再度...五樓廚房

今年五樓廚房真的賺了我們不少錢, 除了訂了好幾次蛋糕外, 星期日又再幫襯他們食晚飯. 事緣是這樣的. 本來上星期五晚是打算去食Le Fauchon, 去到才知冇位, 問要等多久又說waiting list好長 (誰說現在經濟低迷???) 跟住之前我曾經提議去5樓食, 不過alan一句"發左呀?", 便打消念頭, 當晚亦只是食兩興了事.

星期六他跟其他天蠍座的朋友打生日盃(廣東麻雀), alan特意去5樓訂生日蛋糕, 去拿蛋糕時, 看到waiter拿著一碟天使麵, 便問老板娘是甚麼, 知道後回來即跟我說此事, 好吧, 星期日一早訂位. 是晚食了甚麼呢?

食飯前先來一張等食照.

當然是先來麵包, 白包+麥包+提子花生包, 是晚每人吃了一客.

看相他一點都不像10日前醫院做了全身麻醉手術.

alan點了4-course, 先來沙律: 帶子沙律, 之前食過, 水準依舊超得.

我點了6-course 神秘 tasting menu, 一樣是先來沙律: 溫泉蛋馬介休沙律.

撥開上面的雜菜就可以清楚看到蛋. 好味, 不過如果溫泉蛋可以熱一點就perfect.

tasting menu第二道: 賣飛佛 - 鵝肝. 先食鵝肝, 然後吃芒果清清味覺, 再吃迷你鴨肉卷, 整多條就差不多.

鵝肝close-up: 好得, 冇筋.

alan第二道: 海鮮湯, 上次亦飲過, 一樣普通, 甜味是由雜菜搭夠, 不是海鮮.

我的第三道: 雜菜清雞湯, 上次tasting menu一樣都是這個, 都是一樣普通, 坦白說史雲生更有雞味.

我的第四道: 黑豬, 已經是第三次食呢道菜, 第一次食驚為天人, 第二次大失水準, 今次回復水準, 煎得剛好, 超juicy超嫰, 跟alan研究可能上次太多客兼顧不來, 今次得幾檯客, 廚師更有心機慢慢做好.

alan期待已久的主菜終於上場 - 蟹粉天使麵, 看來勁多蟹糕勁creamy.

alan吃完一口又來"唔....唔..."的呻吟聲. 雖然有點蟹殼及比想像中少蟹粉, 但味道確實一流.

我的第五道: 海鮮扁意粉, 用了mussels做主角, 勁juicy, perfect.

最後當然是甜品時間.

alan點的是栗子pancake+黑芝麻gelato, pancake偏多油, 只算普通.

我特別要求要檸檬批+桃味雪糕, 兩者超夾.

食完埋單$1100...偶爾豪少少, 加上alan鍾意在所不計.

Billy Joel 演唱會

年近60歲的Billy Joel出道30多年終於來港開演唱會, 對於我地呢班聽老歌的人來說實在是欣慰, 更好的是有業sir的幫忙有免費飛睇$1280的位置!

演唱會8:30開始, 已經算是十分準時! 我們坐的位置雖不是面向stage, 但因為大部份時間他都是邊彈鋼琴邊唱, 所以在他經常側側身的情況下, 他就好像面向著我們來唱, 所以位置可算是非常ok.

我不是Billy Joel的超級歌迷, 在我3,000千多首英文mp3入面, 只有14首是他的作品, 所以已經預計有些歌會比較陌生, 果然一開始的歌曲我完全沒有印象, 連業sir都被考起..不過到了第三首歌就唱了我最喜歡他的作品.

跟我同年的Honesty, 這是06年在東京的live版本, 比較上來今晚他的演繹更佳.


接著當然有另一成名作 - Just The Way You Are


充滿熱帶風情的Don't Ask Me Why - 常常覺得鄭秀文的熱愛島是以這首歌做藍本.


到中後段開始唱一連串節奏強勁的歌曲, 如We Didn't Start The Fire, Big Shot, It's Still Rock & Roll To Me, 不少觀眾都湧到台前, 很有外國concert feel.

經過兩小時無間斷的表演後, 以Piano Man作為final song.

除了intro不是Sukiyaki外, 整個arrangement都是一樣, 一樣有sing-along位.

果然是薑越老越辣, 除了聲線是有少許沙, 加上年紀以致部份歌曲要降key唱之外, Billy Joel的表演非常精彩, 跟30年前沒有太大分別, 可惜有部份歌曲如Uptown Girl (他在之前的訪問已說過不會唱), Tell Her About It及 The Longest Time. 不過世事又豈能盡如人意, 其實可以聽他現場演繹, 心足矣.

手術前後

手術前:

要著壓力褲, 著到佢幾slim.

玉(肉)背+性感紙底橫

個look超攪笑, 還要V字手勢扮鎮定 (其實心入面驚到死)

生仔帽...

手術後:

插晒喉, 強顏歡笑(其實我想叫佢合埋眼扮昏迷)

又V字手勢...今次是扮精神 (其實佢當時呆呆滯滯)

隻手當然都要插喉

吊鹽水續命

笑唔出喇

我買的casablanca, 無人不讚, 因為真係好香, 一入房就聞到.

兩日後alan將佢解體

close-up, 星期三買, 到星期日出院還未現頹勢, 還在想是否要拿回家裡, 姑娘提議獻給聖母, 也好.

手術後3日, 亦即是alan牛一之日:

見到有大閘蟹食仲唔精神晒?

巨蟹, 油都標晒出來.

大隻得有點嚇人.

超多膏.

嘩...話晒都成$240一隻架, 所以超誇

醫院有鬼....影

服侍左alan兩個禮拜後殘晒, 影相都冇厘神氣.

回憶總是古希臘(Day 9)

今天已經是希臘的最後一天, 在酒店吃早餐時竟然又撞到之前在米島+聖島經常遇到的一對香港人, 超邪, 女的依然咀藐藐, 男的依然贛居居...anyway, 之前計劃了的行程有點改動, 因為他想去奧林匹克運動場參觀.

原來遊客只能在外面拍照, 不能入內參觀.




場外各遠處望就是衛城, 現在不得不佩服我們早幾天在極曬的天氣下完成衛城之旅.

參觀完只是在附近走走, 及盡最後衝刺買少量手信給朋友. 中午一點就返去酒店check-out, 接著乘地鐵去機場check-in, 很邪, 在車廂又再碰到那對香港人去機場.

check-in後用盡所有的零錢吃午餐, 其中一檔是賣中菜, 叫的炒飯及時菜肉片都是典型在外國吃到的味道 - 不好味!

希臘之旅正式完結, 還有一天在杜拜, 不日送上.

出院

兩星期的住院日子終於結束, 醫生亦給了alan多一個星期病假留在家好好休息, 不過alan公務繁忙, 未來幾天都要回公司處理一些事務, 總之他自己小心一點便成了.

看到足足有三版的invoice及銀碼我便想起呢個廣告.


其實alan張單比起廣告的銀碼更大...粗略計算公司的保險亦只能cover一半金額...這個教訓未免代價太大了.

之前曾經計劃過的聖誕遊一定去不成, 一來當然跟這次龐大的手術費有關, 不過alan的身體狀況亦不宜遠遊, 無所謂吧, 反正今日已去了兩趟旅行, 還有去了希臘, 心足矣.

四十有一

alan今日四十有一, 生日要在醫院渡過, 聽落好似有點唔老黎, 不過就是要這樣讓他好好明白 a)不要跟年紀拗氣, b)不要太好勝. 作為他身邊的男人, 要講的都已經講過, 他要堅持我又豈能阻止? 希望這一刀不但永久印在他皮膚上, 亦永遠印在心中.

生日既然要困在醫院, 我的責任就是要他高興. 晚餐有他家母安排, 所以午餐準備了他的至愛 - 大閘蟹. 在老三陽買了一隻八兩巨蟹(公), 單單這一隻已經$240, 自己一定唔捨得食, 但為了alan就一定捨得, 再加一隻5兩(雌). 隻八兩蟹, 我試了一丁點, 好味得不得了, 但想起在病房食大閘蟹真的超誇張, 姑娘見到都有點驚訝. 生日又點可以沒有雞/鵝脾? 一整隻鵝脾, 我又試了一口, 鵝脾果然跟鴨脾大大不同, 還有他老細買的小蛋糕, perfect! alan應該都非常滿意這一餐.

晚上我還帶他潛逃去了球場看他的隊伍比賽, 可惜最後還是差一點點輸掉比賽, 否則應是不錯的生日禮物. 講起禮物, 今年沒有準備禮物, 因為這兩星期實在很忙, 連休息時間都不夠, 幸好alan明天終於出院, 亦代表這兩個星期頻撲的生活可以告一段落.

接下來的康復過程我可以幫的不多, 唯有靠他自己生生性性了.

手術日

還以為alan的手術日我可以清閒一點, 原來是更忙. 趁見客前空檔去幫他穿手術袍+拍照留念. 見完客回到銅鑼灣已近午飯時間, 12點多還打給我說手術要delay少少, 1點去到房已經唔見左佢. 接著便到agnes b.花店打算訂Casablanca, 點知冇貨, 幸好有多一間後備都是在公司附近, $800成交, 最後午餐只是急忙買了一個勁難吃的豬排飽回公司食.

未夠六點已經標出去拿花, 嘩, 超大束. 去到病房, 佢已經醒番, 只是麻醉藥還未過氣, 顯得有點迷迷糊糊+想作嘔. 他大佬+大嫂已一早到了, 他們亦很識趣, 說要下去等他家母過來, 讓alan跟我有獨對的時間, 他見到我第一件事就要我開抽屜拿出他寫給我的信, 都幾感動.

最後我陪他到9點才離開, 可能因為現在總算舒了一口氣的原因, 整個人累得不得了.

最後要多謝所有問候alan的人, 特別是wordy今晚的SMS.

alan的手術前後實況遲些再給大家看.