情人節之飯局篇

去年有兩次去跑馬地雅谷餐廳Amigo吃飯的機會, 一次是週年紀念日, 但因為無位而移師別處, 另外一次是alan生日, 他生日前兩個星期已經訂了位, 但偏偏因為alan入廠又錯過了.

今年alan訂了位 (其實是他同事又要食,順道訂埋).

7:00準時到達, 但alan比我更早到. 我一坐下就見到梁朝偉+劉嘉玲+幾位阿婆級的人一齊食飯. 劉嘉玲化行妝, 梁朝偉有老態, 不過依然有點charm, 果然是名人飯堂.

Amigo貴為老派法國餐廳, 所以東西都很classy. 你看, 這是個memo pad, 有訂檯人的名稱, 幾high.

玫瑰花+蠟燭又怎能少?

我們坐的位置是梳化位, alan是坐在我的隔離, 這是其他檯的擺位, 一樣classy到爆.

alan為了今晚悉心裝扮一番.

相比之下我就casual到爆.

由於是晚只是2月13日, 所以沒有甚麼情人節套餐. 有的是standard 3道$450, 4道$550.

那我們點了甚麼呢?

大家前菜都選了煎鵝肝, 但不知何解跟其他地方如5樓的感覺很不同, 口感是比較硬淨, 汁的卻是鹹的, 不是一般帶微酸, alan讚不絕口, 我呢...還是覺得5樓好食一點, 但我想說的是, 鵝肝好大塊.

湯: alan另外加錢點了這裡出名的龍蝦湯, 果然名不虛傳.

我點的是周打蜆湯, 有巨蜆數隻, 好好.

主菜前有sorbet清清口裡的味道, 柚子味, 超好味.

主菜: alan點的是烤羊扒, 超嫩, 可算是我吃過其中一間最好食的羊扒.

我點的是牛柳, 汁又是煎鵝肝的汁, 味道都好, 不過在別處吃過更好的.

甜品: 我們都加錢轉了馳名的拿破侖餅, 果然亦是一流傑作.

還有附送的朱古力, 朱古力一向我都麻麻, 不過alan說有別於普通朱古力, 果然是流心咖啡朱古力, 好得.

這間餐廳有3位樂手座鎮, 還會去每一檯給食客點唱然後即席表演.

因為alan只懂老歌關係, 我腦裡的mariah/alicia/celine全部用不著, 於是我點了air supply的all out of love, 這位賓佬唱功一流, 高音money note都絕沒欺場. alan剛點了超老歌last waltz, 賓佬有點被考起了, 部份歌詞記不起, 不過都真的很厲害. 最後以$200作為點唱費.

是晚除了晚飯外, 亦有交換禮物時間:

我送給alan的T700.

alan給我的EA手錶.

其實都不是為了情人節而買, 而是實際上大家都需要這份東西.

最後埋單, 盛惠$1500.

多謝alan, 亦都要多謝自己買了紮靚花給alan.