4點出門口, 正如alan所說我個樣口腫面腫.
乘的士到天后地鐵站, 不遠就看到非sponsor Adidas棟了一塊message board, 隨即有工作人員遞了一張紙叫我寫上名及參賽原因.
然後就可以貼堂.
參賽原因就是....幾"行".
依然口腫面腫
巡例拉下筋.
只是4點多...所以...唔好嘈呀
這裡就是要跟alan分開的地方, 仍然未睡醒般.
這些都是alan在等我之時影下的, 有這些無聊放個頭在窿窿的擺設..
alan走到終點觀賞區, 他一定悶得要命.
幾多人為親友打氣, 幸好我都有!
講回自己這邊, 4:45am已經去了起點站等等等等等, 直至5:15正式起跑, 一開跑就有意外了, 試想想人人衝衝衝, 一定會出事, 跑不夠幾步就聽到前面有人叫 - 有數人仆低, 幸好我及時剎掣避過意外.
是日天氣非常好, 19度有點涼意, 跑步最舒服, 再加上東廊很好跑, 5分鐘多少少便過了一公里, 心想今次成績應該不錯, 果然衝刺時間 - 51分3X秒, 比以往快了6分鐘左右. 衝刺前見到alan, 叫了他才看到我, 但趕不及影我衝刺了, 這張是我衝刺後alan才影下來.
還以為跑完可以直接去找alan, 但原來是不通的, 要跟指示還計時器, 兜兜轉轉...要找出路談何客易! 最後差不多20分鐘才出到街, alan見到我就像阿媽唔見左個仔一樣, "你去左邊呀?"(惡死語氣) 唉....JFSF#%#$%X@#%%%@#
完成大業, 影張相紀念. 跑完還聽著ipod.
巨鞋.
感動位二: 原來alan帶了毛巾+T-shirt給我換, 真抵錫.
跑完每位參賽者就像做都市閒情的現場觀眾一樣, 每人皆可獲得禮品包乙份.
有: 撤隆適膠布(嘩), 麥條兩條(嘩), 香蕉一隻(嘩), 屈臣氏補充水份飲料一罐,(嘩), 蒸餾水一支(嘩), 其實仲有個梨... (嘩)
剛消耗了幾百卡路里, 勁肚餓, 還未夠7點鐘, 於是決定飛的去中環蓮香飲早茶.
很多伯伯是意料中事, 但也看見一對像剛蒲完的"妹妹". 30年後我們會不會像那些伯伯一樣晨早飲茶, 一邊看蒲完的妹妹細聲講大聲笑呢?
跑完是精神了, 眼也開了, 但那對黑眼圈很搶眼.
妹仔 - 你又無份跑, 做勝利手勢幹麼?
來懷緬舊式點心 - 先來鴨腳扎, 我吃的那件卻是雞腳.
山竹牛肉 - 點心姐姐在我不為意時下了gap汁...怒爆.
蝦肉粉卷 - 幾好味.
排骨飯 - 排骨略"鞋"
發大咸水角.
牛肉腸.
應該大概廿年冇吃過的大包.
春蛋燒賣.
剛消耗了幾百卡路里立即回歸..可能還多了.
小弟今次成功挑戰自己紀錄, 令到自己心郁郁今年想挑戰15km...人要有目標才成嘛.
要多謝:
- 網友的加油支持
- iPod成為我跑每一步的動力.
- 沿路工作人員的打氣
- 當然最最最重要的是多謝alan這個妹仔.
現在仍然感動中...
有關其他花絮可看看alan寫了甚麼.
13484報導完畢.
9 comments:
13484 號，報告好詳細，你同隊員仲非常合拍（兩篇都睇哂）。既然表現良好，呢個星期你唔駛用牙刷洗地板喇 ^_^
Mr Wordy,
13484號唔單只今個星期唔駛洗地板.......有我妹仔係度.......佢無乜幾可會洗喇........絕大部份嗰啲粗活例如: 拖地, 洗廁所, 吸塵, 省浴缸, 燙衫, 接衫..........等等! 都係我妹仔做晒! 佢表演得最好既家務係做老爺........不過佢煮嘢幾好, 所以廚房係佢地盤!
你罰佢用牙刷省煲好啲........!
利害，都話你實得啦！仲破埋紀錄！
有人支持係會跑得快啲架 :)
話時話你凌晨4點副尊容好ok喎..
下次試下15k或兩項鐵人(游+跑)啦~
wordy sir: thank you sir!
alan: 咪扮可憐委屈喎.
黑柴: 多謝..當日上左身囉.
fun: 副尊容好ok? 你一定今日未行一善..多謝晒. 今年新目標就是15km, 不過真係要d時間練下先得.
13484 號，你隊員高佬蘇打你小報告，好委屈噃 ~
為左保持和洽既團隊精神（俾粒糖博間廠呀），你要多 d 參與團隊活動，除左用牙刷省煲，可以幫佢執好 d 衫褲鞋襪
仲有，阿 sir 好為食，遲 d post 一兩味撚手小菜黎睇下 (LOL)
wordy sir: 正如你所講為了保持和洽, 我決定封口以免事情沒完沒了...
我整既野食全部都係好食唔好睇, 所以俾你睇相只會令阿sir你倒胃...哈哈
壓腿都望鏡頭,好專業
兩佃人駛唔駛食咁多呀?比埋阿伯食架
naruto: 不嬲都好pro架, 阿伯要食少d先長壽架...如果好似我地咁食法, god bless him!
Post a Comment