我為何不寫我最喜愛的陳慧嫻, ok, 既然有request, 我都好樂意寫她. 要寫十大好難, 因為我有57首Priscilla的mp3, shortlist的已有20首, 最後減了又減才得以下:
第十位: 逝去的諾言 (1984)
試問那位八十前的朋友不曉這首歌? 當年家父很喜歡這首歌, 所以我都日聽夜聽, 很快便識背, 但對歌詞的認識一概不曉, 幾歲會怎會明白"愁懷滿臉"同"輕拂走遠"呢?
同碟的"多少柔情多少夢"我都很喜歡, 不過名額有限, 高票落選.
第九位: 飄雪 (1992)
當年karaoke冒起, 唱片公司開始替旗下歌手出原裝正版karaoke MV, 飄雪是第一批作品. 92年陳慧嫻在求學中出版了歸來吧. 沒有回來宣傳, 但好聽自然好賣. 內裡有幾首出色作品, 飄雪是當中我最喜歡的作品. 現在才發現原來mv有很多半裸男!
第八位: 玩味 (1998)
出此歌之時她的聲勢正向下滑, 愛戀二千小時概念好, 但歌曲質素普通, 當中最喜歡是這首, 特別喜歡副歌中的天老天荒星空轉移, 轉不去我對你的真摯. 唯一要彈的是chorus有些高音很勉強...其實低半個key都得啦.
第七位: Joe Le Taxi (1988)
就是喜歡歌曲輕輕鬆鬆, 很寫意. 還有MV中她的舞姿...十個正!
第六位: 夜機 (1989)
88-89年正是她的顛峰期, 好歌不絕, 夜機一聽前奏都覺得好聽啦.
第五位: 今天夜裡總下雨 (1995)
隻歌編得好jap, 寫好朋友搶了自己的男朋友亦寫得好.
第四位: 跳舞街 (1986)
我真的覺得跳舞街是好好好聽的作品!
第三位: 痴情意外 (1986)
小時就是被前段的海浪聲+清唱攝住. 記得小時候還問家父為何"也許痴情全是老人的意外"? 家父說是"惱人", 但我完全不明白惱人究竟是甚麼人.
第二位: 傻女 (1988)
整首歌每一句都歌詞長長, 但歌詞及旋律都好易唱, 小時就好像念口簧地一字不漏地唱, 到現在還可以!
第一位: 幾時再見 (1988)
一來我很喜歡original, 二來編曲好精采, 將74年的英文慢歌搖身變成輕鬆快歌. 現在聽一點都不覺得舊.
雖然我喜歡她, 但她過去兩次演唱會我都沒有看, 因為有人說她的現唱演繹差了很多, 再加上自從她與醫生男友散了之後, 又好像將自己收埋好一陣子. 其實以她的金曲來說, 像憶蓮幾年開一次show, 就算沒有新歌都應該keep住會有捧場客.
席間有人說如果陳慧嫻再開演唱會的話一定要拉我們去看.
好的! 一言為定.
11 comments:
我覺得Pricilla最後一張大碟"情意結"好好聽, 好可惜未能翻身, 08年come back首"無名指" 都唔錯, 但連大碟都無出過!By the way, 佢近年嘅言行好似怪怪的, 不過, 再開concert我都會睇
你list嘅10首未能將好歌盡錄, 我再加多12首, 哈哈:
情意結
無名指
二人時間
我心不死
戀戀風塵
甚麼都想要
奇妙旅程
我寂寞
Jealousy
紅茶館
貪貪貪
反叛
陰功，我大部份飛佛都落選添！
講慧嫻我都相當有資格，因為佢未出道我就“睇”佢~
當年有個joint school talent show，港島一男一女校對九龍一男一女校。敝校拍瑪記對喇沙加聖瑪利！其中一個環節係鬥唱歌，敝校派出鋼琴高手伴奏瑪記代表陳慧嫻唱出一曲《風裡的繽紛》(曾路德)！未on show已聽師兄們話呢位瑪記妹歌藝超凡.. 正式比賽嗰晚我都係座上客，慧嫻一開聲已嚇得全場鴉雀無聲，因為把聲真係靚到無朋友~ 喇沙嗰邊係扮西城秀樹，真係行埋一邊啦~
當時已經覺得佢應該去唱歌，點知過咗兩年就出少女雜誌！
初期嘅慧嫻我都好鍾意，但始終佢係fashion sense同舞台表演都唔係好掂所以始終對佢係爭啲..
近年佢唱live真係好嚇人，前兩年睇佢star hall嘅演唱會，我都戥佢一額汗，啲高音.. 舞姿就唔駛講添啦！
希望佢可以開開心心，養返好個狀態，做場有口碑嘅騷過大家睇啦~
Dear Artman，
唔好意思，想講俾你聽，《逝去的諾言》係來自《少女雜誌》大碟，而《多少柔情多少夢》係來自《故事的感覺》大碟。同《多》同碟嘅hit song有《玻璃窗的愛》。
第五位: 今大夜裡總下雨係我至愛呢, 因為咁岩當時我亦都有類似既經歷!!!
"差一分鐘, 天就黑哂" 呢句真係經典中既經典!!!
我的十大：
傻女（第一首真正認識她的歌，經典之作）
痴情意外（另一經典）
去吧（第一次個唱聽到，感動）
秋色（滄海遺珠）
夜機（每次一個人撘夜機總會在心內回響）
玩味（概念大碟主題曲）
距離（概念大碟尾曲）
飄（新風格，應該是她最後一首年終叱咤十大）
情意結（陳輝陽一手打造近年佳作）
我心不死（同劉華合作廣播劇主題曲）
ocean: 我今日才第一次聽"無名指"! 你的12首, 只有戀戀風塵在我的20大.
fun:你有幸聽到佢唱風裡的繽紛, lucky you!
black lab:多謝指點, 對是我寫錯了, 其他我是想寫同年, 但錯寫了同碟.
TT: 嘩咁悲? 不過都係15年前既事啦.
黑柴: 傻女係你第一首真正認識佢既歌? 好遲喎. 除了共你相同的4首歌外, 其實6首都不在我的20大! 不過我都ok喜歡去吧+秋色.
點解無玻璃窗的愛，去吧，與淚抱擁，人生何處不相逢，歸來吧，花店，紅茶館，孤單背影？
傻女個陣郭富城仲係老茄！！！
舊歌唔使講, 隻隻都係金曲~
除此之外, 呢幾首我都好喜歡~ 都有D幾冷架~ 你又識唔識?
情意結
你留低的信
心就要飛了
緣了,就是完
我心不死
今天夜裏總下雨
銷魂夜
披星戴月
長情
又遲咗添：
０１. Joe Le Taxi
０２．飄雪
０３．儍女
０４．明日有明天
０５．玩味
０６．Love Me Once Again
０７．秋色
０８．貪貪貪
０９．去吧
１０．夜機
alan so: 有一半在20大, 名額有限.
ogake: 唔識你留低的信, 心就要飛了, 長情.
leo: 有一半一樣喎, 我同你算係最接近.
咁多人提起"情意結". 我真的麻麻, 因為我覺得只是陳輝陽在他的作品改少少的新作, 悶!
其實好像ogake所講，舊歌幾乎隻隻都係金曲，所以我之前選擇了比較近年的作品，以下亦是我喜歡的：
今天夜裡總下雨（點解冇大hit?）
與淚抱擁（又係經典）
心就要飛了（國語）
把悲傷看透時（越聽越有味道）
可否（竟然遺漏了我至愛之一）
你留低的信（一聽便哭！）
樓上話近年佢唱live好嚇人，star hall嘅演唱會我亦有看，以佢當時病都有咁既水準，我冇投訴，唔信睇番dvd，若佢都叫差，咁劉小姐，鄭小姐，楊小姐，謝小姐又叫咩呢？
Post a Comment