再談檸茶.
平時出外才有機會飲到即製檸茶 - 其他時間就唯有以紙包檸檬茶作替代品.
小時候飲的是陽光檸檬茶, 當時覺得是世界上最好飲的東西! 不過一路長大, 我都搞不清楚是它越來越甜, 還是我的口味變了, 覺得陽光系的飲品全部都超甜. 就算近年推出了少甜系列, 一樣覺得唔OK. 於是慢慢就移情別戀鍾情維他檸檬茶 - 起碼有酸味, 有苦澀味. 當然跟餐廳的是兩種不同的味道, 但亦不失為好的飲品. 近年加推的supericy(難飲), 錫蘭檸檬茶(不喜歡), 青檸檸檬茶(ok, 但味道似代糖版), 少甜版(這個不錯), 但始終都是原味最得我心. 這數年間還有雀檸的面世, 又是另一種味道, 不夠酸, 但至少不算甜, 所以可取, 有蘆薈粒的那隻更佳, 冰極版勁難飲.
最大路的是以上3個品牌, 當然作為檸茶精, 其他品牌都試過: 如午後之紅茶(好普通), 吉野家還供應的碧泉(好甜), 返內地一定飲過的康師傅冰紅茶(內地又怎會有好東西!)
紙包檸檬茶絕對可以反映通脹! 一pack六包裝的維他檸檬茶由去年$10.9, 加至現在$14.9, 遠超通脹, 加幅驚人, 在打死都唔飲陽光的情況下唯有買雀檸, $12.5, 較為可取.
三大品牌過往都曾經用明星做代言人. 陽光最令人津津樂道的當然是伊健及樊亦敏的兩個版本. 以下可以看5個時代的不同廣告. 我從來未看過張柏芝及方力申的版本
維他去年有我覺得好煩的MC Jin.
大家又記唔記得87年的這個廣告? 有張智霖!
雀檸大家一定記得方力申: 女主角是否周秀娜?
還有這個...真的是邱淑貞?
5 comments:
係娜姐呀
都真係邱淑貞喎
都真係太甜喎
我個人係陽光愛好者
雖然身邊勁多人話難飲但我就係鐘意佢陣甜味
好耐無飲呢D"殘廢檸檬茶"(中學時用語,唔使篤), 只因太甜!!! 好肥~
哈哈，上次寫多咗，不過陽光我真係無乜點飲過，記得飲過一兩次，覺得佢甜又無茶味，跟住無飲。
其他的可以試下SNAPPLE，當然係超市買會比起其他地方平好多。
ogake
我有時一日飲幾包，仍然咁瘦，呢Ｄ真係體質問題，我都想肥，唉。
naruto: 呢D片絕對係意外發現.
beanz: 咁陽光靠晒你發揚光大喇...
ogake: 一包250ml都係100kcal左右, 唔好賴得就賴.
tat: snapple! 貴價檸檬茶...哈哈. 天就係咁唔公平, 你想肥時人想瘦.
Post a Comment