Amanda S.其實幾聰明, 不再行show後就跟蔡瀾做飲食節目主持, 上美女廚房讓觀眾知道原來她不是model咁簡單, 然後再順理成章高調去法國學整餅, 然後回來去caprice實習, 再開拓自己的麵包蛋糕生意.
位置在ifc 2樓某角落, 一定不是旺舖, 不過就有隔鄰starbucks帶到一點人流. 早前上網看到報導蛋糕一早賣光及要在對的時間才買到, 於是剛剛的星期六下午見得閒又撞正3點半便碰碰運氣.
去到已經見到有廿人排隊, 曾經有一刻打算放棄, 不過既然一場來到就即管等.
當日amanda都在舖頭, 不要以為她只是行行企企做生招牌, 確實她又親力親為為客戶買的蛋糕放入盒.
真的是實幹.
繼續帶著迷人笑容.
這些蛋糕確實賣相不錯, 顏色取悅所有人, 未嘗先加印象分.
最作狀的就是這個盒. 其實是有心思的, 不過作為男仔拿著這個蛋糕盒在街行來行去就不太適合, 女士就反而會覺得很有趣.
我買了兩件蛋糕. 梨慕士蛋糕 + 拿玻侖.
據聞梨慕士蛋糕是鎮店之寶, 味道不錯, 清新平實, 沒有一鳴驚人但亦沒有失望.
拿玻侖都做得不錯, 吉士不太甜, 酥皮不夠五樓的酥, 但又不是實dead dead. 價錢合理, 兩件共$83, 但要排隊半小時, 值得與否見人見智.
嘗過這裡的蛋糕會令我不期然比較zoe及ms B's bakery.
Zoe: 最平實的餅店, 沒有特別裝修, 沒有騎呢蛋糕, 一切以用心製作及出色蛋糕做賣點.
amanda: 蛋糕平實, 但個盒勁作狀, 還有自己做生招牌, 女顧客覺得她可人, 男顧客覺得她迷人.
ms B's bakery: 作狀到極點, 雕花的蛋糕, 3件1set的規舉, premium的價錢, 一切都覺得好像冷冰冰, 但味道又非常對辦.
無論作狀定平實都各有捧場客, high-end西餅絕對有得做, 希望有更多整餅人造福我們這班蛋糕人.
3 comments:
其實個三角盒唔算作狀啦, 只係有design甘解姐 :)
ms B's bakery簡直難食(但SEVVA係好d架, 奇)但遲d仲會響天后開多間 @_@"
我又覺得ms b ok喎, 唔通你食嗰件好難食?
我鍾意個盒喎，靚呀！
Post a Comment