上文提過與奶茶無緣, 在沒有飲奶茶的多年間, 檸茶就順理成章地坐正. 檸茶我只會飲凍不飲熱. 一來自己不喜歡熱飲, 兩來熱檸茶味道是特別的苦澀, 難喝! 不知何解, 熱檸茶我會聯繫到熱檸樂, 而我唯一飲熱檸樂的時候就是傷風, 所以對熱檸X都比較抗拒.
去茶餐廳食飯, 95%都會叫凍檸茶少甜(另外5%就是柑桔柚子/凍檸賓), 可想而知這些年來都不知喝了幾多千杯凍檸茶, 我最怕就是以下五類:
1) 不夠冰 - pizzahut的凍檸茶就是經常不夠冰, 端出來時只得少量碎冰浮面, 所以每次都要waiter要給我一杯冰.
2) 勁甜 - 貴價一點的餐廳都可以要求糖水另上, 但一般茶餐廳真的睬你都傻, 所以只能加句少甜, 但甜的定義個個不同, 結果有時依然覺得太甜, 又或者好像只是落了兩滴糖水一樣, 結果酸到死.
3) 勁細杯 - 懷舊西餐最易遇到這個情況. 記憶中的金雀餐廳跟餐的那杯凍檸茶, 個杯極細, 大啖的話三四啖就喝完, 離譜.
4) 不夠檸檬 - 很多茶餐廳切檸檬真的有一手, 有試過一杯得兩塊檸檬. 有試過三塊的但比M巾更薄. "中"到爛都不夠檸檬味.
5) 美式檸茶 - 美式餐廳的檸茶如outback的都是可以refill, 但又不會主動加檸檬給你, 當然你可以要求, 但最大問題是茶本身都是比較淡.
所以話呢, 要飲一杯對胃的凍檸茶真的是撞彩.
下回講包裝檸茶.
4 comments:
去 outback 呢類西式餐廳，我寧願唔要檸檬，就咁加糖水變 iced tea... 但同樣，呢類餐廳拎檸檬難，而其糖水亦都唔甜，落晒整酌都好似唔夠甜喇。
係餐廳/荼餐廳我冷熱檸檬茶都ok，但係茶餐廳佢地沖熱檸檬茶，其實都係用番奶茶個茶膽加水，間唔中佢地加少咗水，個茶太濃唔好飲。
多年前試過係一間小型茶餐廳食早餐，跟餐個檸檬茶細杯到好似試飲杯咁，要正常(加大)要另外加錢。
一般係7仔、超市買到的檸檬茶，我首選會係維他，跟住係雀巢，但最好飲我會覺得係snapple。
你對凍檸茶要求同我好似喎，不過我對檸檬嘅要求唔高，但求茶靚
karvitz: 冇檸檬好難飲架喎.
Tat: 我試過去茶餐廳杯凍檸茶有奶茶味! 離晒譜!
naruto: 檸檬都好緊要架, 話晒都係主角之一.
Post a Comment