2011演唱會第十二回: 關淑怡+黃耀明

整件事由知道到發生都只是三個星期的事. 十月中的公司晚宴中坐我隔離的同事跟別個說關淑怡+黃耀明將於11月在澳門開演唱會.

吓??

這個組合又不算太odd, 大家都出道於80年代, 況且又合唱過萬福瑪利亞, 而且兩個人都出名唱錯歌詞發台瘟, 所以某程度上都幾夾. 我只是奇怪事出突然, 少於一個月的時間做promo, 會不會只得6成入座率呢? 聽同事講是因為有人之前訂了場但取消了, 於是有人執死雞從而倉卒地造就了這個演唱會.

開賣第一日早上已經上網訂票, 最貴都只是$588包來回船票, 算好經濟實惠, 不過原來都只是側面位. 中間最佳位置全部納入為VIP區 (後來才知是人山人海包了這個區).

是晚八點半左右開show, 都算準時, 入座率都有9成以上. 先由明哥打頭陣, 我還跟朋友說可能關淑怡才剛剛到澳門. 我對明哥只是普通, 普通的程度是有免費演唱會都不會去看的那種, 所以我完全沒有寄望, 只是暗裡等他幾時唱完. 一開始先來難得有情人, 即刻有甩咀的情況出現, 不過既然是別人的歌, 可以接受. 不過後來唱石頭記時都甩咀都真的有點過份啦. 他還唱了春光乍洩/四季歌/今晚星光燦爛, 加幾隻我不認識的歌. 另外就翻唱了暗湧/忘記他/抉擇, 還有嚇人的萬水千山總是情+上海灘系列.

過了75分鐘後才等到關淑怡現身與明哥合唱漩渦.

然後就開始solo時間, 先翻唱達明的忘記他是她, 帶我去跳舞/夜迷宮/眾生花/她需要你他需要你, 雖有裸男伴舞但氣氛麻麻. 然後氣氛一轉唱了地盡頭, 再一次完美的演繹博得全場歡呼, 她被掌聲感動了.

然後又翻唱了盧冠廷的但願人長久.


天梯.


還有薔薇之戀/繾綣星光下/天規/關於我.

期後明哥出場合唱了So sad/芳華絕代/萬福瑪利亞/bad romance.

關淑怡交足功課, 至少我相信有rehearsal, 有為這個演唱會準備, 狀態亦好好, 少發瘟. 反之明哥就有點hea, so sad入到錯晒, 要shirley幫口唱都繼續錯. anyway已經好滿足.

報紙寫shirley入紙申請明年再踏紅館...爭氣啦.