回憶總是意難忘 (Day 10)

終於寫到最後一天. (其實已經事隔剛剛兩個月)

一般人都說米蘭並不是一個旅遊城市, 除了米蘭時裝週+無限名牌坐陣之外, 其實數得出的主要旅遊景點應該可以用一隻手數完, 而當中大家一定會講得出"米蘭大教堂".

在旅遊天書看到米蘭大教堂的相片都已經嘩嘩聲, 所以是日吃完早餐就立刻坐地鐵參觀. 一出地鐵站上到地面一刻眼前就見到這個畫面.

除了嘩就是嘩.

大教堂內裡的主要地方都是免費的, 但並沒有像其他三個城市的大教堂要排隊進場. 試著向上望教堂頂部, 高得頭有點暈.

去教堂我對這些窗特別好奇, 因為每一格都不同, 好誇張.

教堂後面其實都好靚.

教堂是可以攀頂, 而且是有lift, 因為我們拜訪的時間尚早, 不用排隊就可以直上. 當你上到上面, 就自己可以理解為何這個教堂起了五百年才完成. 每一條支柱都有其特色, 構色這個教堂的人絕對有精神病, 而起的那班人有更嚴重的精神病. 但就是多得這班人才可以令後世人有機會見到難得一見的建築物.


最後當然要找旅客甲幫手來一個合照.

下一站就是去看最後的晚餐的真蹟, 要看這個真蹟要預早幾星期訂, 因為每節半小時只能招待廿個人參觀, 所以沒有walk-in排隊這回事. 我在早兩三天才上網訂, 但已經full了. 唯有問意大利朋友幫手, 果然他有他的辦法, 幫我們訂了票.

就是靠他, 否則alan就會失望而回.

欣賞完已經兩點, 要去吃過late lunch, 臨行前有朋友在雜誌剪低了有關just cavali cafe的報導, 於是就一心去試試. 誰知去到才發現已經執笠, 於是隨意在附近的cafe解決.

普普通通的長通粉.

賣相極醜的千層麵, 但味道其實尚可.

米蘭既然是時裝之都, 就好應該利用下午的時間去買買買, 但我們對所有高級名店都是過門不入, 反而就行了香港都經過逛的zara. 這一間zara有4層, 結果出事了, 因為實在太便宜, 所以又買了不少戰利品.

去到大教堂大家的視線都停留在這裡, 但其實側面都有一個頗有特色的迴廊.

迴廊確實都是靚的建築, 至於下面全部都是店舖/餐廳.

帶著戰利品回酒店稍作休息, 然後本來想去較遠的地方食晚飯, 但因為實在太累的關係, 最終我們在酒店隔鄰的餐廳.

叫fashion, 但格局完全跟時裝無關.

前菜來個熟蝦.

主菜來個烤羊鞍, 在意大利進餐不須太著重manner, 一於用手拿來吃, 好滋味.

還有這個對摺的pizza, 其實餡料都是一般pizza有的東西, 只是對摺了.

portion勁大, 但最後都統統幹掉.

十天的意大利行程就此結束, 多謝收看. 這個回憶總是xxx系列要到2012年才會再跟大家見面, 因為blog主跟alan都要努力儲彈藥於明年一月時奉獻給親愛的稅局.

妖!