不經不覺六年了, 回想2002年5月11日晚, 我們就在登龍街某大廈的3樓遇到, 在黑暗中胡里胡塗一番, 期後離開時又再次撞番, 繼而食飯, 繼而約會, 繼而正式行埋, 繼而嘈交, 繼而鬧分手, 繼而冇事, 繼而維持了6年? 我諗當時大家都冇想過事情會進展去呢個程度. 我亦覺得事情是冥冥中有註定, 要不是離開時再遇, 相信往後大家的際遇亦大大不同.
今日跟alan同佢媽媽一齊飲茶, 在alan去洗手間之時, 伯母跟我說了她只怕她的兒子行差踏錯. 我跟她說了不用擔心, 因為有我睇住佢, 此時我看到老人家的釋懷. 知道auntie素來對我印象不錯才敢說這句話, 亦感謝auntie對我多年的信任.
雖然我難以保證往後大家還有幾多日子一齊, 不過我敢講我會讓他好好過.
買不到LV波鞋給他實在有點遺憾, 所以今年應該沒有禮物給他. 晚飯將會在跑馬地的French Cottage, 希望有驚喜吧.
4 comments:
最近做緊Ｄ同愛情有關嘅Job,睇完呢篇，諗起呢句，送比你。。。
"I will walk beside you,
I will push you forward from behind,
and I will run ahead and encourage you forward,
all because I love you."
祝白頭到老
有緣千里能相會，無緣對面不相識
有時候，你的網誌倒是很赤裸裸的 :)
naruto: 多謝多謝, 不過現時我們未"到老"都已經"白頭"了.
wordy: 對呀, 要是諸多隱瞞便乾脆不寫, 平常工作時帶面具講假說話的情況太多了, 所以真的要寫點"赤裸裸"的東西平衡心理.
我都想有....唉....!
Post a Comment