報了10km挑戰組, 意思即是要70分鐘內完成賽事, 報後才有點不安, 因為以往很少跑10km, 多數6-7km便收工, 所以最初有點擔心頂唔頂得住, 再加上挑戰組可能大部份都是勁人, 要是跑包尾就真的肉酸, 於是這兩個月期間開始加練...weekday夜晚去運動場跑, weekend去gym跑.
上週日要去維園拿下面這一袋東西.
究竟有甚麼呢? brochure, 運動員須知, 廣告單張, 貼紙, 紀念品
紀念牌面
紀念牌底, 其實對我來說都是垃圾.
大會指定參賽T-shirt, 但我好想DIY剪左個袖 - 跑步當然無袖會自在一點.
我是13484號.
其實當日最大的挑戰不是能否完成賽事, 而是能否起到身, 因為比賽5:15am起跑, 所以其實清晨4點幾已經要去維園準備.
如果當日訓醒時已經天光, 就真的恭喜晒!
7 comments:
報名參加已經好好啦~~我估你跑完我都未起身呀~~無論你起身咩天色,你之前既準備都唔會白費既~~叫埋Alan參加丫嘛~ 做多D運動呀~
見你想剪袖,我就諗起要著指定Tee參加function既女星,剪完袖仲要自己綁個結係腰~~你都試下丫~~
我覺得OGAKE講個look 幾啱你~~~你試下呀~~~~
係心口剪兩個洞.......露lin lin.......肯定震撼過陳X雲先生傳火炬!!!!!
我覺得渣兜馬拉松太貴同太comm囉.. 其實田徑總會每年都有好多次長跑(8k/10k/15k etc)，你有興下次可以send info過你，佢地收得平好多架~
你可以參考太陽計劃個d artist點樣剪件tee.. 至於樓上既提議唔係話唔好，可以迷暈d對手，咁你可以排前d，不過問題係剪兩個窿既話你個參賽號碼貼響邊呢下？
10km挑戰組你應該冇問題啦, 我上次跑都冇咩練, 你有跑開6-7km已經差不多, 一定頂得住!
發動香港力量!
ogake: 我跑完六點多, 係正常人都未起身啦. alan邊夠氣跑10km? 佢都係同你一樣醉心於排球運動算啦.
嘩...綁個結, 晒豬腩肉咩...
阿寶: 係都等我條腰去番29吋先啦, 不過除非生cancer暴瘦, 否則29吋真的有點遙不可及.
蘇生: 唔該晒, 個suggestion好好囉.......
Fun: 其實我都覺得貴, 幾舊水可以在東廊跑步值唔值見人見智, 有人話俾錢仲要半夜3點幾要起身為乜? 我都唔知...
下次佢地有比賽你send俾我啦, 唔該.
號碼牌..扣在條褲度啦, 橫掂要騎呢就唔爭在啦.
黑柴: 雖然未見過你, 但一睇相就知你係運動型人士, 你梗係no problem啦
加油呀！
好緊張呀！
Post a Comment