嚇人廣告

做了廣告sales差不多3年, 這幾年留意得最多的就是廣告, 屬於自己category的時裝廣告當然特別留意, 但就算坊間的廣告都多了留意, 看雜誌會特別留意廣告, 行街會特別留意週圍的billboard, 上網亦會看廣告banner, 搭巴士會留意roadshow. 最近看到幾個嚇人的廣告讓大家笑下/藐咀都好.

職安局: 又再一次證明政府廣告要幾爛有幾爛. 找黎耀祥拍, ok! 他扮裝修工人沒有錯. 一人分飾兩角都無錯. 拍攝角色那些老套zoom-in zoom-out都算, 祥仔那些台風/肢體語言都算數, 但最奪命的是黎耀祥的歌聲. 我在巴士時看到此片段都除去耳筒細心聽他的落力演繹, 沒有大走音, 沒有大甩beat, 但就是好難頂.
大家一定要看及留意下面時間:
1:35的"佳績"
1:54的"記住, 呀呀..", 再加上那個肉緊表情, 好爆.


雀巢茶品: 呢啲+茶? 都不知誰人會想起這個爛點子, 解釋呢啲生果+茶就是呢啲+茶, 差. 還要找個扮得疑似lady gaga的人去associate呢啲+茶, 好爛. 還會那些生果衫, 全錯.


大快活: 點都唔落味精. 可憐阿mag - 處女電視廣告就就獻給大快活. 每次聽到呢句"唔落唔落點都唔落"都會想起打台灣牌被人連拉了三鋪後的情景, 究竟落車俾錢還是點都唔落?


不過有一個廣告要讚, 就是網上行. 陳豪拍了多個版本, 這個最得. 特別是那一句"佢先係荀盤, 不過網上行最荀, 免費6個月" 呢句對白好ok!


以上4個廣告都好笑, 不過最大分別就是恥笑還是會心微笑.