2011演唱會第五回: 蔡楓華

由一場變三場, 原來真的有(不少)人支持蔡楓華.
自稱"天皇巨星", 先撇開譚詠麟/張國榮, 八十年代又有幾多人會說"我很喜歡蔡楓華"? 數數數, 一般人都會數陳百強/林子祥/許冠傑.
當年家父應該OK喜歡蔡楓華, 因為經常播他的歌, 亦有買他的碟, 所以他大部份有plug過的歌我都識, alan有時會問, "呢隻你都識?" 就是這個原因, 但一直以來我對於他都是麻麻地, 今次自掏腰包買兩張$380的貴價飛都是為alan而設啦.

蔡生出場前先有司儀錄音叫我們揮動螢光捧.

去九展就不要期望舞台設計, 但是晚燈光算不錯, low-budget得來都有心思.

有冇人心水清一看歌詞就知是甚麼歌?

呢套outfit不論顏色+膊頭設計都是"極品", 靚到呢...

當年有"白馬王子"之名, 當然要做回這個look, 都無可厚非.

第一場的嘉賓是譚校長, 果然是守諾言幫蔡生一把. 校長的雙下巴原來不比蔡生的細.

有D級dancer伴舞! 絕對空虛的經典劈腿動作就由dancer完成.

又是這款核突膊.

還有閃裙! 救命. 留意他的裇衫印有all4ken的字, 出來的效果極似上門追債不果而噴在牆的噴字.

除了一開始甩咀外, 整場在唱的方面是不錯. 但最致命的都是說話的部份, 主辦單位還在中間加插了深情對話的環節, 但偏偏就勁扣分, 感覺上他不是痴線, 而是唔化. 一方面顯得信心不足, 全晚不斷叫觀眾拍手, 但另一方面又顯得有點自大, 如自命當年是天王巨星, 又說要借錢都是一定要進駐紅館. 其實如果他今次是少說話多唱歌, 又或者表現謙卑一點, 甚至扮扮可憐, 我相信記者傳媒都會放他一馬, 但結果傳媒繼續報導是非, 但現在最慘的是已經無新聞了...

究竟他有沒有機會殺入紅館呢? 難!