第一次看奶茶的時候應該追溯到初中時候. 小學時根本不知奶茶是甚麼, 屋企人只會給我維他奶. 直至中學後中午去茶餐廳吃飯時才喝了第一口凍奶茶. 自此就經常飲, 直至大學時某一次飲完奶茶後覺得胃有點不舒服, 不是痛, 而且只維持了幾小時. 當時不以為意, 隔幾天又再飲, 又再覺得不舒服. 隔幾天不信邪又飲過, 胃繼續發出不舒服的訊號. 那自此之後我就將奶茶+胃不舒服連繫在一起.
接著很多年都沒有飲過一啖, 直至今年有一日中午吃飯, 因早上飲了凍檸茶, 於是忽發奇想不如又試一試凍奶茶. 嘩, 超級好飲, 又再挑起我喜歡奶茶這東西. 不過看完之後又再一次付出代價, 整個下午個胃又不舒服, 那種久違但熟悉的不自在又來了. 又是煎熬了一個下午就無事了.
之後幾個星期, 我繼續犯賤, 每一星期都飲一次凍奶茶, 然後繼續萬試萬靈. 我暗裡是想令胃可以好好適應奶茶, 但卻再一次失敗, 今日中午再喝一次, 沒有奇蹟發生, 到現在十點多還是有點不舒服, 我決定不再硬頸, 不再堅持.
要跟奶茶一刀兩斷 - 還是飲凍檸茶算吧.
5 comments:
点解嘎？
奶含鈣、茶有丹寧酸，溝埋咗令胃部不適都係正常。
要適應一種飲品，通常營養師會建議由4分1杯開始。一段時間後，腸胃適應咗先開始加到半杯。但如果又唔適應，都要變番做4分1杯再嚟過。如是者一直重覆，直到飲完一杯都冇事，先叫做適應咗。
永遠係咁，我唔好呢就飲左都無事，你鍾意呢就唔飲得
兔爸: 樓下有解釋
black lab: 解釋好有理據 =)
不過算啦, 冇得飲唔會死人, 由得佢.
naruto: 係囉, 好彩都係奶茶咋, 海鮮的話死得!
我咪就係好鍾意食海鮮囉，唔食得咋嘛，呵呵呵～～
Post a Comment