日與夜

一曰24小時中, 大家的最佳時間是幾點? 我所指的最佳時間是精神狀態最好的一刻.

很多人都會揀早上, 因為經過白天的活動, 精神狀態亦會隨著時間的過去而變差.

我就偏偏大不同, 從不同方面可以看得出.

1) 跑步: 晨早跑步精神好, 但我早上跑步總覺得比夜晚跑辛苦. 試過跑三公里後已經頂不住, 夜晚跑無論室內室外都無難度. 雖然去年參加的三個跑步比賽都是一早舉行亦都順利完成, 不過都是咬緊牙關, 我肯定夜晚做出的時間更佳.

2) 打羽毛球: 上一個星期日打早上11點, 剛過去的星期日打夜晚7點, 打完後可以輕易察覺到日與夜打波的分別. 早上打波出手較慢, 腳步較慢, ball sense較弱, 好像還未睡醒還未回魂. 夜晚打波較為有力, 反應較快, 打位都打得刁鑽一點.

3) 見客: 我其實不喜歡一早見客, 因為狀態麻麻, 轉數都慢半拍. 但我更不喜歡下午3點見客, 我精神最好的時候, 偏偏就是其他人吃完飯覺得最睏的一刻, 不下數次見到客人極力張開已經半合的眼睛, 眼皮不斷震動, 但由於眼皮已累積了千斤重, 最終都是倒下, 浪費大家時間.

4) 捽數: 跟老闆開捽數會一定要夠精神, 否則未必應對到他忽然想起的一些問題. 試過朝早開會, 應講的當時又記不起要講, 不想講的由忽然按了自爆掣毫無保留. 所以之後我要求改為較後的時間, 讓我有足夠時間調整好思緒.

好明顯早上我其實不太productive, 午飯過後就開始發功, 所以有同事常常以為我好勤力晚晚八點才收工, 實情就是早上不事生產所致.